L.D.K. by Ufufu Café (德福廣場) (Closed)

今日小弟同同事兩個人去左L.D.K.食晏。佢地出左夏日限定既和式漢堡，價錢都唔太貴。 小弟同同事弟別點左彩り三色丼同埋經典A4和牛漢堡。彩り三色丼分別有帆立貝三文魚子飯，碎吞拿魚腩飯同埋澆汁牛肉飯。帆立貝三文魚子飯既帆立貝同三文魚子比較少，如果多返d會開心d。帆立貝同三文魚子都新鮮。碎吞拿魚腩飯既吞拿魚蓉份量適中，可以做到啖啖飯都有吞拿魚肉。吞拿魚蓉都好鮮味。澆汁牛肉飯既味道唔錯，可惜牛肉稍微過熟，有點老柴。經典A4和牛漢堡，隨碟附上雜菜沙律同薯角。個漢堡既A4和牛好香肉味勁juice，塊漢堡排都好大塊好厚身。漢堡仲有菜同番茄。真係好經典既漢堡包。