山止川行 (Closed)

我很喜歡「山止川行」，名字改得優雅，佈置得很有品味，氣氛優閒，播放着柔和輕鬆的音樂，是減壓的好去處，別於一般川菜館富那種神秘及緊張的氣氛。價錢合理，招呼周到，所以再來吃晚餐，點了兩個湯兩個菜，川粵各一半。金湯酸辣煲仔魚翅 $298酸度頗強，依我口味已經去到頂點，剛好不嗆喉，出奇的討好。金黃色澤，因為以南瓜作湯頭，所以帶一點甜味，對比富鹹香的火腿絲及爽口入味的翅，口感豐富，翅量不多但非重點，配備芫荽及醋，原煲上非常熱騰，二人分享亦足夠，值得一試。宋嫂魚羮 $68處理得很好，湯頭順滑，醇厚味香，魚肉之外，豆腐及豆皮倍增滑溜，芫荽香溢。招牌辣子雞 $328夠鑊氣，香而不過辣，細細粒的雞肉連骨，非常香惹，如尋寶中在紅辣椒火海中找尋亦是有趣，與花生同吃更好吃。孜然牛肉 $158牛肉嫩滑孜然香，因為夠鑊氣，肉香椒香澎湃，佐飯一流。水準平均，香辣味平衡，唔油膩，午餐CP值高，若然喜歡嚐辣，值得一試！

呢排個個都出國或去內地旅行，我就話香港咁多好嘢食，留返係度，試吓各地菜式都可以。所以，今次選擇咗銅鑼灣的「山止川行」食川菜，由做了20多年的廚師主理，聽聞是係內地跟師父食過下夜粥架。另外，其實佢仲有打邊爐，不過我哋都係想食川菜。麻辣肥腸 $78小辣的滷水豬大腸，辣度適中，唔會食完要休息一下條脷先可以再食，又甜甜地，豬大腸好淋易入口，一啲都唔韌。四川口水雞 $128辣味會維持耐啲，同埋小辣至中辣之間，食完要喝茶🫖，解一解辣，雞肉好滑唔鞋口。酸菜桂花魚 $388桂花魚又大件、又厚身、又滑，酸辣味適中，好味到飲埋啲湯，很濃味，又唔會辣到飲唔到，飲完冇口渴，湯底真係好好味。孜然牛肉 $158好淋的牛肉，孜然味香而不濃，入口有淡淡孜然味，味道不會太搶，反而覺得更好。洋蔥不會太熟，我就喜歡這熟的程度，有點辣、有點甜、有點香，配牛肉一齊食好好味。香菇四川臘腸炒飯 $128一啲都唔辣，臘腸味不像香港的濃，但肉質比較結實，不打緊，因為切了小粒，易入口，飯粒比較濕，不算乾爽，整體味道唔錯。