龍川雲南米線

Open Now

Now Closed

厚切腩肉肥瘦均稱，軟腍香口，穩陣發揮嘅米線🫡！・・・・・・・・・・・・・・・・・・・・🍜 小鍋米線 微辣 HK$63＞招牌腩肉＋蘿蔔・味道：湯底正常發揮，微辣對肚波嚟講唔多夠皮🤭，少過十小辣嘅味，愛辣人士可以挑戰高級數辣度。腩肉肥瘦均稱，肥豬肉好軟腍香口，入味好食👍🏻！蘿蔔冇渣不過唔甜亦唔淋，差咁啲。・口感：厚切腩肉好香口！米線正常發揮，唔算彈牙亦唔會好淋，整體正常發揮。食咗朋友嘅豬頸肉，仲好食！外皮燶邊燒到焦香，逼晒啲豬頸肉油脂出嚟，肥仔必試XD！・・・・・・・・・・・・・・・・・・・・🤰性價比：中～🤰9衝度：可試～🤰結論：佢位置有啲尷尬，太子同大角咀交界，味道正常未去到必食不可，有好多同佢差唔多水平嘅米線舖，經過可以食，唔使特登去～・・・・・・・・・・・・・・・・・・・・📍龍川雲南米線地址：太子塘尾道186號地舖

今次蒞到太子試呢間龍川雲南米線。米線真係經常食，有譚X，去埋佢個三哥，仲有雲桂X，仲有好多唔記得乜名，又食過荃灣嘅阿婆米線。但令我食完仲想encore嘅真係唔多，反而比較多係為填飽個肚。呢間係我食過仲想encore N次嘅米線。真係好正。呢度點米線一碗填一張，先點上面的米線，再點湯底和辣度（清湯可免），再點菜料、小食和飲料（optional)。特別推介香炸䱽魚米線。原條䱽魚，大大碗米線，有牙菜、芫茜、韮菜等，非常足料，小弟唔係好食辣，叫咗胡辣湯底，辣度選咗少少辣，加埋條䱽魚，香脆唔油膩。註：䱽魚亦都可以在小食餐牌獨立叫今次仲幫家人點咗胡椒豬肚米線，胡椒味足，奶味重，如果喜歡奶味湯底的同好，推介你試試。豬頸肉都好味，今次叫咗清湯，豬頸肉夠香夠嫩。小鍋米線都唔錯，不過好睇你選咩餸，我就叫咗魚腐和鹵水雞翼，湯底係酸辣微辣，味道唔錯。下次再去encore慢慢試埋其他嘢。呢度除咗米線仲有飯食，不過我仲未試。