烤吧31 (Closed)

又係時候約埋三五知己,烚下烚下嘅時候喇！雖然而家天氣好熱,🙄但係都無阻我哋打邊爐嘅興趣🤣一坐低！長期好似餓鬼嘅我哋🤭已經叫了幾個小食,（芥末魚皮、無骨鳳爪、蒜蓉拍青瓜）一邊食住小食,一邊🍻🍻啤啤佢🤭🤭好正！主菜我哋今次食（酸菜魚🐟🐟）但因為太耐冇打邊爐啦！所以今次索性唔食串燒,淨係嗌打邊爐配料,叫咗（芽菜、萵筍、即炸響鈴、娃娃菜、蘿蔔、蝦🦐，鴨血、鹵水豬腸、大既特級手切肥牛、唐生菜、鮮腐竹、豆腐、豆卜）雖然冇食到串燒,但都要食我哋必食嘅蒜蓉燒生蠔😋😋😋好耐冇食,真係好好味🤤啤酒/竹蔗茅根,更加唔少得啦

今次得三丁友​食,所以今次索性唔食串燒，試佢推介嘅（椰子雞煲）👍🏻，真係超級好味，啲肉又唔梅，又唔韌，最重要佢落咗成個椰子落去，所以啖湯好甜，隻雞又大隻！一人飲咗幾碗湯😂😂😂另外配料叫咗白鱔片👍🏻（$48勁抵食！今時今日竟然仲可以做到呢個價錢😂我差啲以為自己睇錯），仲有魚卜/蘿蔔/雜菜😋仲叫咗兩個小食,川味無骨鳳爪/芥末魚皮，同埋嗌咗竹蔗茅根，本來想飲啤酒，但因為實在太飽,都冇飲到🫣🫣

今日又尼呢間食嘢慶祝朋友生日🎂,之前食過串燒，同埋烤魚🐟，今次試下打邊爐🍲其實真係好小舖頭好似尼度咁，有得食串燒，又有得打邊爐/雞煲,又有烤魚食，啱哂不同喜好既朋友！👍🏻一坐底就拿拿林叫左個川味無骨鳳爪，同埋芥末魚皮，再整多扎竹蔗矛根水和幾枝啤酒頂肚，等打邊爐😂😂叫左個藥膳花雕醉雞鍋🤤,又得喎😋😋😋另外仲叫左d配料，特級手切牛（大份），白鱔😋（抵！），鮮魚卜😋，手打蝦滑🤤，鹵水豬腸👍🏻，滑豆腐👍🏻，唐生菜，鴨血😋，生海蝦👍🏻

之前嚟呢間烤吧31食過兩次，同學仔見到，話又想試下，所以就約埋一齊出嚟食，今次我哋都係食蒜香酸菜江團魚👍🏻，配菜叫咗2份豆卜/豆腐/鮮腐竹/生菜/萵筍串燒粉係唔少得啦！今次食咗燒鮮魚卜👍🏻/燒海蝦👍🏻/燒白鱔👍🏻/燒香腸，同埋一定要食嘅燒生蠔👍🏻🤤🤤🤤小食叫咗芥末魚皮👍🏻/川味無骨鳳爪👍🏻😋😋飲品竹蔗茅根水/啤酒今次依然無令我失望，個個同學仔都話好好食👍🏻話冇介紹錯🤭🤭😉

自從食咗第一次之後,尼個月內,已經係第三次嚟喇！呢間鋪頭不知不覺已經變咗我嘅飯堂😂😂不過其實我本身都係啲咁嘅人,食開嗰間,就成日食嗰間,而且最重要真係好好味,又經濟實惠🤭仲有而家凍凍地,食啲熱辣辣嘅嘢,暖下胃真係好正！😚😚每次嚟到,都一定要食佢嘅燒生蠔,同埋烤魚,同埋燒魚卜,燒白鱔,芥末魚皮👍🏻😋但本來細食嘅我,因為貪心嘅關係,睇怕我過埋個冬天,都係要減肥啦🫣🫣😭今次試咗啲之前冇食嘅嘢,麻辣小龍蝦,醬香豬手,川味無骨鳳爪,燒雞腎,都好好味😋😋其實我諗我一個人都可以食一碟😂今次食烤魚,冇食到江團魚,轉咗食海鱸魚,肉質比較硬,但味道好好,我個人比較喜歡食江團魚多一d😚😚😚飲飽食醉,又係滿足嘅一次