素食新一代 (Closed)

兩個新一代相約到素食新一代食素，全因夠便宜、就腳，而且健康環保，身為新一代，點都要試下。大鄉里出城，不知遊戲規則，問店員有甚麼選擇。「你有無乜嘢唔食丫？無咪乜都有囉。」我和朋友假假哋都算係新一代，但卻一頭霧水。原來店員的意思是「是日套餐$38，五餸全包，粥飯可添，豆漿或湯，售完即止——無嘢唔食咪有齊五餸囉」。他身後的牆上貼有如此「餐牌」，只怪我們只顧看圖不看字，只看到觀音菩薩的畫像  牆上還有其他四字詞如「多飯少飯，走餸少餸，請早揚聲，耐心等候，外賣+$1」。嚟多幾次中文都會進步。朋友叫了少飯，但忘了少餸，最終都難逃淪為大嘥鬼的命運。觀眾切勿模仿，觀音在看。當日的五餸：1. 薑炒時菜2. 漢堡扒3. 豉汁南瓜4. 梅菜椰菜花5. 芙蓉煎蛋湯：木瓜湯以上配搭，僅三十八，還要粥飯可添。當今塵世，夫復何求。（看得四字詞多看上腦）地方的確略嫌淺窄，不過在人與人之間距離愈來愈遠的今天，吃飯時和他人靠近一點，亦無不可。不要倒瀉食物飲品害人害己便可。這兒雖然叫新一代，但其實賣的都是上一代——上一代的格局、上一代的簡單和上一代的價錢。有些上一代不時說我們新一代不濟。今次，我們食素，為環境和動物出了一分

成日行過都未試過，今日終於試了，$36套餐? 起初以為係幾餸選2至3個，點知望吓隔離發現個個都係樣樣有，😱原來唔洗選擇，可以選擇係要粥or飯，湯or豆漿，望一望全部餸我都啱食就決定食套餐啦！湯:老黃瓜蘿蔔湯餸:煎冬菇煎蛋角 蕃茄薯仔 素漢堡扒 沙嗲蘿蔔 炒豆角及菜芯粥負責夾菜的好人姐姐仲會問我有冇嘢唔食(可能見我坐低一輪先叫估我係第一次幫襯所以問吓)，套餐嚟到我諗緊食唔食得晒😂😂，最終死撐食剩幾條菜。總括嚟講呢度既餸唔會花巧，簡單，好似屋企餸，以$36呢個價錢滿足到我唔洗單一食一款餸既要求係唔錯，樣樣有啲，會再回來幫襯的

本人很喜歡去素食店 仲意佢食完吾會飽到吾舒服 吾消化係OPENRICE見到尼間屋企附近的小小素食店~大喜!係小商場入面 家庭型式既小店 有一個套餐 5個餸 你可以全部要D 或者指定要邊隻餸 有湯有飯 午市28元, 晚市29元5個餸有: 蘿白支竹, 抄蛋, 漢堡扒, 薯仔牛肉(但我冇見到有齊牛肉), 抄時菜見佢日日都差吾多尼幾個餸味道來講很普通 除左個漢堡扒好好味之外 其他冇咩特別好食但總體有屋企既味道 店員又好親和 平時冇屋企飯食既我來講好中意尼D味道會經常來 而且揾機會會試其他菜式

星期六的下午，我同男朋友一起去荃灣行街，我鍾意食齋，於是選了荃灣這家素食小店。下午兩點半來到，食客都幾多。這一日套餐的菜單為：1. 薑蓉炒菜心 2. 蕃茄素肉排 3. 免治牛肉薯仔 4. 枝竹炆蘿蔔 5. 芙蓉煎蛋湯：木瓜湯 我地點左一個套餐 << 點左薑蓉炒菜心. 蕃茄素肉排. 枝竹炆蘿蔔. 芙蓉煎蛋>>仲有一個白飯同一個湯都係 $26...食唔夠, 仲可以添飯同湯嫁...另外仲點左一個小菜 < 豉汁鰻魚 > $40....食完, 我仲添左一碗湯, 仲問佢可唔可以比多d湯渣, 跟住佢真係比左成湯碗湯渣我..... 薑蓉炒菜心 : 炒得好好, 冇渣, 又唔油 蕃茄素肉排: 蕃茄好好味, 素肉排好似扎肉, 食落似雞肉..chopstick: 枝竹炆蘿蔔 : 好入味, 不過唔夠淋... 芙蓉煎蛋 : 唔係整定, 熱辣辣同有蛋汁, 唔錯.... 豉汁鰻魚 : 好大碟, 幾好食, 但我自己鍾意淡味D, 但我男朋友就好LIKE ...仲有D大白菜墊底,GOOD......食到嘔, 都係$66..