點點甜 (Closed)

係旺角食完飯意又係食甜品嘅時侯，轉個彎就到點點甜，所以又食呢一間宇治森林（$48）Uji Matcha Forest食過點點甜嘅芋圓系列真係覺得麻麻地，所以今次都係食番最有保證嘅抹茶產品🍵宇治森林🌳裏面有有抹茶雪糕🍦白玉、抹茶啫喱、紅豆、豆腐花同脆脆。首先講下抹茶雪糕先，雪糕無話有回甘味🤗有抹茶味但未算好濃。不過雪糕好滑，白玉口感煙韌帶微甜👍正正子😍抹茶啫喱食唔太出有抹茶味，甜甜嘅紅豆同淡味嘅豆腐花作出互補💞成個組合幾夾，不過草根唯一唔太中意中間唔d早餐脆脆🙈見到好似出左新嘅雪糕系列，下次試下先

唔知你哋同另一半嘅口味夾唔夾嘅呢？其實同A姐一齊咗咁耐，我好想講佢真係好易養，因為我哋有好相似嘅口味，我哋都好鍾意打邊爐同食車仔麵，而我哋都唔好甜品架，梗係啦，望住對方都夠晒甜啦！不過，今日例外啲，因為我哋喺旺角食完一間好多味精嘅餐廳之後，真係口喝到暈，結果食甜品就成為了我哋今晚嘅特備節目。之但係，太甜我哋又好驚，所以見到呢間鋪頭真係啱晒我哋心水，佢叫點點甜，姐係唔會好甜啦。香芒明珠食甜品又點少得芒果呢？而且叫芒果真係好保險架，你睇吓周街有幾多主打芒果嘅甜品舖就知啦！勁口喝嘅我哋，見到呢個芒果汁底，已經急不及待飲幾啖喇，好濃香嘅芒果味，又夠凍，仲有好多芒果粒，真係好fresh又解喝呀！不過，講真，呢個甜品嘅製作難道唔高，好彩用料都無偷工減料，除咗芒果汁，仲有芒果布甸、椰果、白丸子同雪糕，好足料呀！宇治森林一個選擇相對較甜嘅芒果，另一個就選擇相對較苦嘅抹茶啦！抹茶雪糕夠滑，茶味又濃又回甘，加埋少甜嘅紅豆蓉，成件事中知晒！仲有好軟滑又爽嘅抹茶啫喱、煙韌嘅白玉、脆口嘅粟米片同最驚喜嘅豆腐花，估唔到豆腐花會到呢杯抹茶咁match架！

點點甜Ideas Dessert係旺角開左分店，唔洗去到荃灣甘遠，對住係9龍嘅草根真係好消息!!而家睇落真係好多選擇，好多都好想試，可惜胃納有限，草根2人苦惱一輪後揀左3樣由於早前已經喺荃灣分店試過紫薯心太軟， 所以今次就試培茶味🌿!!靜崗焙茶心太軟配Movenpick雪糕 ($58)Hojicha Lava Cake with Movenpick Ice Cream一上枱已經超級香，一切開已經好似熔岩甘流曬出嚟，流心程度超高。培茶味道濃厚，配上味道較淡嘅豆腐雪糕同甜甜嘅紅豆又真係幾夾始終點點甜心太軟質素真係唔錯，草根大推呢個俾大家，絕對係店內名物，我地認為係必食之選!!!!睇睇流心程度幾高!!!另一樣都係嚟到必叫!!宇治森林（54）Uji Matcha Forest抹茶雪糕質感好滑，雖然無抹茶嘅回甘，但雪糕質素好高，店員無偷工減料，雪糕唧得滿滿，面頭有白玉、抹茶啫喱同紅豆，甜甜嘅紅豆粒粒有咬口，白玉好煙靭，不過啫喱就無咩味，雪糕食到中間有粟米片脆脆，口感好豐富， 最落底仲有豆腐花添， 豆腐花好滑好甜整體食落超match仲好大杯最後一野叫左芋圓仙草盛 ($30)芋圓呢排大熱，但係其實好