上海美華菜館 (Closed)

星期六早上到老牌上海店品嚐人氣粢飯，早上9點入座率只佔店鋪一半，不用等位已可入座點餐用餐。先嚟個粢飯～粢飯是暖笠笠糯米煙韌有彈性，滿滿糯米香，涵料是豐富的肉鬆，包含粒粒咸香炸菜，仲有出息脆口的油炸鬼，現在好難係香港搵到同食到粢飯入面既油炸鬼係脆㗎！🥰😋如果炸菜多番少少會更完美 算係我長大後暫時係香港食過好美味既粢飯，兒時好味既粢飯以家都無得買，見少買少好少鋪仲會做其實我唔太喜歡飲咸豆漿，但見多人推介就即管試下，有驚喜咸咸香香，好似飲緊豆漿湯，加上半脆半淋既油炸鬼、蔥花、蝦仔，口感咸鮮好飲～真不錯👍蔥油薄餅有別於我地係酒樓叫的中式薄餅，比較乾身重蔥味，餅質地煙韌而乾，反而我麻麻地喜歡。小籠包一客 4粒，上枱時熱騰騰相信是即叫即蒸，皮薄涵靚，夾小籠包時要輕手怕內裏的湯汁流走，汁加上肉鮮甜美味整體食物都唔錯，最好味都係粢飯落單、上菜、埋單店員都有禮，下次會再到訪食粢飯

朋友睇完KOL 介紹呢一間舖頭一去到直接叫個 栥飯！一個字！神奇！頂級！超卓！係我食過 最！好！食！既栥飯！首先飯粒 - 粒粒分明 煙韌食落有口感！好好食！肉鬆 - 肉鬆脆身 鬆化。有肉的香味 唔會好似出面個D 淋晒身食落一舊叫舊野咁樣油炸鬼 一絕頂級- 做法特別！唔會係坊間一條油炸鬼就咁包- 油炸鬼 切細左 脆身到D傻左，一咬落去聽到個D脆脆聲，口腔內完全感到脆到無倫的口感- 切細左方便咬開，唔會好似坊間咁 假如條油炸鬼淋左就好難咬開好！很！正！榨菜- 比坊間切得更加細粒但依然保持用口感 嘩！好正！小籠包 一般 同出面比較唔算太突出皮偏厚少少🤏🏻上海粗炒 又唔錯頂頂用雞絲芽菜做Toppings粗炒 彈牙 有色夠味但唔會太咸可以一試！栥飯係超越同行！頂級

📍土瓜灣 《上海美華菜館》小籠包 $𝟑𝟎.小籠包係即叫即整，雖然皮唔算特別薄，但都有肉汁🤩 最緊要係熱辣辣同鮮甜，呢個價錢食小籠包，絕對對得住個價錢咸豆漿 $𝟏𝟔.第一次食鹹豆漿，覺得幾有趣🤣 因為同甜豆漿兩回事，豆漿內有蝦米，油炸鬼，味道鹹鹹地，好似飲湯，好飽肚，但唔係好食得慣個味道菜肉包 $𝟗.個包好巨型，新鮮出爐，熱到拎唔到上手🤣 味道都正正常常有機會再食應該要試埋佢個招牌粢飯，上海早餐最經典既食物☺️味道：𝟕/𝟏𝟎性價比： 𝟖/𝟏𝟎

-{土瓜灣老店粢飯🍚}之前朋友介紹過好好味嘅上海小店☺️又有粢飯食😍🤤粢飯🤤 ($23)糯米夠煙韌軟糯☺️😋肉鬆同榨菜都好多 夠紮實 餡料唔會太重味😛唯獨是個油炸鬼有點老好硬 其他質素唔錯🤓👖褲評: 7.8/10🤤鍋貼🤤 ($30)一咬落爆曬汁 主要都係豬肉餡 鍋貼知道個皮脆好香口！又唔會太燶嗰種👍好大嚿😋👖褲評: 8/10🤤小籠包🤤 ($30)小籠包個皮薄湯汁多 湯嘅味道清淡啲但個皮同餡嘅比例剛剛好🥰豬肉油香亦有👖褲評: 8.5/10早餐埋單93蚊 姐姐服務好好知我哋食小籠包又特登拎碗俾我哋 裝修格局真係好似返咗上海咁😂性價比: 9/10服務: 9/10環境: 7/10🚩 上海美華菜館 🚩地址: 土瓜灣美善同里13號#fuudjai #fuudjai中式 #fuudjai土瓜灣

平常也有到這店吃早餐，我特別喜歡他們的咸豆漿，葱油餅（厚和薄的也各有風味）和粢飯，很有在台灣和上海的味道，沒有出境旅遊，也可以懷緬一下。但早餐人多排隊，人手忙碌，招呼便真的沒有了。看到幾位名食家也介紹這裡的地道上海菜。屯馬綫剛開通，店只在土瓜灣站幾分鐘路程，試車之餘便來試試。6點15分入坐，只有二枱客人。二位姨姨侍應生，老闆娘睇埸加年輕的太子爺幫忙下单。和太太二位，趕快點了幾個菜品嚐下。滷水蘭花豆腐干平常在其他食店吃到的豆腐干，沒有這裡花功夫把豆腐干切上花刀，這樣更美觀和入味。滷汁不咸，淡淡的入口充滿豆香，值得一試。砂鍋醃篤鮮這湯入口鮮美，沒有味精，咸肉咸香Q彈有口感，十分好吃。鮮筍可以，扁尖筍有渣。整體湯是十分可口。銀芽炒鱔糊菜端上桌便很有好感，鱔條粗粗的配上中央的蒜泥葱花。鳝條新鮮彈牙，芽菜爽口，沒有傳統上海菜的濃油赤醬，小小改良更合香港人口味。炸銀絲卷很久沒有吃到這麼出色的銀絲卷，裡面是一絲絲的，用來伴鱔糊吃，匹配。小籠包單尾來個小籠包，新鮮豬肉做，包皮不太薄，但充滿肉湯汁，燙口，十分好吃。這晚可能早入席，只有三四枱客人，店不忙，老闆娘也是有說有笑，很有家庭小店的親切感。下次一定

自從今次的疫情持續之下，周圍的食肆都變得十分冷清，放工後一人又去找尋地方食晚飯，在這個食肆步入栆冬的時候，我應該開始支持下一些小店，同事介紹之下，在土瓜灣試下食平民價的上海菜，行到內街美善同里的「上海美華菜館」，眼見餐廳的裝修都比較簡陋，不過對我來說最緊要是食物水準好，環境都是次要。入到餐廳內，都得到店員姐姐熱誠的招待，卡位都已經坐滿，店員安排我坐大圓枱，她也好有效率地奉上餐牌及用熱水浸著餐具給我，可以用熱水消毒殺菌，真是貼心的服務。打開餐牌選擇真是多，分別有冷盤、熱炒、豬肉類、雞肉類、乾絲類、鍋巴類、湯類、煲仔類、牛肉類、豆腐類、魚類、蝦仁類、砂鍋類、海味類、蛋類、菜飯、蔬菜、炒飯、經濟客飯、湯糕類、鹹點甜點包類及甜品等......真是多元化，一間小店都可以有那麼多種類，聽聞早上都有不少街坊客過來排隊買早餐。可見人氣都不少。店中都有供應二人、四人、六人及合家歡套餐，都好大眾化。還可以自選套餐有二餸一湯之類的選擇......一個人都不可以點太多的選擇，那麼我嘗試下店中的大熱菜式，我選擇了一客四粒的鮮肉小籠包($28)及一碗上海擔擔麵($40)，小籠包都是即叫即蒸，所以等侯的時間都會較長

這是第一間，我會給五星的上海飯店！⭐️⭐️⭐️⭐️⭐️這家店，我已經吃過了五次以上，而且還覺得他水準能夠保持，我才會給上我的五星推薦喔！👍🏼這店是傳統的家庭式經營的上海飯店，味道完全是我在兒時吃到的老上海的味道的，這麼多年都沒有變！炒鱔糊、上海粗炒、小籠包也是我每次都必必吃的，因為這個老味道是在其他店完全吃不到的。小籠包雖然並不是現在流行的超薄皮，但是這才真是從量魚蓉的，酸和辣味比例剛好，不多也不少完美的搭配！炒鱔糊、上海粗炒、小籠包也是我每次都必必吃的，因為這個老味道是在其他店完全吃不到的。小籠包雖然並不是現在流行的超薄皮，但是我覺得這才是真正傳統的小籠包，大大的肉餡、鮮美的湯汁，真的十分好吃！

情人節食西餐排的長龍，識食就當然食中式野喇，7點幾去到唔使等位，快靚正。二餸一湯套餐，加一客小籠包，都只係二百幾蚊，今時今日唔多地方有。生炒骨，餐廳用豬扒做材料，配菜(青椒，蕃茄)完全唔熟，可能因為又係廣東菜，所以我地唔應該order嘅….Overall，CP值都好高，值得推介。

最近曾帶外國來港遊玩的朋友往紅磡詠黎園晚餐, 但食味和招呼都強差人意 今晚心血來潮和同事2人往土瓜灣美華老店晚餐街坊小老舖勝在人味濃, 伙計,老闆和食客都有一句無一句的閒話家常幾位樓面阿姐落力醒目又快手突感時光倒流都我們最愛的香港年代2 人點了小籠包 - 1籠10 只, 需然包皮有點厚實, 但入口肉餡鮮甜湯汁勁, 有爆汁效果雪菜肉絲炒年糕 - 看上去平平無奇, 但年糕入口糯軟, 再加上雪菜的惹味, 就變成好好味薺菜雲吞 - 好有媽媽的味道上海排骨粗炒 - 上海菜就是要濃油赤醬嘛 粗曠的麵條配上酥軟的炸豬扒, 兒時回憶番哂嚟在現今香港租金畸型發展下, 這些純樸小老店所剩無幾了, 要好好珍惜我們還可以擁有的時候呀 !

朋友外國番黎，想食中菜，所以帶佢去食呢家傳統老店。食厭大牌子，可能土瓜灣會搵到好多驚世美食的小店，係不錯的選擇。一推門入去，格局完全係舊式茶餐廳，好似電影取景果隻咁。d侍應都係講佢地之間的方言，裡面又有點陳舊，沒多裝修，好似去左老上海外面仲會見到人手製作餃子、鍋貼的地方睇下餐牌食咩先～首先來一道小籠包，一籠有8隻，仲要每粒都好大隻，又足餡！無得輸的鎮江骨！！！！！舊肉係輕易咬到同舊骨分離，唔會咬得好辛苦，而且舊肉好入味，好juicy，仲要d醬汁酸酸甜甜，好開胃！！一定要嗌呢道菜！！上海粗炒色水就夠，不過食落略嫌無乜味，少油一點會更好，整體算過得去吧沙碗雲吞雞上海的名菜，上菜時都嚇親，原來有咁大隻雞，裡面仲要勁多勁多粒雲吞。間間上海菜館包雲吞都有唔同特色，灣仔間369係厚皮大粒，呢間係薄皮細粒但足料，可以一口吞下，好好味。不過略嫌湯底太多油，好油膩⋯⋯呢間老店的食物質素係唔錯，店員都好熱情，幾有禮貌，知道有客人生日會收順d，唔係賺到盡，呢樣係欣賞的。不過有件勁恐怖的經歷真係好得人驚。食食下飯，朋友話牆上面有隻小強。嘩！好大隻！仲要張開左翼，想嘔呀，勁驚！！之後仲衝落黎，好恐怖。我同後面客

一向喜愛光顧舊式的小店，喜歡它充滿人情味，有家的感覺。當 NOW 的節目 "輝哥的饌賞" 介紹土瓜灣的美華上海菜館，我們有立刻奔跑下樓去光顧的衝動(因家住紅磡呢)。美華菜館是典型老上海菜館， 是最簡單最樸素那種，沒有任何裝修，環境不是太理想，但菜色樸實而不華，。小籠包 - 皮，挺厚的，但不會太硬，肉汁不算多，但鮮甜。三鮮餵麵 - 有別於平常在北京樓吃的三鮮餵麵。這裡的三鮮餵麵較有 "家" 的感覺，很平實。材料有火腿、蝦、豬肚等。炒鱔糊 - 有鑊氣，但略嫌鱔太硬。這類有幾十年歷史的特色老店，於充斥著集團式經營食肆的香港下逐漸減少。希望它在未來將會大型重建項目的土瓜灣區內，仍得以繼續生存，讓愛吃的人，我們的下一代，可以繼續了解上一代經營小店的文化及享受他們的美食。