波記(大排檔) (Closed)

充滿香港風味, 夠哂鑊氣嘅大排檔天氣涼返D, 終於可以過來試下大排檔!!睇住佢大大火, 夠哂鑊氣咁炒, 真係好咁有鑊氣, 當然叫返個至愛嘅<<干炒牛河>>每一條河粉都上到色, 唔會一餅嘢咁!炒得乾身而又唔會油淋淋! 牛肉夠多夠嫩滑又入味! 夠水準而且有特色!!果然好選擇錯!!另外, 朋友仔就叫咗<<生炒排骨飯>>未上枱已經聞到香味.生炒骨夠熱夠香, 唔係大排檔邊有咁好鑊氣整?!份量十足, 而且粒粒都立立令!!加埋D芡汁簡直令人欲罷不能呀!! 兩個人SHARE來食, $72埋單, 響中環區邊到搵呀!難怪未夠12點已經FULL HOUSE, 仲要有長長外賣人龍.仲連遊客都識攞住旅遊書搵到來食!! 

中環的繁華背後，擁有一個令遊客們意想不到的地帶，之前的我，為大家介紹過《水記》，這一次，同樣是三顧草廬，分了三次去拜訪，吃盡了粉、麵及飯。這一個排檔，中午的時候人來人往，煙霧彌漫。多人煲煙麼? 不是，只是士他花利街的《波記》鑊氣爆勁，令到整條樓梯小巷，充滿了油煙，所以我才有《油煙彌漫的士他花利街》。士他花利街在那，我相信連經常去波記食開飯的中、上環朋友都未必講得出。向來，我只知道位置，在皇后大道中，中環中心對面山邊的上山小巷，當中有一條有樓梯的，旁邊是羅富記。這一個波記，主要提供炒粉麵飯，沒有小菜，沒有點心。只有碟頭，每一位客人來到此地，都是一人一碟，不過有一些胃口細的辦公室女郎，三人分一碟也是容許的。然而，這一個排檔，兩個鑊，當鑊子炒得興起時，油煙滿天飛，以前的工作需要見客，經常會西裝畢直，每一次來到這兒身上的油煙味必定令到我的西裝充滿了食物的味道，不洗不行。更甚者，就是在外的這一個專門用作炒麵炒粉的鑊，大廚叔叔冒著大汗，不停的炒呀粉，油煙同火光都四起，全場70%的油煙，都是來自他的手上。但大叔的鑊氣粉麵，絕對可以吸引你一來再來三來。食客坐的地方，分成了三部份，最好當然是樓梯頂的位置

筆者由畢業開始已經係中環工作左十年八年, 波記係我咁多年以黎幫襯得最多既一間鋪頭, 原因簡單不過: 平、靚、正位置上, 波記其實幾難搵, 你好難想像係商廈林立既中環, 旁邊一條巷竟然有一間大排檔波記既特色係:阿姐好好記性而且好大聲師傅係熊熊火光中以一分鐘既時就炒好一碟鑊氣飯價錢全部只係廿幾蚊而且超大碟炒飯只需加兩蚊可以炒底想食排骨要早d去因為超快賣晒...筆者食過的菜色:椒鹽豬扒飯: 筆者食過最好食既一味, 唔怕辣既一定要試下芙蓉蛋飯: 呢味都好好, 由於係鑊氣炒出黎, 所以可以做到外脆但內裡仲係半熟蛋各類炒飯: 筆者食過楊州炒飯, 西炒飯, 咖哩炒飯, 蝦醬炒飯 & 福建炒飯, 個人覺得楊州炒飯 & 蝦醬炒飯係最好的京都骨飯: 都唔錯, 酸甜適中, 不過千萬唔好外賣, 因為個汁會令到個飯 & 豬扒唔好飯...干炒牛河: 其實波記既炒河都好出色, 牛河更係最多人叫既其中一款炒粉麵飯其實仲有好多味筆者都食過, 不過最常叫既, 都算係以上既推介食左咁多年波記, 得出如此結論: 千萬不要外賣, 波記係堂食先好食的