倆口小吃 (Closed)

上次試左兩款壓餅，念念不忘，想試埋人氣高企台式刈包(๑´ڡ`๑)平日12:30未開門已經有人龍，排第6個，order完大約等20mins就有得食，因為壓餅時間要耐啲喲！刈包餡料醬汁配搭都好創新，衝激味覺，老闆堅持配搭，所以大家唔好亂咁走料，會有意外驚喜！𖧐 𖧐 𖧐𖡎菠蘿炸辣雞刈包 $50》炸雞、燒菠蘿、羽衣甘藍撈蒜味醋、秘製辣醬、酸果醬包皮1cm厚，但超級鬆軟，炸雞炸粉好薄超級脆口，辣味同菠蘿嘅甜味好balance。真係必食！好後悔冇買多一個刈包，一個人絕對可以K.O.成個，今次share唔夠喉ಢ_ಢ𖡎小山園抹茶cream cheese 壓餅 $37第二次食，水準依然，皮薄香脆煙靭，中間軟滑爆醬，大癲！完全唔膩。𖧐 𖧐 𖧐近排更推出元朗店限定𖤅純純牛肉刈包𖤅，下次有機會再試。

大隻仔今次覓食嘅店舖就係💥 倆口小吃 💥 大隻仔想食呢間元朗人氣店好耐，見好多雜誌、YouTuber 都介紹過。舖頭細細冇堂食，但長期排隊，最近更加新開分店到中環，中環店有提供堂食但價錢比元朗店貴。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 泰式蝦餅刈包 $49炸蝦餅刈包加上蒜香豆角配上鹹蛋黃醬十分滋味，再灑上日本飯素增加味道，仲有脆卜卜既油炸鬼碎增加口感。不過大隻仔覺得炸蝦餅中心位置有少少過生。至於刈包，經過改良比傳統刈包鬆軟，但熱辣辣嘅外賣刈包好易出倒汗水，刈包就會濕淋。雖然刈包內配料醬汁好多，但每一樣味道都唔會霸道突出，比較平行。🔥 小山園抹茶cream cheese 壓餅 $35切開有流心效果，抹茶味道比cream cheese味強，壓餅好食但食完又未去到印象好深刻，唔算好有驚喜。食後評語：刈包味道好食，但唔算超級有驚喜，唔知會唔會老闆兼大廚到中環店嘅關係，元朗店出品有所下降，大隻仔覺得唔需要排隊值得一試。