友義氣‧酸菜魚

Open Now

Now Closed

銅鑼灣站📍友義氣•酸菜魚-銅鑼灣金百利廣場不嬲多野食，今次食友義氣•酸菜魚，不過唔係食酸菜魚，試試新意思✨川味毛血旺（$160）毛血旺大大盤，有金錢肚、豬肚、豬腸、鴨血、午餐肉，當然有其他配菜，好似豆芽、金菇、萵筍、雲耳等等。辣度要左小辣，一上台見到好紅，不過都係幻覺黎，嚇我唔到😋金錢肚、鴨血都幾ok，微香辣，瞓豬腸少少羶味，中意個隻味既朋友就好like，我就一般。加多碗白飯（$13）就岩岩好👍🏻辣子軟殼蟹（$148）軟殼蟹外脆內軟，幾好食，份量都幾多，不過食食下都幾飽。辣度簡左小辣，個人覺得辣味唔夠，下次會試大辣🙌🏻蒜茸炒包心菜（$75）叫返個清清地既炒菜，兩個人岩岩好。另外order左鮮青檸梳打（$26）同埋菠蘿乳酸（$26）兩杯野飲。青檸梳打好快ko，超解渴～晚市堂食有8折，以上價錢未折！！！環境方面，餐廳都幾乾淨企理，幾光猛。卡位坐得舒服，如果台面再闊少少，叫多幾樣餸就放得闊落少少🤏🏻

最近天氣熱辣辣，口痕痕，想食下辣野，朋友又想食川菜，咁就搵下邊度有得食，最後發現銅鑼灣金百利廣場開咗間新店「友義氣·酸菜魚」，細問之下先知開左兩個月，唔怪之得店內裝潢咁新啦！睇菜牌發現好多辣的菜式，啱晒我哋，不過店員話如果驚太辣，可以幫我哋調教到小辣，真係好細心呀！川味毛血旺 $160有牛肚、豬紅、午餐肉、豬肚、芽菜、金菇菜、雲耳，睇落紅當當以為好辣，但食落辣度又剛剛好，辣得惹味又唔會食唔到，辣味道好入味，必點菜👍🏻四川辣子雞丁$108有雞件和雞丁選擇，我選雞丁的原因是貪佢冇雞骨，好方便食。而味道沒有令我失望，非常香口，外脆內軟，雞肉完全非常軟滑，附帶一些紫菜，增加香脆口感，正！👍🏻蒜蓉炒唐生菜$75蒜味香濃，生菜非常新鮮，非常細心切開一半來炒的，容易啲食，讚！紅薯粉 $18非常煙韌又唔易斷，對於喜歡吃紅薯粉的我覺得可一可再，可以encore!芒果乳酸 $26芒果和乳酸的味道非常之夾，香甜的味道，酸酸地提升食慾，好好飲😋藍妹啤酒$35夠凍！

義氣仲洗問既？義氣講個義字咖麻。出街食野呢就講兩樣野，第一就係Money，第二就係義氣。前者唔洗講，約得朋友就預左洗錢咖啦…咁義氣又點呢？，約左班Friend，一個二個放飛機，喂…我都係想搵個藉口，大家廢up下，寒喧兩句姐，做比我啦好嗎？👇📌芒果梳打▪️ 川 味 毛 血 旺 - $160▫️ 小菜先黎一碟招牌「川味毛血旺」，就咁睇賣相都知好足料，一次過食勻金錢肚、午餐肉、鴨血、豬大腸、金菇、大腸、荀；加埋大量川椒，夠哂惹味；鴨血又夠紮實，麻辣香岩岩好，送飯一流呀！▪️ 沙 拉 骨 - $98▪️ 蒜 茸 炒 菜 心 - $75▫️ 另一即叫即炒既小菜「沙拉骨」，外層炸到外脆內軟，加埋沙律醬酸甜適中，食落相當開胃，唔洗幾分鐘就清哂；另一小菜「蒜茸炒菜心」炒得非常腍身，同但時保留返少少口感，加左少量蒜茸，份外好食。📌特 飲 -▪️ 大 檸 樂 - $26▪️ 芒 果 梳 打 - $26▫️ 呢鋪真係「大檸樂」啦，真係大大杯檸樂無呃你，兩條麻甩佬都飲唔哂呀，而「芒果梳打」飲落唔會太甜，芒果味夠突出，襯埋梳打就最夾。