Joyful Dessert House

Open Now

Now Closed

有誰會不喜歡抹茶？這個來自日本的獨有味道，苦中帶甜，太吸引了吧！來到米芝連甜品小店，點我最喜歡的抹茶系列。宇治金時芭菲，一層一層的牛乳雪糕，夾著布甸，紅豆蓉，啫哩。傳統得來，香濃香滑，很夠份量，吃得滿足！綠茶心太軟伴雪糕，一次過滿足三個願望！抹茶雪糕、抹茶蛋糕、抹茶朱古力溶漿。心太軟的流心效果恰到好處。沾著熱嘞嘞抹茶蛋糕吃，既邪惡又甜美！香滑而不膩口，果然是得獎小店的小小心機！：）

又來飯後甜品 今次食新野sell新派甜品嘅joyful宇治金時芭菲 好華麗嘅裝飾😌綠茶味嘅雪糕十分香濃 下層係忌廉 紅豆同綠茶條忌廉的確十分邪惡 但配埋軟林嘅紅豆又好夾喎😅一層一層嘅排列 加強了層次感最底層嘅綠茶條口感QQ的 不錯不錯👍🏼 另外點左麵包布甸 上枱時熱辣辣香噴噴 吃落面包鬆軟 中間夾雜了微甜嘅布甸 重有提子乾 口感豐富 食落唔會太膩👍🏼

今天晚上食完飯同朋友行左陣街，意猶未盡，就再去食下甜品，黎到旺角東呢到真係好多甜品店，真係花多脈亂，揀左一陣決定食呢一間。可能我地入店既時間尚早，唔係見到有好多人。店入面裝修擺設簡單舒適，坐位排放整齊。剛入內沒有太多人，但點左野之後坐位已慢慢坐滿晒。我地就知道食甜品既時間開始左。英式面包布甸($46)-我揀左呢個英式面包布甸，面包中加了布甸焗完後上枱，面包十分鬆軟，加上中間既有甸，口感豐富，而且甜而不膩，而且仲加入左幾粒提子乾，食多幾啖都唔係覺有膩既感覺，雖然食完晚餐唔係好耐，但都可以好快食完，美感同味道都十分好。宇治金時芭菲($56)-朋友點左呢個宇治金時芭菲，賣相十分討好，分了幾層既者厘同CREAM加上雪糕，造成一個層次感十分好既甜品，最頂有抹茶雪糕同埋紅豆及者厘，食完一層有CREAM隔住再食一下層，食極都仲係有新鮮感，十分吸引女士。店中既甜品都十分精美，走高檔路線，但價格不算太高，性格比十分高，所以係呢條甜品林立既街仍有咁多人黎品嚐。

上次黎已經有一段時間,記得個藍莓乳酪芭菲好好食,仲話一定要試埋其他芭菲,今次就如願以嘗試埋宇治金時同黑糖oreo,但今次比上次遜色有球綠茶雪糕係頂同中間,之後就係紅豆加cream加蒟蒻既組合,蒟蒻唔似係綠茶,似係斑蘭味,但肥仔比較鐘意上次藍莓乳酪芭菲多ｄ一樣有球曲奇雪糕係頂同中間,之後就係oreo加cream加蒟蒻既組合,我食完自己呢個就知道點解肥仔會鐘意上次個藍莓乳酪芭菲多ｄ,因為藍莓乳酪芭菲係用乳酪取代cream,味道會豐富D,而今次呢個主要係cream加餅碎加蒟蒻,蒟蒻又無咩味,所以寡左D試埋呢兩個味之後,真係強烈推介藍莓乳酪芭菲！！

每次食到好飽，一聽到甜品雪糕都會即時心心眼，好想食．今次同朋友旺角行完街，晚餐都不吃就直接去了Joyful Dessert House♥當日八點去到，人流不多，我想大家都在吃晚飯吧？餐牌上的相片十分吸引，好想全部都食落肚 我們叫了三樣甜品 ♥♥沖繩黑糖OREO芭菲 $56一送上來十分開心，因為有很多曲奇碎 ♥ 芭菲分了好多層，由忌廉隔住啫喱，忌廉十分濃濃奶味，黑糖啫喱軟硬度適中，有口感，而且有點咖啡味，不會太甜，搭配忌廉甜度剛好．尾層夾著啡色東西（心想，不會全是曲奇碎吧？♥）點知真係嫁！繼續濃濃忌廉配曲奇碎，正喂～我這個Orea迷表示十分滿足♥宇治金時芭菲$56我朋友絕對是綠茶迷，她每次吃甜品一定是綠荼首選而我非全部綠茶都吃的，我不喜歡太過甘苦味的綠茶甜品．宇治金時芭菲正正是我會吃的，一層忌廉隔住啫喱，一層隔住紅豆，綠茶甘而不過苦．然後，這個叫做Mr.White奶凍 $52十分迷你可愛而且好上鏡，仲有個Mr.Black奶凍嫁～面頭是雲呢拿雪糕同脆卜卜的杏仁片，好香口雖則它不是特別出眾，但軟身既奶凍配上脆口杏仁片及雪糕，卻會令你一口又一口把它吃光．這裡環境好舒服，很喜歡白磚牆身，可以跟

任何跟抹茶扯上關係的甜品，似乎也特別受歡迎，因此每間甜品店怎樣也有至少兩款綠茶甜品招呼 '茶粉'.  joyful也不例外, 站著看著門口的menu, 件件都很吸引, 加上已吃過晚飯, 甜品已向我招手吧~於是點了一客宇治金時芭菲. 一層一層，鮮明的顏色對比，是這類芭菲引人入勝之處. 抹茶雪糕、紅豆、忌廉、青檸啫喱， 重覆地間隔著. 抹茶雪糕的回甘味不高, 然而夠香滑; 忌廉的奶油度適中, 不會過膩; 紅豆青檸啫喱的味較淡, 對於整杯甜品的化學作用不太大, 抹茶、忌廉及紅豆都是較黏的, 但啫喱的出現, 正好來一個漂亮的間場.這麼大杯, 最好就是找個伴侶分享啊~ 很是甜蜜!!另外, 也點了一個輕盈甜品 - Baileys 梳乎厘. 嘩! 升得很高啊, 空氣感充足哩~ 這好像是我吃過的梳乎厘當中, 發得最高的一個.  Baileys味偏淡, 沒有想像中的濃度, 或許連不喜歡酒味的朋友也能吃. 蛋白焗得夠滑, 而且不會過甜, 自己是絕對能吃光一整個的, 而且最好就是它夠輕, 吃後都不會覺得滯.今次是第二次惠顧joyful, 甜品味道方面是有改善的, 而且款式選擇亦多了, 期待下次到訪時有更好的

女人從來都是有第二個胃的這個胃是甜品專用的唔知點解男人唔明點解女人食咗甜品會開心啲旺角黑布街就快變成甜品街啦今次我就揀咗呢間紫色招牌嘅我最鍾意就係紫色架啦好鬼搶眼又浪漫joyful個名真係改得好好我真係好enjoy於甜品小店有我很愛的巴黎鐵塔相伴左右Menu 色彩繽紛選擇又多好想全部都食晒落肚囉如果唔會肥嘅話抹茶控當然要order matcha 啦我忍唔住要左兩様先係就係宇治金時綿綿冰夏天食呢個真係透心涼抹茶味不會太濃但綿綿冰嘅口感好滑啊果然一啲都冇令我失望呢拿破崙系列好吸引眼球好難忍囗所以叫咗個芒果拿破崙拿破崙嘅酥皮好似好多層咁而且仲有好香嘅牛油味入口又脆又鬆化酥皮上邊仲鋪滿咗朋友最愛嘅芒果芒果粒粒都好甜仲好大粒好有口感令到整個甜品味道更加豐富而且份量大到呢跟住宇治金時芭菲一層一層排得好靚賣相已經一百分抹茶香味濃郁高高的杯子裏面仲有大粒粒好甜嘅紅豆一啖matcha雪糕一啖紅豆又甘又甜雙重滋味全部甜品賣相都好靚相機先食甜品係主體但周邊嘅環境令到女人可以放輕鬆吹下水抒發一下內心嘅壓力或者情感咁好多事情都好似已經解決咗連睇醫生嘅錢都可以慳返病痛都少啲

本身對甜品都沒有太大要求，只要唔好太甜，即係好似馬卡龍咁，同唔好太有奶味，咁就好了..呢晚同女友BB食完日本野之後，唔知點解想去食個甜品，"浪"下口咁，黎到鋪頭睇下本menu見到D甜品賣相幾靚，所以就黎左呢到食了，我認為，甜品應該係靚行頭的！有位坐底之後就要甜品啦！我鍾意食朱古力，我就叫左朱古力心太軟伴雪糕暖暖的朱古力蛋糕，切開後的朱古力漿都慢慢流出來，我一般都以為心太軟的口感很膩，但呢個入口唔會有咁既感覺，朱古力味道香滑幼滑，而雪糕是云呢拿雪糕，奶味不太突出，但較為冰感，一冷一暖，一濃一淡的感覺好特別！女友BB就叫左個宇治金時芭菲賣相相當精緻，一層一層的紅豆，細細粒既綠茶啫喱，仲有忌廉，好有patten的show出來，最頂就係飁，綠茶雪糕和有士多啤梨配襯，我都幾鍾意綠茶雪糕，味道清香，而中間的紅豆和綠茶啫喱，好有咬口，一軟一硬的！希望下次再來，食其他甜品吧！

吃完放題,席上十個朋友九個飽,本來一早講好轉場食甜品,最後只剩下我同Mr.K~~~行行行,行到黑布街,五間甜品中已試了四間,行到 Joyful Dessert 門前,看一看Menu, 店員姐姐好好笑容,同我地解釋下甜品,又話俾我地知打卡有雪糕送.....講真,全條街的每間甜品舖都有放人在門口位,最好笑容真係佢,真係睇得出佢鐘意自己店的甜品,而不是拉客囉!!就係呢個甜笑,我決定試下你地啦!!!入面是法式的裝修,店舖面積不算好大, 白色牆好乾淨,整齊,我自己特別喜歡呢舊雲的燈,有一份童話感覺!好可愛!店中供應的甜品,並沒有太大的驚喜,都是芭菲杯,心太軟,刨冰類,屬於穩打穩扎的感覺宇治金時芭菲$56上桌時,我已經嘩了一聲,一紅一綠層層相間,造型很美!入面以打得綿密的忌廉間著紅豆及綠茶啫喱粒,紅豆煮得粒粒分明,有咬口,紅豆香濃郁,綠茶啫喱口感彈牙味道偏淡,吃不出綠茶味來,抹茶雪糕有回甘,加埋百力滋,士多啤梨,造型同味道都好令我好驚喜!~Mr.K 點了朱古力心太軟伴雪糕 $58上桌時比較賣相平凡喔!輕輕切開,朱古力漿緩緩的流出,流心量不算多及快,吃了一口,蛋糕外層是脆而不乾,入面的流心朱古力漿也

香港的甜品店愈開愈多，原因是香港人愛吃其他食品多於吃正餐，尤其是女生，看見顏色豔麗，造型獨特的甜品，心花怒放，嘴邊嚷著減肥，但一隻腳已踏入店內，常見三數女生點了五、六款甜品大家share, 鮮見點數碗魚蛋河，牛腩麵大家試，再者，一個甜品要五、六十元，魚蛋河？三、四十元你已經喊貴！這晚我也與一女生往吃甜品，本想到‘’下一站‘’吃甜品，但路過這店看見張貼的甜品也不錯，也樂於一試。店子雖然不大，但座位算寬闊，燈光幽暗，蠻有情調。看著眾多款式的甜品，她點了燒菠蘿雪芭，一塊燒過的菠蘿下放了一座菠蘿雪芭山，燒菠蘿味道很甜，菠蘿香味超正，雪芭冰涼入心，感覺很好，有消暑作用。我本想點西瓜霜，但已賣光了，點了宇治金時芭菲，我超愛宇治金時(紅豆綠茶)之產物，只因怕肥不敢多吃。宇治金時芭菲用了一隻高杯盛著，紅綠相間，上放綠茶雪糕一球和綠茶餅乾棒，賣相頗吸引之餘，還滿足了我這個綠茶怪。我先要幹掉這球雪糕，因它堆放在杯口，雪糕質素不錯，有綠茶味，但不太苦，下面是紅豆和蓉，混合忌廉後不算太甜，紅豆夠腍，而綠色的是啫喱，整體不錯。吃甜品的感覺是快樂的！