奕 串燒料理 (Closed)

🔸奕忌廉芝士 $58🔸燒雞泡魚乾 $78🔸角切醬油吞拿魚腩沙律 $138🔸厚燒牛舌 $58🔸牛肋肉 $58🔸豚肉荔枝 $26🔸雞皮 $24🔸大蔥雞 $28🔸燒大蝦 $48🔸燒飯糰 $28🔹另收加一服務費.今晚約咗朋友慶祝我就嚟脫苦海，揀咗間新開嘅樓上鋪食串燒，可以一邊食一邊呻。首先叫咗menu上第一道菜，叫奕忌廉芝士，用得鋪頭名嚟命名相信一定好正。果然，忌廉芝士混合咗鯊魚骨、芥末仲有蟹籽，連平時唔鍾意食wasabi嘅我都覺得好新穎好夾喎！串燒們全部都好高汁，牛舌非常厚肉肥美、豚肉荔枝清新多汁、牛肋肉調味甜甜焦焦、大蝦係新鮮海蝦、雞皮勁脆同香口。另外我個人食串燒必點嘅雞泡魚乾係我食過最好味之一，仲有最尾整多件燒飯糰，外層燒到脆卜卜嘅飯焦，真係突顯出師傅嘅燒烤功力。食得興起又傾到樂極忘形，簡直係完美嘅一餐飯，好好迎接聽日嘅happy friday！下次仲想嚟食依間嘅午市套餐𠻹，見到menu啲日式定食好吸引呢！

本來約咗朋友嚟食炸雞，等𨋢期間發現樓上開咗間日式餐廳，主打串燒料理，新張期間憑傳單仲有八折，兩個人商量一陣之後決定轉陣。餐廳唔算大，但裝修簡潔，全部牆油上石灰色，配上開放式廚房，俾人一種親切舒服嘅感覺。食物選擇唔少，除咗各式各樣嘅串燒之外，仲有唔少小食、沙律、炸物同主食。忌廉芝士雖然份量唔大，但味道非常有驚喜，混入芥末醬同鯊魚骨，無論味道同口感都好有層次。日式炸豆腐唔會有重重嘅油膱味，輕輕炸過令豆腐表面微脆，入口有清新嘅豆味，配上鮮甜嘅木魚汁，非常合襯。吞拿魚腩沙律配上生雞蛋醬油係完美組合，味道鹹淡得宜，呑拿魚味道鮮甜，沾上蛋味香濃嘅醬油同白芝麻，令味道鮮上加鮮。除咗開胃菜之外我哋仲點咗幾款串燒，第一道送上係厚切牛舌，牛舌味道濃郁，簡簡單單加上椒鹽去燒，口感爽脆彈牙而且一啲都唔韌，入口係滿滿嘅幸福滋味，非常突出！用薄薄嘅豚肉片包住鮮荔枝肉同紫蘇葉，豚肉燒到微微焦香，一咬落去荔枝汁四射，鹹甜味道交織，配上紫蘇葉獨有嘅香味，成個組合非常有驚喜！食到呢度我同朋友就知道冇揀錯地方！牛肋串燒雖然其貌不揚，但同樣有特色，用嘅醬汁有少少似叉燒醬，味道香濃惹味。燒免治雞肉配上生雞蛋醬油令鮮味提升，鹹淡

最近係銅鑼灣食到一間超高質嘅串燒店，全部食物都係有驚喜同用心制作嘅！牛肋肉🐮 ($38)牛肋肉嘅調味有啲似糖醋骨(!?)，又有啲似韓式燒烤🐄，都幾特別，而且佢肉質無敵腍，一啲都唔會乾，好好吃。.豚肉大蔥 🐷($26)豚肉卷住大蔥一齊燒真係好有日本風味🎏，豚肉肥瘦均勻🐽，大蔥燒過之後無咗刺鼻嘅蔥味而多咗一陣香氣，蔥控必叫😎。.厚切牛舌🐄 ($58)牛舌係一定一定要叫嘅！！好食到驚為天人😲，厚切嘅佢燒得岩岩好，入面仲係粉嫩嘅顏色，一咬落去勁juicy💦，用咗少少鹽燒已經可以帶出牛舌嘅香味，點解可以咁好食。.雞胸軟骨🐔 ($26)雞軟骨真係好襯燒烤😍，一啖軟骨一啖雞肉咁食好滿足，香脆又有咬口，雞肉一啲都唔鞋，仲好嫩滑🐥。.燒大蝦 ($42)大蝦係我嘅第二最愛❤️，蝦肉極度新鮮，肉質彈牙甜美，蝦殼用鹽燒到脆卜卜，脆到食得落肚嘅，但係蝦肉仲係keep住有肉汁嘅，好神奇！.汁燒八爪魚鬚🐙 ($32)平時食海鮮類串燒都好驚會燒過龍，但係依到絕對唔會！八爪魚一啲都唔韌，醬汁好惹味，食唔停口😋😋。牛油果沙律 ($68)依個沙律擺盤好靚，擺咗係個牛油果殼入面，熟曬嘅牛油果加三文魚刺身🐟同wasabi蛋黃醬，