紅館 (海堤街)

Open Now

Now Closed

放工去左紅館食飯，呢間真心係一間好隱世既小店，因為鋪頭位置係後巷裡面。餐廳係傳統港式食店裝修，牆食貼滿食物照片，感覺好地道。鋪頭細細間，不過有好多野食，例如原煲煲仔菜、麻辣菜式等等，仲有多款冰涷酒款(啤酒$32-38/中國白酒$68-720)。招牌酸菜魚 $148同平時出面餐廳食到既味道有唔同，呢個味道真係好有川菜麻辣味，魚肉大大塊好夠淋身，酸菜亦不錯呢！香辣牛肉炒鴛鴦 $88原來鴛鴦係兩款麵，再加埋牛肉片一齊炒得好香好有鑊氣，而且辣度十足，真係好味！山西老陳醋皮蛋 $36皮蛋有好多，幾抵食，又香又辣，整得好好！

今日過左海接老公放工，順便周圍行下，黎到鰂魚涌見到有間食水煮嘅小店，因為好耐冇食辣，好懷念辣嘅味道，就逼老公同我去入去試吓😂店舖雖然細，但感覺溫馨。我哋叫咗：大大碗羊肉湯麵羊肉唔騷，真係大大碗，麵質爽口，湯底清甜唔喊，值得推介！👍🏻重慶水煮配蔬菜蔬菜沾上大量麻辣汁，味道濃郁，好香花椒八角味，下次應該叫啲肉😂四川椒麻雞雞肉肉質鬆軟，辣汁有四川風味，都幾入味。山西老陳醋皮蛋有驚喜嘅係呢個皮蛋，由於用咗陳醋，咬落皮蛋更香得來帶點甜酸味，幾特別。

朋友帶我嚟一嚐舌尖上的激情！👅🔥位於後巷的美食，呢類不在熱鬧大街的小店，真係靠口碑。💪🏻💪🏻紅色招牌，喺難搵之中都易搵😆✨店子小小，簡單、乾淨、企理～兩個女仔叫咗一麵一餸一小食，開心Share～😚陳醋皮蛋，酸酸辣辣，辣得嚟又不搶皮蛋嘅風頭～啲野生椒勁嘢嚟，辣得好過癮！💃🏻🕺🏻除咗兩種辣椒🌶️仲有洋蔥🧅葱段，香氣四溢～牛柏葉好爽脆，仲有吸汁力強嘅金菇，調味適中，惹味！本身想食開心酸辣粉，但見到羊肉麵又忍唔住叫咗，上天知我鍾意羊，引領我來這裡🤩😆真係係大大碗，好多羊肉呀！肉質軟滑～羊味濃👍🏻👍🏻👍🏻👍🏻🥳超出預期的好食！同之前食個啲肉小肥多嘅真係天與地⋯⋯撥開羊見湯麵🍜呢個係配麵，唔係配粉。麵質滑滑帶點彈～個湯好味～😋✨✨✨✨✨✨🌶️🌶️🌶️🌶️🌶️✨✨✨✨✨

與好友到紅館晚飯, 皆因個個都好辣. 年青老板娘招呼周到, 誠意十足, 決定上來支持一下.這裡是好辣的朋友一個不錯的選擇, 水煮的菜式做得很好, 幾十蚊就有交易, 正!與一個朋友先到達, 不知是不是因為太餓, 點了一味皮蛋, 覺得非常好味道!最後一行五人, 點了十多款菜式, 大快朵頤... 老板娘話未食過他們的水煮系列對如未來過紅館, 果然好味.由舌尖開始麻, 正!青瓜可能唔時間, 唔係幾入味.豬手一點都不肥膩豆腐好生, 又滑又辣, 條魚一般般.粉絲辣中帶甜, 好味.朋友大讃葱油餅好味, 皆因十分脆口可能食到口麻咗, 已經唔覺得乳鴨有辣味了..最後想點啤酒鴨, 可惜已經賣晒, 下次必定再來.