牛壹台食 (Closed)

📍灣仔 牛壹台食想知道一間餐廳地唔地道，就梗係要叫個本地人去試試，睇吓間餐廳嘅食物可唔可以幫人哋一解鄉愁啦😉 所以今次我食台灣菜就專登拉埋阿台灣閨蜜👭🏻 了解吓呢間餐廳表現如何😝位置嚟講呢間餐廳唔係最方便(地鐵站行8分鐘🚇) 不❗️過❗️我哋平日晚飯時間去都座無虛席☝🏻感覺呢間可能係附近識貨嘅街坊街里會經常打躉嘅餐廳🍴💡我哋覺得呢間餐廳嘅麵底真係幾好食😋 1⃣️ 川味香辣牛腱心牛肉麵(唔知點解讀吓讀吓覺得好似新彭建新😂) 同2⃣️ 台式滷肉拌麵都俾5🌟🌟評價個麵底叫鮮製幼麵🍜 幾有咬口+啲啲似公仔麵嘅佢雖然唔係傳統台灣麵底，但呢個twist我buy🤓 自己係食牛肉麵嗰位🙋🏻‍♀️ 覺得個份量好梳爽🤓 足三大嚿牛，筋肉比例得宜🥹 而且好入味好腍😌 個湯底唔會辣到搶fo，惹味です🥳 至於台妹嘅台式滷肉拌麵...... 佢用一個空空如也嘅碗證明咗佢對呢個麵嘅愛❤️食完啲重口味嘅食物，整埋杯凍冬瓜茶收尾就happy曬喇🥤如果將呢間餐廳比喻為我喺街上面遇見嘅一個台仔，呢位係回頭率100%嘅天菜haha ☺️ 我...... 應該會衝埋去抄人牌☎️#台妹認證台灣菜 #牛壹台食 #wanchai #灣仔 #灣仔美食 #

🐮川味香辣牛腱心牛肉麵 $78第一次嚟就試咗佢哋嘅招牌No.1🏆麵條可以揀關廟麵/刀削麵/轉飯牛腱心有三塊 係超厚切大大舊嘅牛腱兩塊切成長條形 一件就係厚片狀啖啖肉口感軟稔 油脂分佈平均 仲帶啲QQ嘅筋有油香得嚟唔會油膩膩好過份嘅感覺配料兩條小棠菜 增加爽脆口感湯底唔似平時見到嘅咁深啡色 唔會好鹹或者好重味精但飲到牛肉牛骨嘅鮮甜味 加上川味辣油又更有層次辣油唔係死辣而係帶啲麻辣 食完半個鐘都仲覺得有啲麻痹 啱哂愛辣嘅人！鮮製幼麵彈牙有嚼口 唔會好重鹼水味 索哂湯嘅鮮甜味份量唔少女仔午市食都幾飽肚🌭️台灣香腸 +$24雖然係跟餐小食但份量都好多腸仔切成厚厚一片口感軟韌又多汁🍍金鳳梨綠茶加珍珠 +$5飲第一啖已經有好明顯嘅菠蘿味唔會話飲完都唔知自己飲咗咩🤣菠蘿同綠茶都好夾 清新解膩 如果食完想解辣都可以飲翻杯～對於飲開3分糖/無糖嘅我都唔會太甜

餐廳：牛壹台食地點：灣仔軒尼詩道菜式：台灣菜餐牌：牛肉麵，滷肉飯，台式小食，台式飲品。全日套餐包主食10揀一，有湯麵，麵線，拌麵，飯，冬粉，同飲品7揀一，可以加錢追加小食，小食有9款揀。套餐價錢由$58至$78不等。川味香辣牛腱心牛肉麵（鮮製幼麵）＄78 另加一川味香辣牛腱心牛肉麵有兩塊厚厚嘅牛腱心牛肉，啖啖肉帶少少筋，都有骨膠原感，炆得好稔，好味道。牛肉兩舊呈長條形，半肥瘦，都好稔。鮮製幼麵係白色幼身麵條，質感都唔錯，好滑溜。其他配料仲有一大條小棠菜，鹹菜同蔥花。叫左少辣，個湯表面少少辣，不過小棠菜吸左湯都幾辣。台式滷肉拌飯 $58 另加一台式滷肉拌飯大大碗。滷肉份量唔少，半肥瘦，好入味，味道唔錯。伴碟仲有半隻滷蛋，一條小棠菜，少少鹹酸菜同甜甜爽脆蘿蔔漬物。飯量都唔少。海苔鹽酥雞 加$34 另加一海苔鹽酥雞係大大碗滿，每粒都係一口size，抵食。鹽酥雞炸得外皮酥脆而入面嫩滑，仲帶微微海苔味，味道少鹹。藥膳醉香單骨雞翼 加$32 另加一藥膳醉香單骨雞翼凍冰冰上枱，有4隻雞翼一開二8隻單骨，酒香十足，藥膳味香濃，皮薄肉嫰，夏天食好正。香芋珍珠鮮奶 跟餐加$8 另加一香芋珍珠鮮奶用大大隻膠

📸 牛壹台食灣仔出名多台灣野食今次lunch time就約咗同事再訪因為性價比非常高 全日套餐都只係$58 up今次試咗2款主食🍴台式滷肉飯 $58滷肉飯份量足 男仔都絕對夠食而且滷肉唔會太肥膩 調味又唔會太咸太油*除咗滷豬肉 仲有滷牛肉揀 夠曬貼心🍴川味香辣牛腱心牛肉麵 $78可選關廟麵（幼）/刀削麵（粗）70幾蚊有成5-6舊牛肉真係好少可試過出面食得2片薄切湯底夠香夠辣 嗜辣既朋友仔唔好錯過加配食品： 👉🏻$28 煎蛋餃呢樣真係最有驚喜🥹🥹本身為食好打邊爐已經好中意食蛋餃估唔到煎完香脆既口感更惹味👉🏻$34 海苔鹽酥雞 次次黎食都要叫一份份量足足有一兜 兩個人些牙食都無問題飲品：🍹百香果紅茶果味香甜 茶底唔澀🍹皇牌珍珠奶茶珍珠香甜煙韌 奶茶濃而不澀同手搖店既珍奶差唔多📍灣仔軒尼詩道61號四寶大廈地下#wwh台灣菜#wwh食勻灣仔

咁岩有一日係灣仔附近放工同男朋友仔諗緊食咩晚餐好，就見到有一間台灣菜而且門面望落都幾特別咁，同埋價錢相當經濟實惠，就決定即刻入去試試佢🙆🏻‍♀️-店舖內有個全日套餐，大概價錢就係$60-$80左右，就已經包一款主食再加飲品了，而且仲會有啲優惠價去追加小食！-🎈川味香辣牛腱心牛肉麵 $78男朋友仔order的🥰🥰佢既描述係雖然好辣但真係好好食，忍唔住有一種好想繼續食既感覺🤣超惹味的❤️而且配料亦非常豐富，牛腱心同牛肉既份量都好多～ -🎈黑蒜紅燒金沙骨飯 $68呢款相比之下真係唔多辣(雖然望落都好似辣辣地咁但真係得超少辣🤏🏻)，煮得好軟諗及帶有少許黑蒜香味～送飯食黎講幾好的！-🎈特色煎蛋餃 $28 (優惠追加)煎蛋餃自己比較少食，就係用蛋包住啲肉餡咁～加埋左醬汁同蔥成件事好夾😚-🎈海苔鹽酥雞 $34 (優惠追加) 炸得香脆得黎完全唔厚粉，但略嫌海苔味唔夠濃😝-🎈百香果紅茶 +$2 是正常發揮的百香果紅茶哈🤭-🎈皇牌珍珠鮮奶茶 +$8本身自己好鍾意飲鮮奶茶，而呢度值得一讚既地方係甜度調校得真係剛剛好😌-老實講呢個價錢真係覺得好okay😎比想像中有驚喜的～ 然後發現個度有杯好特別的飲料，就係黑糖珍

今餐想食得經濟少少，去左灣仔軒尼詩道既牛壹台食。呢度係食台灣菜，主打牛肉麵，亦有滷肉飯，其他台式小食，同台式飲品。之前既午市套餐變咗全日套餐，而價錢並無加。包主食10揀一，有湯麵，麵線，拌麵，飯，冬粉，同飲品7揀一，可以加錢追加小食，小食有9款揀。套餐價錢由$58至$78不等。今晚每人叫左一個餐，再加各一款小食分享。川味香辣牛腱心牛肉麵（刀削麵）＄78 另加一川味香辣牛腱心牛肉麵有兩塊厚厚嘅牛腱心牛肉，有筋所以食落覺得有骨膠原，都炆得好稔。牛肉3舊就較瘦。個湯叫左少辣，但係真係非常之辣，川味重。麵可揀關廟麵或者刀削麵，我地揀左刀削麵。刀削麵比平時既算係腍身啲。其他配料仲有一大條小棠菜，鹹菜同蔥花。滷牛肉麵線 $62 另加一滷牛肉麵線超稔，個湯好似碗仔翅質地，味道唔錯。滷牛肉粒超稔，味道都入味。上面灑上香茜同蔥花。好味到連湯都清埋。台灣香腸 跟餐加$24 另加一台灣香腸一客6件，個皮少少脆，食落甜甜地，伴有少量辣蒜片。甜不辣 跟餐加$30 另加一甜不辣份量原來好多，係一口size，食落煙煙韌韌，上面加左少少辣醬，味道少辣。跟餐有蒜蓉雲耳仔，酸酸地都唔錯。皇牌珍珠鮮奶茶 跟餐加$8 另加一