和平飯店 (V Walk) (Closed)

一直以來，我都以為上海菜嘅味道係好standard，最多都係辣多辣少、鹹多鹹少咁，但今次經驗真係麻麻，仲要發生喺堂堂「和平飯店」。環境☑️☑️☑️☑️今次逐樣點評，環境其實唔錯，都坐得舒服嘅，真係有嗰句講嗰句。味道☑️☑️今次點好多餸，本身入場就想食酸菜魚、小籠包，其餘就試埋酸辣湯雲吞及津白肉絲湯年糕。首先不如好人啲，讚嘅野講先，小籠包好味的，只係包入面無乜湯，湯年糕個湯鹹香好味只係年糕有啲林。好，係時候__ ，酸菜魚條魚無魚味，肉質直情有啲假，唔好食！難以形容！個酸辣湯雲吞個湯底麻麻，唔辣唔酸，而且稀湯多過入面嘅配菜，加上雲吞皮厚唔林，味道就好似唔入味嘅菜色。以上兩道菜都極不推介。性價比☑️5個滿☑️我俾1個，好明顯啦。利申絕唔係打手，真金白銀幾百蚊食完嘅comment，嬲到啲文字都燒得著。

母親大人最鍾意食中菜，今次就去左試和平飯店，當日食飯每個地方都好多人嫁啦🤦‍♀️，但係完全冇後悔揀左呢個地方，平時吾太喜歡中菜既小編，1次已經愛上左， 母親節set仲要只係$758，抵到爛啊😆！-#砂鍋濃湯餛飩雞首先砂鍋濃湯餛飩雞係小編既第一位， 唔鍾意飲湯嘅我成盤畀我飲曬🤣佢嘅湯甜甜地唔會重味精😋，令人想一飲再飲😍餛飩都好～大粒-#花雕醉雞酗酒既我梗係會揀花雕醉雞， 酒味唔會太濃，不特止仲要每塊雞都滲透花雕酒味，又係成盤食曬🤣，份量都幾多㗎唔好睇佢細細份-#黃金大蝦佢哋嘅蝦殼食埋都仲得！簡直係懶人必食， 而且醬汁好濃郁，係濃味愛好者必點，而且肉質都幾彈牙😆-#雞絲粉皮係其中一樣嘅皇牌🏆都係一樣撈麻醬啦，但係開胃嘅嘢食永遠都唔會嫌多嘅-#蔥麻油海蜇拌青瓜海蜇嘅份量有啲少如果可以多啲就好喇👍-#楊梅骨都係好多人嘅喜愛，味道酸Mei mei， 而且佔大部分都係肉嚟㗎！😆-#小籠包亦都係佢哋餐廳嘅皇牌同好多人鍾意， 但係個人認為比較普通，裏面嘅湯都比較少-#糖醋魚塊係幾吾錯既，但係醬汁有啲偏甜-#賽螃蟹用蛋白炒成嘅賽螃蟹，呢味餸都幾特別，主要係以雞蛋為主料，蛋清雪白似蟹肉，但係味道偏淡

同屋企人搵餐廳食飯 呢間係唔錯嘅選擇！喺商場入邊，而且環境衛生都唔錯 價錢又唔貴👍🏻今次係lunch time — 食物水準正正常常唔會話好大驚喜——————————————————————《小籠包》味道唔錯但皮偏厚，有湯汁！抵食嘅～～《鎮江餚肉》呢一個雖然味道唔錯，但肉質偏乾。我本人比較鍾意半肥瘦排骨！🐷《和平炒飯》香口，炒得夠乾身。有少少似肉絲炒麵嘅味道。不過不失😌《自選拼盤三款》個人認為呢個冇咁抵食，每樣野得好少🙈口水雞味道唔錯，有四件左右。雞絲粉皮同埋涼拌青瓜就正正常常！《四川擔擔麵》唔知係咪因為我叫咗小辣嘅關係～味道偏淡！我個人鍾意花生味重嘅擔擔麵。麵質OK