映水芙蓉 (海運大廈) (Closed)

前幾日放工，兩個人去到尖沙咀搵地方食晚飯，頭痕左一陣，行到海運新開呢邊，一間食京菜，一間川菜，於是揀咗川菜試吓。帶位嘅小姐好親切同我哋講呢一間口味會比較清淡，唔會好似一般川菜咁濃同埋辣，係較溫和嘅版本。試咗四樣：。宮保雞丁。蒸粉糕。酸菜牛肉。夫妻肺片我只想好簡單講，服務係好好，食物水準係好高，真係未至於好辣，但又食到好川菜嘅未道，至於價錢，未至於平，但係真係叫做貨真價實，中高檔次，食得舒服。而家搵地方食飯，真係要講整體質素，有D餐廳係好好食，但地方逼逼夾夾，背脊對背脊多人又嘈，坐多陣都頭痛。有D地方高檔好坐服務好，但D嘢食只係和和暖暖，明明中菜但係上菜速度極慢，就算幾出名都冇用！呢度真係能夠取得平衡，令整個進餐過程都使人有10分舒服嘅感覺。