友利冰室 x 勿當奴 (D2 Place TWO) (Closed)

跟朋友來到附近的商廈，已經預先找過附近的餐廳，D2 place 原來開了二期，內裏都有數間食肆。這間店的價錢比較相宜，而且有特別主題，一於過來拜訪一下。平時新蒲崗分店主要食燒味飯，以為這間分店主打漢堡包薯條，其實還有沙嗲牛肉麵、西餐意粉，種類繁多。先在門口買飛，點了一個巨無罅餐($48)跟薯條飲品，飲品可從汽水櫃自取，熱飲從吧枱自取。坐下後很快便上菜了，巨無罅醬汁超多，多到會把整塊麵包皮或牛肉跣離，食得有點狼狽，下次應該試吓用刀叉食。無需要擔心排隊時間，午餐時間翻枱時間都好快。

原本淨係打算支持下黃店就算，不過呢間鋪真係幾有特色，同埋質素唔錯，所以評一評支持一下。叫左個巨無罅餐，漢堡又厚又夠牛味，質感係巨無霸同雙層安格斯之間， 剛剛好。 不過啲汁比較多， 我唔太鍾意所以抹走左一部份。薯條大條炸得夠脆，不過好多油所以比較膩。個cappuccino無泡既😅不過味道正常。價錢可能貴過啲平價茶記，不過呢間有埋包餐，可以話係誠意十足，整體質素絕對 對得住個價錢，推薦👍🏾下次試下其他餐👍🏾

當大家都唔再食m記嘅時候，有時都會掛住以前食漢堡快餐嘅味道，不過依加可以食「勿當奴」啦！除咗漢堡之外，仲有冰室嘅嘢食都好吸引，下次再嚟食埋先～•🥢 勿當奴二人餐 $98📸 媽芝漢堡 Hi Auntie呢個其實係牛肉漢堡加芝士、茄汁、酸瓜，睇落幾細個，但中間嘅漢堡都幾厚身，最正係兩面嘅包都烘過！📸 巨無罅 Big Gap同m記嘅味道好相近，不過呢個緊係好食啲啦！而且仲好足料添～📸 洋蔥圈& 忌廉蟹肉薯餅& 薯條二人餐係兩個包配薯條同2款小食，好抵食🤩小食揀咗洋蔥圈同忌廉蟹肉薯餅，洋蔥圈正常，無咩特別；忌廉蟹肉薯餅嘅蟹味都幾出，幾好食！薯條就係粗薯條，唔係超級脆，但入面係滿滿嘅薯蓉，唔係空心薯條！

今日上完堂，老公來接我放學。星期日，我們當然要拍下拖啦荔枝角我一直好想試的餐廳，環境好大乾淨又舒服，先排隊買嘢食，在排隊時服務員已送上餐牌，老公見到當中的設計，覺得既攪笑又吸引先排隊買好嘢食，服務員送上一個牌子，再帶我們坐下來環境乾淨舒適，牆上面有好特色圖畫我們點了無骨豉油雞套餐加燉湯、巨無罅套餐加洋蔥圈（燉湯+20）燉湯好足料，有花膠、魚肚、豬骨、合掌瓜等，湯好夠熱唔會咸（無骨豉油雞飯）白飯夠大碗、無骨豉油雞都幾靚、滑度唔差，配有薑蓉（巨無罅套餐+錢要了洋蔥圈）薯條幾脆香口、熱辣辣炸起洋蔥圈也好脆口，唔油膩感（巨無罅）好耐無食過，好多芝士、生菜及唔油膩漢堡，麵包口感軟熟，幾好食繼續支持良心小店

我相信大家由細到大都有食過某連鎖快餐，佢地嘅漢堡🍔、薯條🍟一定記得咩味道！雖然近呢一兩年我已經戒左唔食，但有時都想食返果一種味道！早前見到飲食男女嘅報導，覺得好得意🤣，所以前幾日都嚟試試！巨無罅(BIG GAP)好明顯係模仿緊一款漢堡包🍔，最好笑係連個名都差唔多😂！而味道同樣地神還原，入面一樣有生菜🥬、酸瓜同漢堡扒，意外地連醬汁都一模一樣，都係酸酸地，食落好開胃。而漢堡扒口感比原版無咁死實，可見店主花左好多心機研究配方！每個套餐都包左薯條🍟同飲品，我比較鐘意佢地既粗薯條🍟，食落外脆內軟，比原版更有口感😋、同埋一定係熱辣辣，夠新鮮👍🏻！我仲另外加左一款小食，但我覺得炸得有點乾，而外面又唔係好脆口，燒賣都係蒸嘅好味D，用椒鹽炸未必合適🧐！呢度除咗美式快餐之外，仲有提供正常嘅茶餐，例如湯麵🍜、焗飯。簡單咁講，我唔會話味道一般🤣，因為某連鎖餐廳真唔會好好食，但餐廳勝在惡搞，同埋將漢堡包🍔嘅外貌、味道都神還原，真非常過癮😂。價錢親民，又足料，有機會經過嘅可以試返次！

逆市開張已經相當唔容易，重要無畏無懼表現出有良心有良知嘅餐廳，呢一份勇氣已經值得欣賞，難怪晚市時間出現長長人龍等住入去懲罰！🤓呢一間「勿當奴」嘅裝修好有意思(人太多，影唔到相比大家睇)，大家去現場食下就知架喇😁— — — — — — — — — — — — — — — — — — — — — — — —【勿當奴2人餐】$98 /2人2個主食🍔🍔、2款小食🍡🍡、1客薯條🍟、2支汽水🥤🥤今次主食揀左巨無罅、豬柳強，小食揀左炸蜜糖花枝丸、麥樂雞(因為一開始送錯左燒賣黎，所以張相有燒賣）汽水竟然有得揀支裝玻璃可樂🤩🤩 — — — — — — — — — — — — — — — — — — — — — — — —【巨無罅、豬柳強】🍔巨無罅係朋友食，我冇食到，但見到塊漢堡係厚過m記，朋友話味道係同m記好似，但足料過m記。🐷豬柳強包皮都係同m記一樣，但偏軟，中間嘅太陽蛋係流心架🤤🤤 整體味道冇m記咁濃味，感覺食落都唔會話好邪惡嘅🤔— — — — — — — — — — — — — — — — — — — — — — — —【炸花枝丸、麥樂雞】麥樂雞絕對好味過m記，外皮好脆，唔會乾，肉嘅質地比較軟，個