筷子記

Open Now

Now Closed

朋友住中環推介筷子記嘅車仔麵，今日公眾假期座位9成滿。朋友推介澳門包心卷為必點餸，我們兩碗車仔麵都有點包心卷，包心卷是以魚肉包豬肉，食落有煙韌口感，味道不錯。兩個車仔麵唔同湯底，一個沙茶湯底，一個招牌豉油湯底。本身以為沙茶湯底會有少少辣，實質湯底沒有辣，但的確幾惹味！而招牌湯底較為清淡，下次食會再點沙茶湯底。另外，朋友推介奶油麥多，烘底多士與牛油及煉奶係奶油多的經典配搭，但筷子記的奶油麥多味道較為普通，沒有驚喜。筷子記嘅環境較為狹窄，我們的座位附近有些雜物較為迫。雖然當日係公眾假期，該時間亦沒有人在等位，當我地剛食完麵及麥多，職員便立即催促我們結帳，及收走我們未喝完的飲品，令我們感到有點愕然及有點趕客的感覺，員工服務態度有待改善。

鐵皮屋撈(三餸$36)，餸揀左瑞士雞翼、澳門包心卷同青春魚肉腐皮卷，個青⋯卷簡稱「春卷」，幾得意幾好味，唔知點解食落有d似芋頭卷包心卷係魚肉包豬肉，中意食！雞翼就ok啦幾入味但唔厚肉，個麵係油麵加「窮人洋蔥汁」，佢係真係咁叫，窮遊兵團去到梗係諗都唔諗就嗌啦，都唔馬虎架有洋蔥，撈落其實真係唔差，聽聞撈福麵會更正，下次再試下！仲有免費加澳門招牌勁辣咖哩油，嗌左小辣都辣到飛起，過然勁辣！好味指數：7/10荷蘭園辣魚包($18)，其實佢個價仲平過澳門某幾間，上碟餐包勁熱，完全拎唔到上手，新鮮整起，辣魚碎份量好多，啖啖都食到魚，味道有d似紅圈牌，幾好味！好味指數：7.5/10奶油麥多($13)，抵食奶油多，但嗌果時完全估唔到係提子麥黎，1號唔太食提子，食左1/4味道都唔錯，友人話好好食！好味指數：8/10麵跟餐有野飲，飲左凍美祿，好耐無飲過，食完辣野飲好正。辣魚包連野飲$28嗌左羅漢果茶，見到成杯可樂咁都知有幾濃啦，甘甘甜甜，健康又好味！窮遊指數：8/10

食家 Rubsberry 帶我同 Chups 黎到 chopsticks kee, 本來見倒條長龍已經想走, 打工仔得一個鐘食晏, 冇計啦.. 但我比佢門口個菜瀾公仔吸引倒, 所以繼續排 點知排到埋去先發覺中晒伏, 原來係個菜瀾代言既濾水器廣告.. 難道裡面有濾水器馬介休食? 裡面真係逼到 , 但嚮門口已經落左 order, 所以入到去就坐低左, 環境認真差差差.. Anyway, 我 order 左:包心卷, 腐皮卷, 肥牛, 豬頸肉, 沙爹汁, 嘮 米線 包心卷 - 普通到 +01, 魚肉卷包住左 D mud? 恕我食唔出 腐皮卷 - 熱辣辣, 但炸到硬晒肥牛 - 普通水焯, 冇味豬頸肉 - 話麻辣但一D都唔辣, 汁夠濃沙爹汁 - 普通, 唔濃唔辣米線 - 好滑又有咬口, 尚可Overall - 僅僅合格. 如果唔係筷子記 (叫做有 D 名), 同埋我阿文既宗旨, 絕對有肥老既危機. 唔好甘急住, 試左 D 港式米線 (yes, 係港式), 甘 D 葡式濾水器嚮邊?濾水器豬扒包就唔見, 好彩仲有個葡式豬扒包同奶油麥多.豬扒包用烘熱餐包, 加上薄切豬扒都已經合格有餘, 巧妙之處在於

平時中午時份經過...好多人...今日晚上7點幾黎到...好多位....一入到去, 阿姐已經同我地講, "三餸, $26, 包飲品, 下午茶餐到8:30pm"叫了魚肉, 包心卷, 魚腐角撈烏冬, 窮人洋蔥汁...朋友叫雞翼, 生菜, 包心卷撈粗麵, 窮人洋蔥汁...再加個 奶油麥多魚肉, 包心卷, 魚腐...呢三隻其實味道差不多...都係魚肉類....烏冬..條條都好長...好滑...窮人洋蔥汁..呢隻汁真係好味...但唔知點形容隻味~奶油麥多...呢個...超好味....隔了一陣先食...凍左...但都好味...(一般多士凍左, 係幾難食的)感覺有少少食生命面X的蜜糖雞蛋面包味....類面仲有幾粒提子...同埋幾軟熟咁~兩個人食, total $69, 真係好抵~俾錢時, 阿姐話晚市無咩人...中環晚上好靜....哈...咁食晚市真係幾舒服....(7-8pm 都仲有好多位)

莫道快著小，日日伴君餐；千年甘苦史，盡在雙筷間以上這句子列在筷子記的餐牌上，充份反映老闆知足的樂天性格，這間位於威靈頓街的小店鋪位狹小，賣的又不是甚麼貴價葡國菜，反而是一些澳門市井 down to earth 車仔麵，看看餐牌，驚見一道窮鬼洋蔥汁撈烏冬，一味三餸下午茶價 (下午兩點至八點) 只是 $27，簡直是為我這等窮鬼而設的美食，既然名為澳門特色車仔麵，便選擇了澳門包心丸、青春魚肉腐皮卷及葡國臘腸三種富地道色彩的配料。窮鬼洋蔥汁，味道相當基本，略比港式快餐店的洋蔥汁濃郁一點，配合吸味的烏冬惹味非常，是一個不錯的組合。配料方面，葡國臘腸外表及味道跟一般臘腸沒大分明，唯油脂分佈得比較平均；青春魚肉腐皮卷不知跟青春有何關係，但魚肉相對比較少，只是較小的腐皮卷；至於澳門包心丸是三者中味道最佳的，平面切開亦令撈烏冬賣相更特別。另外也點了一客奶油麥多，麥多是含提子的那種，奶油佈滿整塊多士一點也不吝嗇，但味道上勝香園仍是稍勝一籌。五蚊六粒的咖哩魚旦，不算爽口彈牙，但咖哩汁味道辛辣剛好，是不錯的小食。下午茶餐只需加 $3 便有特色懷舊飲品，我當然沒有放過，要了一杯柑桔七喜，想不到柑桔跟七喜的味道是