木玥巷 (Closed)

元朗愈開愈多新餐廳，而且好多間都係被推介色香味俱全！ 今次呢間都係ig搵元朗美食出鏡率高嘅一間，係朗屏橋底，搭西鐵或者輕鐵行陣都去到～星期六晏晝3:30左右都接近8-9成滿座，餐廳L字型，坐位比較貼近，出入同其他食客或侍應都要讓一讓步。入座落單都幾快上菜，大概5-10分鐘上齊👍🏻今次叫左 木玥鹽酥雞飯（$62）轉安格斯滷肉飯（+$10）， 紅燒牛肉麵（$68）， 週末假日另收加一服務費。鹽酥雞有台灣味道，酥脆大舊有驚喜，有個醬可以點下，但原味已經好好食！ 白飯轉左安格斯滷肉飯，食落又唔覺特別出眾，始終第一次探訪餐廳，見個名改得咁高級就試下，食完覺得下次轉唔轉真係隨個人喜好，想食滷肉飯嘅就轉啦！ 紅燒牛肉麵都正常大碗，牛肉都幾厚大片，但味道都係正常發揮，無特別驚喜🤣整體來講想食台灣野，如果又唔洗排隊嘅，我都會再食呢間，要排隊嘅排一次試左就夠啦🤣

之前見到元朗開咗呢間分店想食好耐，今日同朋友行完山終於可以一試，下午三點幾都至少有三四台排緊隊入，今次同朋友一齊share, 叫咗蟹肉炒米粉，安格斯滷肉飯，炸花枝蝦餅，白桃烏龍茶。先講安格斯滷肉飯，真係幾好食，又多汁，啲牛肉粒又好淋好嫩，伴碟小菜都幾好食，蝦餅亦都好好食，好脆，之後個炒米粉炒出嚟個樣都好吸引，但係一識落就好乾囉，好乾好乾好乾，即刻要係咁飲水……… 呢間餐廳可以返嚟再試其他食物，但係唯一個敗筆就係冇得叫任何蔬菜🥬。 朋友叫咗牛肉麵就話麻麻哋，佢話嫌啲牛肉麵太淋，鹽酥雞 都唔係超好食，但係我冇食過我唔清楚，純粹朋友反映。