三公台灣料理 (Closed)

🥢🍱🧋旺角樓上台式便當▫️加一服務費▫️qr code點餐 ☑️安平蝦卷拌麵便當 -$86拌麵份量較細，好似下午茶size，男仔可能食兩碗都唔飽😂但個肉燥撈麵幾好味，蝦卷都OK，配料仲有兩件西蘭花、玉米筍及牛蒡。旁邊仲有芒果沙律，芒果粒酸甜開胃，沙律菜新鮮配上黑醋汁，感覺健康。☑️青玉冬瓜茶 -套餐+$8點了走冰微糖，味道唔會變淡，有少少檸檬茶加冬瓜茶嘅味道，酸酸地幾好味，青玉係啫喱物體。🆗鹽酥雞-$48似係大件嘅炸雞，都炸得脆但同想像中嘅鹽酥雞好似有少少出入，大約有四件。☑️甘梅地瓜條 -$36份量吾多，但係新鮮炸起，外脆內軟，都幾好食。

餐廳座位都幾闊落，而且價錢亦唔係好貴，CP值都幾高，食過應該會再encore~安平蝦卷拌麵便當蝦卷咬落好爽好彈牙，外層都幾脆口，拌麵份量剛剛好，將滷肉及麵攪拌均勻，麵質有少少似闊條麵，整體賣相好文青的台灣料理，擺盤好用心，除左主食外，仲有不同蔬菜作配菜，例如：西蘭花、粟米仔等，又睇得又健康～蚵仔煎食台灣野必嗌小食之一，蠔仔都幾大粒，食落唔會有腥臭味，煎左香香脆脆，搭配埋淋上的醬汁，少少辣辣地，都唔錯～甘梅地瓜條加左話梅粉的地瓜條，食落酸酸甜甜，地瓜條又係熱辣辣，無得輸！甜不辣呢款甜不辣小食咬落煙煙韌韌，由於佢煎炸過，所以外層有啲脆口，更有口感！蜜桃茉莉愛玉菓子本來唔記得叫少甜，驚佢太甜，好彩正常甜度剛剛好，好多蜜桃粒粒，加卜上滑溜溜愛玉，值得推薦～

呢間樓上台灣菜之前都幫襯過 第一次食已經幾鍾意 足料又好食 便當配搭幾創新 擺盤亦好𝕔𝕠𝕝𝕠𝕦𝕣𝕗𝕦𝕝 早排再帶朋友去食 人流明顯多左 但水準都依舊 份量亦好慷慨～𝘓𝘶𝘯𝘤𝘩 𝘴𝘦𝘵仲多左啲選擇 好抵食( ´ ∀ ` )ﾉ♥ 蟹肉魚籽滷肉飯便當 $⑧②♥ 安平蝦卷拌麵便當 $⑦②便當附送沙律+飲品(oﾟvﾟ)兩份叫左少飯少麵都仲堆到滿滿的 配菜都本身好豐富 有玉米筍、西蘭花、雪菜、紫洋蔥等等 感覺用心～蟹肉魚籽必試！既有滷肉嘅鹹香同肉汁 又有海鮮嘅鮮甜 撈飯之後口感豐富 味道亦有層次啊蝦卷夠彈牙 炸衣薄脆香口 拌麵爽口又入味 似係台版蝦子撈粗 就咁淨食都好夠味♥ 滷水小食｜豆腐 // 白蘿蔔 // 杏鮑菇 // 海帶小食好抵！每款都好入味又唔過鹹 個人認為出色過另一間主打台式滷味嘅過江龍(?)哈哈～♥ 飲品｜黑糖濃乳愛玉菓子 // 茉莉毛尖奶蓋上次飲咗一啖黑糖鮮奶就念念不忘～但今次可能因為太繁忙(｡•́︿•̀｡)水吧無時間整黑糖虎紋 不過飲落都幾香醇厚滑 另一杯茉莉茶就甘味較重 適合不嗜甜嘅朋友喔

💮好耐無去過台灣啦，真係好掛住台灣的美食。未有大假放，就唯有喺香港搵吓正宗台灣美食止下鋪癮啦。熊妹知道近排旺角鬧市區開咗間新的台灣菜《三公》，主打拌麵、便當同埋台灣小食，就拉埋樹熊一齊試新野喇。📌地理位置好方便，就係兆萬中心對面的添置商業中心樓上一樓，落地玻璃的裝潢，站在西洋菜南街望上去一眼就望到店舖的位置，窗邊仲擺放着幾隻bearbrick🐻，非常搶眼。✨📌新店新裝修，入到餐廳，感覺非常光鮮。💡餐廳都幾大，有好多張二人枱同四人枱，仲有長沙發枱🛋，啱晒情侶，朋友們過來歇一歇腳，食個麵，飲杯嘢。📋餐牌有地道台灣小食，台式滷味，台灣拌麵，滷肉飯便當，仲有麻糬愛玉甜品，菜式花多眼亂，有選擇困難症的熊妹真係有排揀，樹熊就提議一於全部試晒去唔洗揀，又好喎！香酥雞球滷肉飯便當，$72📌飯桶樹熊食台灣菜梗係唔會放過滷肉飯啦，熊妹就揀左雞球做餸。嘩！滷肉飯一上枱，賣相五顏六色真係好吸睛！香酥雞球有三大粒，炸皮好薄，雞肉唔鞋口都唔乾身，大大嚿啖啖肉，食落好滿足，熊妹揀呢個雞球真係冇錯嘅。滷肉肉碎汁都做得好好，唔會太鹹，肥肉位唔多，肉粒淋淋地撈埋飯一齊食，樹熊好快就爬完成碗。雞球以外仲有啲配菜，有半件溏心

喺旺角行人專用區，有胃民見佢lunch都幾抵上面環境又幾好幾梳乎，就好想試吓，不過撞唔啱時間一齊試，其實晚市都算抵，最緊要味道都唔錯原本胃民想齋食滷肉飯，但大胃見佢有蟹肉魚籽版，坊間少有，就嗌嚟試原來佢地同滷肉咁夾，溏心蛋好綿，加上醃菜，呢碗飯好惹味跟餐會有埋沙律同飲品，沙律都好鮮好爽口拌麵份量都唔少，拌以不同嘅蔬菜，口感不俗安平蝦卷炸得好彈牙，為碗麵畫龍點睛椒麻拼盤非常抵嗌，有金錢肚、牛脷同大腸，仲要每樣有好多嚿，醃得勁入味以滷水醃製嘅鴨舌都好食，一份幾平份量激多食台灣嘢加甜品是必需吧？白玉同愛玉嘅組合，相當新穎，但都幾夾淋上百香果汁，加幾片青檸，酸瞇瞇好消暑跟餐加特飲都只係幾蚊，雖然冬瓜茶冇得揀甜度，但都唔會太甜黑糖牛奶奶香極之濃郁，愛玉子好好咬，食椒麻時解辣啱晒

安平蝦卷拌麵便當賣相：🐧🐧🐧🐧🐧味道：🐧🐧🐧🐧🐧便當擺盤用心精緻，大大份的拌麵上伴有多款野蔬伴菜，另附上一小碟果粒前菜，非常豐富吸引。蝦卷炸起來香脆可口，彈牙鮮嫩的蝦餡中夾雜了甘甜爽口的粟米粒，嚼勁十足。拌麵採用厚實中帶彈性的粗麵，以鹹香肉燥醬汁調味，風味十足，必試推薦。甘梅地瓜條賣相：🐧🐧🐧🐧🐧味道：🐧🐧🐧🐧🐧地瓜條外皮炸得金黃酥脆，內裡地瓜綿密細緻，帶有濃濃的蕃薯香氣，外層潵上集酸、甜、咸三味於一身的甘梅粉，獨特的滋味令人百吃不厭。鹽酥雞賣相：🐧🐧🐧🐧🐧味道：🐧🐧🐧🐧🐧鹽酥雞外皮酥香脆身，內裡多汁富彈性，經高溫油炸的香氣四溢，令人忍不住食指大動。柚子麻糬愛玉🍮濃乳布甸愛玉滑嫩Q 彈，帶一點點酸澀、草味，與新鮮青檸味道互相平衡融合，清新又醒胃。柚子雪葩充滿清香的柚子味，酸甜可口，冰涼醒神，消暑又美味。麻糬粒粒一口大小，軟糯煙韌，微甜不膩。濃乳布甸口感軟嫩Q 滑，入口即化，瞬間散開的奶香味道令人欲罷不能。黑糖濃乳愛玉菓子賣相：🐧🐧🐧🐧🐧味道：🐧🐧🐧🐧🐧濃郁的黑糖經特別調製，散發出迷人的焦香，搭配醇香的濃乳，香甜又邪惡。另加入滑嫩的愛玉和軟糯的菓子，令飲品更富口感。環境：🐧🐧🐧🐧🐧餐廳採