Ruby Tuesday (Closed)

第一次寫食評~希望食多d好野同大家分享~久聞大名既ruby tuesday第一次試,好期待呢~地方環境舒適,價錢中上,算係一分錢一分貨~芝士煙肉薯條份量夠多,芝士味夠濃,熱辣辣~正小食拼盤又係要試,咩都有麻,啱晒我呢d貪心既人,不過樣樣野都差唔多咁,最好食係個雞翼蟹餅好食,真係好多蟹肉~但要成舊水得咁少好似唔係好抵~ 大蝦海鮮長通粉普普通通,冇咩特別豬肋骨最正,得肉又諗~唔洗點用力切,得醬汁又啱啱好,唔太濃~一定要試

德福既露比係open rice既評分係最高既一間露比。所以今日同女朋友去左九龍灣逛街，都決定試一試係咪真係咁好。當然之前申請既半價會員證又可以大派用場。德褔呢間鋪，同其他既露比分別唔大，設計如出一轍。不過空間感比較闊落，座位又鬆動一點。服務方面，都有一貫露比既質素。姿客、侍應再忙都唔會忘記帶上一張笑臉。係我鐘意露比既原因。食物方面我地今次頭盤叫左個小食拼盤；主菜係鐵板牛、雞拼薄餅、三式迷你露比漢堡；甜品就係朱古力雪糕蛋糕。小食拼盤：四款我地揀左炸魷魚圈、水牛城雞翼、炸水牛奶芝士、爆谷蝦，雞翼夠惹味、蝦同芝士就普普通通、最特出既反而係魷圈，夠脆、魷魚味相當豐富。鐵板牛、雞拼薄餅：牛肉同雞肉都烤得十分乾身，如果能夠保持肉汁會好一點。雖然過於乾身，不過加上洋蔥、茄蓉、芝士…配菜夾左墨西哥薄餅內同食，能夠略為補救烤得過火的不足之處。三式露比漢堡：漢堡雖小，但麵包仍能保持外脆內軟的好處。三種味道分別為牛、雞、蟹肉。其中以蟹肉最好吃，有蟹肉的鮮甜，味道比較清新。雞肉則比牛肉留有更多肉汁，味道分別卻不大。朱古力tallcake：之前食過士多啤梨味覺得唔錯，所以對呢個朱古力味都滿有期待。可惜既係朱古力

有 50% off 既 membership card二人 order 了 和牛芝士漢堡 $158 - 7 成熟, 都幾大個, 好 juicy, 食落有小小汁滴落黎呀, 個口咬唔晒><, 配薯條, d 薯條普通貨色.. 自砌沙律, 叫主菜可以 $66 享用, 自從 pizza hut 無左 salad bar 之後就再無得自己砌了, 大約有 10 種材料, 特別係通粉同薯仔沙律好味道~ 砌完都幾大碟.. 份量好足夠=] 泰式炸蝦 - 有7-8 件, 醮滿沙律醬, 普通啦, 唔值得呢個價錢係呢到食囉.. 好似都要 70 幾蚊 小食拼盤 - 揀左 ruby chicken wings, 煙肉薯皮, 洋蔥圈同"油"魚圈, 煙肉薯皮一流呀~ 其他都唔太特別..兩個人食完漢堡包後已經飽了大半, 還有剩餘一半的沙律未吃, 最後還是多加兩樣, 結果要硬著頭皮再吃多少少=] 剩餘的帶回家 !原價 $480, 折左後 $288, ok 1a