喫麵 (K11 MUSEA) (Moved) New Location

有無試過你想食喇沙 另一半想食拉麵 朋友想食魚蛋粉 屋企人想食泰國船麵？😂 今次K11 YumMee喫麵就幫到你啦 佢地有齊亞洲各地麵食小食 一次過滿足晒你所有願望🥰 店舖環境好大好多座位 以自助形式點餐取餐 好方便👍🏻我地今次就揀左食吉隆坡海南雞喇沙同布吉大蝦冬蔭功粉👅 吉隆坡海南雞喇沙有驚喜 湯底好濃厚 椰香十足 唔係好辣🤤 豆卜索哂湯汁好正 海南雞份量十足 好滑😍 仲要無骨版 啖啖肉😋 布吉大蝦冬蔭功粉湯底都係少辣 唔係好酸 可以揀配粉或飯 我地揀左粉☺️ 仲有大大隻蝦連埋冬蔭功湯都唔錯👍🏻小食方便都幾多選擇 我地就揀左炸蝦薄餅同曼谷芒果糯米飯🥭炸蝦薄餅幾特別 感覺有d似我地平日係酒樓食到既炸雲吞 不過壓扁左嘅薄餅版本😆 好香脆 點埋甜酸醬好好食👍🏻 曼谷芒果糯米飯最欣賞佢哋糯米飯有加熱 如果芒果再甜啲就仲正🤤飲品點可以唔試佢哋既卡哇依冰熊系列特飲🐻 我地叫左黑糖港式珍珠奶茶麥麥熊同香芒莓莓熊 前者冰熊係用麥精整既 一路飲 唔止唔會淡 仲越嚟越濃麥精味😆 後者冰熊就係草莓味 2杯都唔會太甜 珍珠都幾煙韌架🌟

餐廳似侯機室設計，牆上屏幕播著外國風景，坐得幾舒服，餐牌上每款食物都有個國家/城市名，但主要都是東南亞美食。新加坡海鮮喇沙 $108 喇沙味香濃，有吸味豆卜，爽口大蝦，彈牙魚蛋，流心蛋同魚片，配料幾多。布吉大蝦冬蔭功粉 $118 呢個唔係咁抵，雖然個冬蔭功味幾好，但真係得兩隻大蝦，無乜料，而大蝦肉霉霉地，失敗。麥麥熊珍珠奶茶 $42香芒莓莓熊 $42 賣相係靚既，飲落就係正常野，不過杯野飲有半杯冰，飲晒隻熊都未溶，其實唔係好飲到兩隻味混合（定其實無預人整溶隻熊去飲？）原價黎講就偏貴，$150食個麵加杯野飲我覺得性價比太唔高，但網上平台宜家做緊推廣優惠，$89包$100以內主食，過左就補差價；另外加送一杯熊飮，不過每日供應款式唔係好多，但每款都打咭able。