牧羊少年咖啡館 (白楊街)

Open Now

Now Closed

約sisters食飯，諗起以前去過呢間cafe，環境清靜，最啱傾計。今次嚟到，先發現原來裝修過，原先嘅打卡擺設收埋晒🥲座位數目少咗，相對可以坐得舒服啲👍🏻客人用QR code落單，餐牌可能間中就換吓，所以有啲openrice嘅推介都冇咗😂唔緊要，新嘅menu都幾吸引😁 黃金鹹蛋忌廉鳳尾蝦意大利粉🍤🍝未食已經聞到好香嘅鹹蛋味，食落好濃味，加入忌廉好creamy，鳳尾蝦大隻脆口😋小食拼盤 (香腸、雞翼、八爪魚丸、春卷、蕃薯條)兩種香腸都好食，等別要讚下個番薯條，炸得好香脆，好紮實，可以encore一個炸蕃薯條😂千島醬海鮮薄餅🍕千島醬嘅pizza真係冇得輸，而且焗得啱啱好，唔會過火，邊邊嘅薄餅皮外脆內煙靭👍🏻日落巴黎 (香蕉朱古力窩夫配朱古力雪糕)🧇嚟到牧羊少年一定要食嘅就係窩夫甜品，十分大份，有四件窩夫。今次揀咗香蕉配朱古力醬，加埋朱古力味雪糕，啱啱焗起嘅窩夫沾上雪糕。最欣賞佢個窩夫唔會太甜，加埋朱古力醬就啱啱好👍🏻

同朋友在旺角行咗一陣差不多以食下午茶時間。。但係旺角已經食到太悶。。朋友就提議去太子食。。我聽落都唔係好遠姐太子就太子啦。。。就係呢間牧羊少年。。結果他帶我行了又行了。。還未到🙈。。。原來隱蔽在橫街內。。。一間不起眼的小店。。推門內進感覺裝修擺設很有異國風情。。只是給人三五知己慢慢吹水的地方。。心想價錢應該不便宜。。但打開餐牌看又OK喎。。下午茶也不貴。。。甚至睇埋晚餐唔算過分仲包甜品都唔使兩舊水。。我和朋友一人叫了一個下午茶套餐。。飲品還包括可以選擇$40以下。。蠻多選擇🍹朋友選了牛柳長通粉。。我就梗係食個小食拼盤啦。。估唔到$48嘅小食拼盤連飲品都幾多份量👍。。食完今次之後雖然位置比較偏遠入咗內街但係我一定會找機會再次食晚餐😍

今晚約咗個朋友去呢間cafe試下，因為朋友話呢間cafe係以旅遊為主題，見到之後第一時間諗起我😂入到去環境比較昏暗浪漫，牆身有好多postcard～兩個女仔叫咗一個蕃茄大蝦意粉，細嘅小食拼盤 同埋火腿芝麻葉pizza，朋友叫咗杯熱既維也納咖啡😀蕃茄大蝦意粉味道唔錯，蝦爽口，意粉唔會太乾👍小食拼盤有薯條，芝士條，炸薯餅粒同埋香腸朋友一食個芝士條好似表演咁，拉到條芝士勁長😂😂 佢好中意cheese，係咁話好好食😂薯條係cafe比較少見嘅幼身薯條，新鮮炸起，唔油膩，唔錯👏薯餅粒size好方便，一口一粒， 唔覺唔覺就食曬 😆我第一次食呢種薄身同呢啲材料既pizza🙈🙊 條邊勁脆！！有蕃茄汁同芝麻菜平衡返芝士少少既膩同火腿嘅鹹味，配搭得好好，我平時麻麻pizza都覺得呢個好好食😋跟住試咗一啖朋友個杯咖啡，原來維也納咖啡好香！ 配埋面頭嗰層cream好滑，同時減去左啲苦味，連我呢個對咖啡一般嘅人都覺得好好飲😯😯overall呢間cafe係俾到驚喜我👏👏下次約埋三五知己去先😁