227甜棧 (Closed)

食完飯之後想食甜品 咁唔啱又喺附近食完飯 又有聽過人推介 就入咗嚟食個人就好鍾意食芋圓 所以一嚟就點左個彩虹綜合圓黑糖沙冰 而朋友就中意桂花 所以揀咗愛玉桂花釀呢個係啱啱上菜嘅樣 店員之後有叫我地撈勻嚟食入面有珍珠同埋奇異籽食落去唔係好甜 有淡淡桂花香 愛玉好滑 加埋珍珠同奇異籽好有口感 好欣賞佢唔會好似其他糖水舖咁 甜到漏 呢個黑糖沙冰食落個口感似思樂冰 唔算好重黑糖味 不過都勝在唔會太甜 易入口以佢嘅配料都好豐富 有紅豆、綠豆、珍珠同好多種芋圓除咗傳統嘅地瓜圓同芋圓之外 仲有芝麻味紫薯味同綠茶味等等其中以芝麻味比較突出 好香一食落就知係芝麻味但係口感就偏硬 唔夠「q彈」整體來講都好好食 好快就清晒😛佢嘅裝修都唔錯 環境算闊落 同幾有特色 仲有自助嘅茶水服務 可以自己斟水飲會再黎幫襯！

睇到餐牌張相，以為啲冰似刨冰咁硬原來啲冰係接近思樂冰嘅質地，雖然影相冇咁靚，但入口軟綿綿，絕對比平時食嘅黑糖冰好食好多紅豆同綠豆味道不過不失，同沙冰一齊食好似食緊豆味雪條。而五色圓外表一流，味道亦都唔錯，食落真係食到番薯同芋頭味。而唔同顏色亦都有唔同口感之前上網見有介紹 見到好似好特別就叫左一份。有黑芝麻同普通丸子兩種味，黑芝麻丸子食落有淡淡黑芝麻味，就咁食都好好食；而白丸子就無味。沾粉有綠茶粉、黃豆粉同椰絲花生三種。綠茶粉食落太濃太苦，個人唔太中意；黃豆粉同椰絲花生食落普通。哩個價錢我寧願加幾蚊食多碗芋圓啦

如果你問我有幾掛住台灣既美食，我會答你「超掛住」，特別係台灣既芋圓！係香港想食芋圓都真係唔係一件易事，搵極都搵唔到，搵到又未必好食喎！點解會揀黎呢間？就係因為係網上面見到呢間有彩虹芋圓，仲記得之前去台灣係九份食過，之後就再無見過啦，估唔到係香港可以搵到台灣既味道！呢間既裝修真係有幾份於客棧，好有氣氛連餐牌都係寫住「客官」，令到自己好似睇到「小倩」咁揀野食果時店員見到我諗左好耐都唔知揀沙冰定豆花好，最好佢介紹沙冰話靚d，一聽到「靚d」，二話不說即刻嗌左，女人係咁架啦彩虹綜合圓黑糖沙冰($38)見到彩色既芋圓心情都好d仲有超多紅綠豆同黑珍珠，黑糖沙冰唔會過甜，食哂成碗都無問題，芋圓係偏硬既口感，幾煙韌，食完真係有感覺到台灣既感覺，完全可以encore呀朋友嗌左碗自選養生花($34)係自己揀配料，揀左凍黑豆腐花+紫米+小丸子+手工芋圓地瓜圓+杞子龍眼肉+養生黑糖水，豆花加任選4款配料$34，幾抵食，黑豆香味重，而且滑芋圓、地瓜圓幾煙韌，配埋糖水微微甜龍眼肉份量亦唔少，煮得岩岩好，唔會過硬或者過腍，食哂成碗覺得好健康呀食完就梗係拎埋張單出去埋啦係呢個時候竟然發現到有優惠！下次帶埋屋企既妹妹黎先