夏娃 (Closed)

這一家位於北角與炮台山之間的西餐廳值得推介，因為其性價比真的很高，而且餐廳環境亦不錯。由於光顧的時間已經差不多下午三點，坐低便問店員有沒有Tea Set，店員表示沒有，卻推介我們可以一試他們的招牌雞翼，我們於是決定一試。招牌雞翼是連雞翼尖的，算是脆皮芝麻雞翼，雖然說是脆皮，不過並不是一般炸雞的硬脆而是仍然保留肉汁的那種軟脆，味道很好。之後我們見到隔離枱的乳豬似乎很精彩，於是也點了一碟，廚師親自拿出來，還很興奮地說這是他新研製的Slow Cook西班牙乳豬，叫我們比些意見。此乳豬做到皮很薄，做得很脆，肉質就很嫩滑，還有一些軟骨位置很有咬口，真的不錯。啤酒方面，老闆說因疫情關係，沒有生啤，並介紹我們試這款來自德國的手工啤，麥味香之餘帶有菠羅的味道，很好。

上次黎飲過呢一間餐廳的德國麥啤，真係好好飲，所以今日心思思又想黎encore。我記得上次試了隻手工啤，味道唔錯，今次又試下第二D，試咗呢一隻修道院小麥啤，個Logo有個修士喺度都幾頂癮。呢一隻麥啤無上次嗰隻咁濃味，不過小麥味好香，而且因為淡味D，所以好易入口。野食方面就叫咗我最鍾意的德國豬手，呢間的豬手皮脆肉香，最緊要就係咬落去唔韌，唔會趙到牙較都軟晒，配埋德國啤酒，真係無敵。另外想讚一讚佢地個芥辣，係有一粒粒黑色籽嗰隻，出面通常求其比D黃芥辣你就算鬼數，不過呢一隻深黃色有一粒粒黑色籽的芥辣，同豬手好夾，好好味。

今晚試一試這一家位於北角和炮台山之間的餐廳，因為一個人，所以都爭扎了一陣究竟叫意粉好定係德國豬手好，因為如果兩樣都叫晒就一定食唔晒，但係佢嘅價錢又真係唔貴，所以有一下真係想叫晒兩樣，食唔晒就算數，不過最後都係天使打低魔鬼，只叫了一樣，就係有少少辣的海鮮意粉。話明係海鮮意粉，佢D海觧都非常OK，有大蝦、蜆、青口同埋魷魚，我自己覺得D海鮮都算新鮮，同埋我都鍾意佢個意粉汁，再加埋少少香草，同D海鮮好夾，好味。另外叫了一杯麥啤，呢個牌子出面少見D，麥味好香，都算易入口，大熱天時飲返杯冰凍啤酒本身就已經係無敵。