Season Oyster & Wine Bar (Closed)

📍Season Oyster & Wine Bar🇭🇰香港銅鑼灣信徳街14號地鋪🇭🇰G/F, 14 Shelter Street, Causeway Bay, HK🌐銅鑼灣#MFJ銅鑼灣 #MFJ西餐 #MFJ_CausewayBay #MFJ_WesternFood味道: 👅👅賣相: 👀👀👀價格: 💰💰💰服務: 👨🏻👨🏻環境: 🌹🌹性價比: ⭐️⭐️回頭率: 人均消費：HKD今次新餐廳食生蠔！餐廳位於銅鑼灣，但非常非常偏僻，近中央圖書館附近餐廳環境就唔算特別好啦，感覺好迫好迫，枱櫈坐得唔太舒服，地下好多水漬樓上就冇一個侍應係長期喺度嘅，而且啲侍應好似未瞓醒咁⭐️日式佐酒枝豆🥢$48喜歡食知道嘅舉手！我以前都唔係太鍾意食，覺得好似毛神神咁😂人大左口味變喇，有鹽鹹鹹地有幾好味喎，會不自覺咁係咁食係咁食🆗意大利芝士火腿拼盤🧀$168以我所知本來拼盤就應該有三款芝士，三款火腿嘅，但話有款芝士同火腿冇貨喎🤷🏻‍♀️芝士嘅話呢朋友就話上邊嗰隻比較有果香啲，我就覺得中間嗰隻比較清淡啲好味啲火腿就普通麻麻啦🆗挪威煙三文魚沙律🥗$58$58一份煙三文魚沙律又唔貴嘅煙三文魚味道係OK嘅，略嫌重唔太夠，唔太香🆗尊

今晚同勁鐘意食生蠔既男朋友黎到銅鑼灣食生蠔，食到好滿足。精選生蠔$9隻，超抵食，我地叫左1打半。雖然細細隻，但好creamy，性價比超高。美國中碼生蠔 $18隻，我地叫左4隻，蠔肉比較飽滿。南非生蠔No.1 $29隻，我地叫左3隻，第二大隻，食得到海水味。法國生蠔No.0 $39隻，我地叫左3隻，係最大隻，相對比較鹹。烤焗海鮮拼盤有芝士焗原隻龍蝦、巴馬臣芝士焗扇貝2隻、蒜蓉翡翠螺4粒、芝士黑松露焗大啡菇1隻、牛油蒜蓉焗虎蝦2隻，同樣好抵食。全部食物都係即做即做，慢功出細貨，兼保持到新鮮同熱度。威爾斯羊仔架配有沙律同薯角，羊架口感夠腍，無羊膻味，size都大好件，好有水準。

我一向都鍾意食生蠔，雖然唔係特別識食…今次同女朋友嚟食呢間生蠔都算有驚喜！餐廳提供四款生蠔，我地樣樣都叫咗幾隻，最平嗰種$9隻，我地就叫咗一打半。我同女朋友都認為最平嗰種反而最好食，creamy正正…另外叫咗個海鮮拼盤同羊架。海鮮拼盤都算幾好，幾多款嘢食。羊架真心抵，百幾蚊但好大件，我諗同一般食開嗰啲比較，佢一件等於其他餐廳兩件！如果想扮少少豪氹男女朋友開心，又想抵食夾大件，呢度會係一個好嘅選擇！！

難得媽媽放假，就同佢嚟銅鑼灣行街，順便撐枱腳☺️經過見到呢間餐廳都幾有特色，裝修唔錯，感覺幾chill，就決定晚餐喺度醫肚😋餐牌上嘅食物選擇都算多，主打係生蠔同埋酒類飲品，不過今次就食吓啲熟食🤤日本一口和牛粒~先叫小食，日本和牛粒一口size，夠晒方便唔使切，咬落去啖啖肉，肉味濃郁，肉質鮮嫩，肉汁亦夠豐富，感覺juicy，有少量的沙律菜作伴碟，味道幾清新，減少肉膩感~自家製炸爆汁廣島蠔(5粒)~係我同媽媽最愛的炸生蠔，每一粒都係啱啱炸起，外層十分香脆，而且金黃色的外表賣相不錯，咬落去熱辣辣，蠔汁流晒出來好juicy，隻隻飽滿好滿足😙威爾斯羊仔架~主菜叫咗羊架，有四支骨，肉質幾鮮嫩，沒有羊甦味，帶有少量脂肪，增添幾分油香，點埋醬汁一齊食味道好夾，令羊肉鮮味更為提升~薯角亦是啱啱炸起，外皮脆卜卜，內裏薯仔則較為軟滑☺️牛油蒜香蜆肉意粉~新鮮炒製，香蒜味道十分濃郁，食落亦幾惹味，粒粒蜆都幾飽滿大隻，分量適中，加入少量車厘茄為帶來少許鮮甜的感覺，亦增添了少許田園氣息🥰最後以一杯橙汁和蘋果汁作結，清清甜甜的味道可口，為整道晚餐帶來圓滿的結束😙

生蠔是不少人的至愛，很多人對它趨之若鶩，亦有些人避之則吉，但其實很多時不愉快的食味和經驗都是因為生蠔不夠新鮮所導致，如果是即開生蠔的話大都是鮮美爽甜，並不如印像中般腥澀，當然口味和接受程度這回事不能一概而論。大家都知道要吃新鮮生蠔當然是去蠔吧最穩妥亦最多選擇，但奈何市面上一般的蠔吧價錢相對來說收費較貴，使到一種蠔粉唯有勒住肚皮，只可間中開懷嚐鮮。最近來到銅鑼灣邊緣鄰近維園一帶，造訪了一間隱藏於橫街內、主打即開生蠔的餐廳，門面以一大幅綠葉牆作招牌，十分搶眼，落地玻璃放滿了不同的紅白酒，感覺像一個酒窖多於餐廳。店內以木色系為主調，灰色的牆身加上紅酒木箱作裝飾，配上微黃昏暗的燈光，設計帶點Vintage風，環境氣氛舒適到位。門外宣傳板以$9一隻即開生蠔的優惠作招徠，原來惠顧原支餐酒亦可以特價換䐟指定生蠔，實在太吸引了，筆者二話不說先點來一支偏甜的Moscato白酒，並以換購價$50選購了12隻的精選生蠔。當晚的精選生蠔是來自美國和法國的蠔種，雖屬優惠和換購價錢，但店家一點也沒有馬虎，生蠔十分新鮮潔淨，端上來時裙邊還在動呢！蠔身雖屬小號Size但仍算肉厚爽脆，海水味不算太濃，入口鮮甜帶少許金屬

近排飯局特別多，又出街食好西。今次過海食，因為朋友介意銅鑼灣有間餐廳無論食蠔定係食主菜都咁正！要去到銅鑼灣德信街，經大路行去都吾遠。去到揾都好易，門面裝修都用左心思。入到去仲有一幅應該由酒箱砌出來的特色牆，十分有品味，正!見到有吾少女仔都係到影相打卡！間店有提供叫一支酒可以換購生蠔優惠，睇落好平。可以叫來慢慢傾偈，嘆下酒。不過老婆唔舒服，今次就主要試熟食，所以留反下次先再‘蠔’啦!我睇完個餐牌後，決定叫個羊架，海膽多士，清酒煮蜆，仲有一杯梳打。朋友個D我就吾多作介紹啦。其實我想試下其他，但應該食吾落。海膽多士，當然要用厚多士先好食，上面仲有一層厚厚芝士，仲要加上最愛海膽，你地睇相都應該流晒口水呢!食落有勁香濃既芝士味，真係好好食，仲可以拉好長既絲。如果多少少海膽就更完美！清酒煮蜆，雖然碟蜆好易煮，但係如果原材料吾生鮮，咁就一定吾好食了。睇落隻隻蜆都好大隻，D肉都好肥好厚，煮過都吾會縮水，咁就知係好野。食落仲要多汁，又嫩口。重點係無沙！羊架，真心大力推介紹，雖然等左好久，但係到你食過就知值得，因為真係慢火燒出黎！羊肉嫩口多汁，又吾膻。重點仲要配埋佢D薄荷醬超一流，食落口好清新，食完全碟肉

之後去餐廳食蠔都好貴，閒閒地都要40-50蚊一隻，今次有朋友話呢間食蠔好抵，就特登黎試下。成間餐廳都以蠔同酒做主打，成個裝修都係以唔同酒莊酒箱木為主，問番先知原來餐廳以外仲有兩間賣酒店，所以都用番黎做裝修。一睇當然睇蠔先啦，佢做緊生蠔拼盤$198 一打送白酒，原價$298，咁當然諗都唔諗叫左先啦。門身都想睇下散叫，不過又唔係好識分，所以叫左個拼盤試下先唔夠再叫。生蠔新鮮，雖然size 唔算大，不過都幾鮮，海水味較重，不過呢個價錢真係照值，一人一打都抵。而送個枝白酒都好易入口，唔會好澀，唔差。見keep 住都有人買外賣生蠔拼盤，如果住付近買番屋企食都幾chill.食完蠔朋友都想食下熱食，主食選擇唔算太多，大多數都係海鮮，而食肉獸都係鍾意點肉類，就叫左個羊架、小食拼盤同埋炸物拼盤喇。小食拼盤有一口和牛粒，原條鰻魚同魷魚桶，份量都幾多。和口粒都幾出色，入口即溶，鬆化。為左送埋枝酒，所以叫呢個小食拼盤，最鍾意個炸蠔同埋南瓜粒，好鬆脆好香口，而薯條亦都有黑松露醬，最愛黑松露薯條。最後仲叫多左個pizza,都要等一段時間，應該係即叫即極即焗，新鮮滾熱辣咁上枱，皮都算焗得脆口。整體黎講海鮮類比較出色