幸福週末 (Closed)

週末同朋友去幸福週末💃🏻哩間其實已經飲過幾次，但之前每次都係飲黑糖珍珠飲品，今次一於同朋友一齊叫啲特別啲嘅嘢，等大家可以參考下😆.以前去台灣同日本旅行嘅時候都有玩過啲搖珠機，宜家冇得去旅行唯有玩住幸福週末嗰個先☺️只要買夠$30就有一次機會可以玩一次，慢慢轉一個圈就會有珠仔跌出嚟，然後店員就會俾返相應嘅幸福指數卡😁儲夠指定數目嘅星星仲可以換返杯嘢飲架🤩不過我今次抽到嘅得一粒星，唯有再嚟飲多幾次儲夠佢⭐️• • • • •🧚🏻‍♀️愛戀抹茶紅豆奶凍🧚🏻哩杯望落好靚，係淡淡嘅綠色入面有白色嘅奶凍同個底有好多紅豆🥰飲落抹茶味唔算重🍵紅豆都煮得夠淋但又唔會爛😚抹茶同紅豆係絕配就大家都知架啦，但佢中間仲有一大個奶凍，奶凍食落都幾重奶味🥛成杯加埋一齊口感都幾豐富🤩.🧚🏻‍♀️季節水果茶🧚🏻朋友不嬲都怕甜，但佢俾咗錢到差唔多拎得嘅時候先諗起唔記得叫少甜，所以就同我講佢平時去其他飲品店都覺得水果茶會太甜，宜家冇叫少甜所以好驚會好甜😖但飲落去原來係唔甜架!! 😳飲落都幾香茶味🍃而且仲有好多水果，有西柚/蘋果/青提子/橙，可以飲完之後食埋佢地🤪.🧚🏻‍♀️草莓鮮奶🧚🏻另一個朋友就叫咗草莓鮮奶，哩杯望落都好靚，加咗士

上星期同朋友係銅鑼灣食完飯行左一陣街有d 口喝，知道渣甸街有幾間店舖都係賣飲品，呢間店舖前身係幸福堂，現在就變左叫幸福週末，希望飲完都會變得幸福快樂，我地見到都有幾個人在排隊，比完$就會比張飛仔你等叫號碼。我地點左季節水果茶$32 及黑糖珍珠海鹽鮮奶$30，即叫即整，等左一陣就叫我地個號碼啦！季節水果茶味道鮮甜，有士多啤梨，蘋果，西柚，全部都係時令水果，飲完仲可以食埋d 生果。而朋友個杯黑糖珍珠海鹽鮮奶$30，因有海鹽關係所以甜中帶點咸味，鮮奶好香滑，珍珠好Q陣，有咬口！👍😋✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨