山城小麵 (太子中心)

Open Now

Now Closed

在太子的大埔道傍，附近以住宅區為主。是很早的午餐時間人客還不多，就叫個套餐，比散點送多一客飲品，我選了冰粉。叫的是小辣牛肉麵。面很煙韌，須麺香一般。牛肉有五六小塊，鹵得很入味，也很嫩滑。湯配上芫茜很清香，小辣仍能嘗到麻跟辣的勁度，十分過癮，吃畢麵我把整碗湯都喝掉了。尖椒皮蛋用的皮蛋質素一般，帶小許酸味看你介不介意，但碎花生辣椒青椒配於一起十分醒胃。冰糖涼皮個人口味覺得略甜了一點，配上山楂粒效果一流，也不失為解辣的很好選擇。廚房比很多家庭式廚房的面積還要小。座位擺设很擠逼，入座後有點不知道腳應放哪裏的感覺。

去花墟之前諗住喺附近搵下有咩好食，朋友推介左呢間小店，店面不大，得五六張枱，可能4點呢個時間冇咩人食飯，所以入到去都係得我地一枱客，本身諗住叫下午茶另外加小食，但侍應姐姐話叫單人餐仲抵，咁我地兩個人就各叫左個麻醬雞絲涼麵醬汁夠多，每條麵都可以沾到醬，味道適中，份量都算大酸辣粉嗌左小辣，但我覺得唔夠辣同唔夠酸，後來自己加左啲醋，味道好左啲下次可以試下叫中辣/大辣同埋加酸，麵都煮得夠淋尖椒皮蛋手拍青瓜味道唔夠酸辣，後加醋好味左啲冰粉質感較實，唔夠啫喱狀，但味道不錯

剛好係楓樹街打完波又攰又肚餓，就同朋友行過兩個街口黎到呢度開餐。因為之前碌手機見到關於山城小麵嘅報導，見好似唔錯就過黎會一會佢。一行兩人就點左佢個山城二人餐，百多元就可以揀兩個主食及小食，再送飲品／甜品。首先兩個小食之中揀左尖椒皮蛋及麻辣手撕雞。皮蛋雖然唔係溏心蛋，但入口沒有金屬味而且濃郁蛋香慢慢滲出，配上爆香過嘅辣椒油十分惹味。因為加左花生碎嘅關係，所以口感更豐富同埋尖椒辣度唔算太高，為舌頭帶來嘅刺激較温和，更能提升食慾。手撕雞一定一定要撈均所有醬汁，因為咁先食到當中麻辣嘅精髓。雞肉本身腌得夠味，但再配上麻麻香香嘅辣椒醬／蔥花令味道更惹味。加上雞絲夠碎所以醬汁吸附上去嘅效果好好。主食之一係燃情刀削麵。材料簡簡單單有自製肉沬／蔥花及辣椒油，刀削麵煮嘅時間啱啱好麵質保持爽口彈牙，仲散發淡淡麵香。肉醬濃香帶甜令辣椒油嘅變化更多，麻香辣三者嘅配合恰到好處。山城牛肉麵用嘅牛肉係半根半肉嗰種，滷得好香好入味仲保留根位嘅爽口。個湯飲落清爽唔會搶左辣椒油嘅香，本身點左小辣但應該放膽一啲要再辣一點先夠過癮。因為呢度嘅辣椒油真係辣而不嗆，讓人輕鬆體驗四川嘅辣滋味。最後點埋個紅糖冰粉，一來解辣二來解熱因為

今個星期實在太忙，難得星期日放假，我選擇左係屋企hea同休息，直至黃昏時段，就打算出太子接媽咪收工，慢慢散步回家，再順道睇下沿途有咩啱食行左一陣，經過呢間小店，望見招牌山城小麵，貌似係食重慶風味野，於是決定一試。入去坐底望下餐牌，第一個感覺係價錢十分相宜，直頭係任叫都唔洗睇價錢果隻我地揀左個二人餐，都係講梗$109炸。我地選擇左招牌山城牛肉麵，紅油抄手，手拍青瓜同埋麻辣手撕雞。青瓜同手撕雞好快就上左枱，估唔到咁平嘅價錢，份量係咁多，麻辣手撕雞十分惹味，佢香得黎唔會太辣，大大啖雞絲放入口，好過癮而青瓜切到一粒粒，好的骰，一啖一粒啱啱好，青瓜新鮮，又甜又脆然後就到主食喇，牛肉麵應該係呢度嘅招牌菜，我轉左麵底做刀削麵，選擇左微辣，刀削麵口感好得意，薄得黎又有咬口，個人認為係必食嘅，而湯底都好清，微辣食落一啲都唔辛苦，係麻香濃而又唔會死辣果隻，牛肉份量多，食落原來係牛腩，入味亦夠淋而紅油抄手呢，佢個味道都好好，粒粒都好飽滿，我甚至覺得太大粒，要分三啖先食完一粒，食兩粒都夠飽了其實佢個二人餐真係好超值，兩個人食絕對夠飽，不過食開有條癮，我地加多左個尖椒皮蛋，味道一樣咁地道，好正啊唔好忘記，二人餐

每次去朋友家附近，她都說山城小麵的小食和麵食都是她喜愛的口味，經常推介我去吃，昨日一嚐真的很不錯，亦難怪店鋪雖小，人龍源源不絕，甚至食材都賣得七七八八。蒜泥白肉一端上桌就可以聞到一抹淡淡的蒜香味，超級肚餓時聞到這鮮香真的垂涎三尺。蒜泥白肉份量很多，切成超薄片的白肉吃起來亳不油膩，白肉跟蒜泥辣油一起吃很能安撫飢餓中的我，一口吃完想再吃一口。口水雞翼將雞翼弄成單骨雞翼蒸至滑嫩，再淋上辣椒提煉的紅油及灑上花生，蔥花，雞翼皮頗有彈性，雞肉吸附紅油惹味十足，讓人驚艷，再三吮指回味。尖椒皮蛋亦是一款我很喜歡吃的涼菜，本想加4元升級至流心黃金皮蛋，但是日生意太好賣完，唯有下次再嚐。皮蛋蛋黃部份濃郁，再混搭蔥花，蒜蓉及溫和的辣油及皮蛋的特殊香氣，完美地結合，非常開胃。山城牛肉麵上桌了，不用靠近已聞到濃烈的牛肉香氣啊，湯頭比想像中溫和，因為我點的是中辣，吃起來不太辣，還可以加更多的辣油。牛肉的部份是採用牛腩，帶些半筋半肉的部位，軟中帶彈，卻不失咬勁，肉汁豐盛。紅燒肥腸麵朋友麵選了刀削麵，帶點彈牙的微嚼感。至於紅燒肥腸給了不少塊，口感挺彈牙的，富有咬勁，且肥腸中間的肥膩部份也被去除，新鮮乾淨。老麻紅油抄手