茶墨 (Closed)

一直都留意到有間台式奶茶店叫茶墨，知道佢嘅出品同一般嘅珍珠奶茶唔同，今日終於久仰大名，到The One分店試試佢嘅獨特口味。店舖呈開放式設計，光猛而開揚。原來呢度除咗有唔同款式嘅飲品之外，仲有售賣Gelato。現場所見有七款唔同口味，而且標明係屬於低脂，啱晒注重健康人士。另外仲有曲奇小食，唔需要買太多嘅份量，適合又為食又怕肥嘅食客淺嘗一下。仲有蛋糕款式，單件或原個嘅蛋糕都有，購買飲品仲可以優惠價品嘗。飲品方面有好多選擇，但當然最出名嘅就係水墨風。水墨風系列包括黑芝麻、芋泥、紫薯同芒果4款口味，每款都唔同配搭，各具特色。最後我選擇了麻糬黑芝麻烏龍鮮奶茶，+$28配富士蘋果芝士蛋糕。飲品果然尤如一幅美麗的水墨畫，啖啖充滿芝麻香味。麻糰粒粒Q彈有口感。配合埋富士蘋果的清甜，真係一個非常出色嘅組合。

肺炎呢段日子出街真係好少人出街食飯，見到茶墨喺限聚令生效期間都有三四枱客，即係有實力啦💪🏻舖頭仔唔大但蛋糕選擇都幾多點好食物/ 飲品店員就會俾呼叫器我地等嘢食我同一個朋友食，一人一個甜品同飲品朋友嘅黑糖珍珠芒果鮮奶好好味，估唔到黑糖同芒果味都夾到，甜味幾自然，珍珠真係做到帶焦糖味，奶香好重，幾值得試👏🏻富士蘋果芝士蛋糕嘅甜味都係好自然，蘋果煮過但仍然保持到爽口，芝士蛋糕輕身軟滑，食完唔會滯🤤意式雪糕我地揀咗茉莉茶同焙茶味，茉莉茶就比較冰感，焙茶比較濃厚，兩種茶味都好濃，各有各出色我叫嘅黑糖薑桂圓紅棗茶，好多料，好夠熱，飲完成個人暖咗

餓左好耐無出街食，依家去邊度食野都真係要好好揀過至得。今日同家姐來茶墨飲杯好嘅，賀一賀復活節假。我最鐘意飲黑糖飲品，見到有緊係要叫啦。 我要左杯黑糖珍珠芒果鮮奶（$39），店員好好人有提我怕唔怕黑糖本身已經甜，於是揀左少甜少冰，揀用牛奶沖。未撈之前飲啖，芒果味好夠，撈埋黑糖一齊飲都好夾，唔會怕好膩，面頭個層奶都好正好滑的🙈。入面加左好多珍珠，慢慢咬🤤。我見menu有雪糕奶昔系列，下次天氣熱啲可以試試佢。家姐就要左杯黑糖薑桂圓紅棗茶（$38），熱飲來嘅，一打開見到都覺得好補🙈。薑味同紅棗味十足，係呢邊返工嘅話隨時來買杯補下都好。依家咁嘅時勢好難拎住杯飲品行街，所以我地嗌埋雪糕同蛋糕坐低慢慢食。雙球意式雪糕就揀左2款茶味：焙茶+茉莉（$42）。非常之好食，茶味好濃，密度高，唔會話好易溶化。焙茶仲食到佢有少少燶燶的味道，茉莉就好清爽，岩做飯後甜品。蛋糕我地就叫左富士蘋果芝士蛋糕（$28），入面有一粒粒蘋果肉，芝士唔膩，餅底都好好咬😂。個人私心鍾意佢地隻碟，雲石花紋好靚🙈。