Hunky Dory

Open Now

Now Closed

在openrice找尋科學園有什麼美食，一眼便看到Hunky Dory，這個字的解釋是 “令人滿意的”、”好的”，被名字吸引，決定一試。這裡提供英式、及搭配韓式的fusion菜，食物擺盤也很精緻，加上周圍環境寧靜，在這裡用餐真的好Chill。點了韓國年糕卡邦尼、英國皇家牛肉漢堡、巴馬火腿瑪格麗特披薩，各有特色，而且好味美。韓國年糕卡邦尼 – 看名字會感覺有點怪，但食落口一d都唔怪，而且味道很搭配，厚厚的卡邦尼汁，加上半熟蛋，與年糕拌混一起吃，真係好好味，最喜歡係年糕夠煙韌，黏滿香濃的卡邦尼汁，真係會食唔停口。牛內漢堡 - 最正係塊超厚嘅漢堡扒，充滿肉汁、牛香、而且肉質很鮮嫰，一d都唔鞋口。但稍稍扣分係個飽，外層有一點點硬(唔知係咪放左段時間，被風吹到硬左)，仲有內層烘得未夠香，如果可以再燶一點會更好。巴馬火腿瑪格麗特披薩 – 本身鍾意食厚批，但無得揀，只有傳統嘅薄批。不過整體都係好味嘅，批邊好脆，批底亦很香，意外嘅係原來批底仲有d泡菜，但可以放心，完全唔辣﹑小朋友都食得津津有味。巴馬火腿很大片，少少咸香配上蕃茄底嘅Pizza，味道更突出。

話說最近係爸爸媽媽結婚周年紀念日，我同家姐帶咗爸媽去科學園嘅一間西餐廳，呢間餐廳環境唔錯㗎，好適合去慶祝🪅，特別係佢哋都冇入過去科學園食嘢，就一於帶佢哋試新野啦！.📍煎香草雞胸伴蕃茄蓉天使麵($118)天使麵分量唔算少，可惜最大敗筆位喺醬汁嘅蕃茄味過弱🍅，味道唔突出。雞胸夠晒大件仲好厚肉🐓，冇想像中咁乾， 以雞胸嚟講算係唔錯。.📍巴馬火腿瑪格麗特披薩($118)Pizza一開6🍕，中型size唔會太飽滯。餅底口感似麵包，上面有大量番茄醬🍅同芝士🧀，感覺油潤唔會乾，加上鹹香柔軟嘅parama ham，食落幾香口。.📍韓式烤牛肉泡菜班尼迪克蛋($108)韓式Egg Benedict 都喺第一次食，估唔到呢個組合會咁夾。水波蛋配上泡菜同牛肉，🐣流心蛋黃唔單止賣相吸引，仲將配料同麵包連結埋一齊🥯🔗，食落香濃惹味，有驚喜呀😆🤘。.📍特濃咖啡芝士蛋糕 ($48)Coffee Cheese Cake蛋糕都幾大件🍰，口感實淨，如果濕潤啲會更好食。咖啡味非常濃郁，餅底同蛋糕好似融為一體，可以做得更好。