BYOB Coffee Roaster

Open Now

Now Closed

雖然屯門俾人感覺好遠又有牛，不過放假無地方去都可以嚟發掘唔同美食，上個星期日夜晚就去咗BYOB食野。環境 ： 一入去見open kitchen 同水吧，燈光好柔和令人覺得舒服，2人枱都唔會好窄，餐廳都好乾淨，食物：北海道帆立貝明太子意粉 $100  (9/10)本來自己唔係特別鐘意明太子，但食完呢個意粉，真係覺得好好食。明太子好香，另外意粉唔會過淋，汁creamy夠杰身，每條意粉都被個明太子汁包住，好好食。帆立貝煎到半熟唔會韌，平時我超鐘意食帶子，但相比下意粉更出色，印象深刻啲！德國黑麥啤慢煮鹹豬手 $168（8/10)點餐時餐牌上已經寫明要等40分鐘，上次嚟到無食到，今次一於照等試一試。結果真係等足40分鐘，如果同朋友嚟傾下計食住等其實時間都好快過。一上碟就覺得好大隻！豬手皮其實唔係脆卜卜個種，不過食落好軟淋滿滿膠質，豬手肉都好易切開，係慢煮既效果，外層搽咗蜜糖，好食！食完成隻都唔會覺得好熱氣。豬手頭尾部份特別香脆，仲食得出有啤酒麥香味，成隻豬手調味亦足夠，唔會啖口無味。每碟都有少少酸菜同芥末，個人覺得芥末醬幾好食，唔似平時個啲咁酸口，而酸菜我就一般，有啲淋，個人鐘意有返少少咬口粗身

🍖德國黑麥啤慢煮鹹豬手💵168🍀🍀🍀🍀🍀🍀🍀🍀🍀🍀依個價錢食到咁大隻豬手🍖係非常抵食，外皮同埋豬手肉都好有啤酒味🍺勁巨有骨膠原，但好難切開，店員無幫我地切一切，通常出面既餐廳都會幫忙切開幾下🥲味道夠但係豬手外皮仲好多毛🥲🍝大蝦寬條麵💵80🍀🍀🍀🍀🍀🍀🍀🍀🍀🍀用左忌廉汁亦加左啲蒜去炒，除咗有蒜香味，亦有好重既奶味，個汁煮得較杰身同時因為重奶既關係，所以食幾啖都好飽，而蝦🦐都吸收晒蒜味，好香～🍝北海道帆立貝明太子意粉💵100🍀🍀🍀🍀🍀🍀🍀🍀🍀🍀通常明太子味道會偏鹹，但依碟既明太子忌廉汁意粉🍝味道比較淡，應該話係過淡，不過帶子好大隻，最有味道得帶子咋～🍟焗黑松露芝士薯角💵50🍀🍀🍀🍀🍀🍀🍀🍀🍀🍀芝士唔夠多，黑松露味亦唔夠，唔能夠鋪滿面頭，而且薯角好乾，需要自己出去攞茄汁，收服務費但係好多野都要自己出去攞🤨🍹有機接骨木花💵20🍀🍀🍀🍀🍀🍀🍀🍀🍀🍀因為無大吉嶺玫瑰🌹茶，所以我揀左枝接骨木花氣泡水🍹絕對唔係餐廳整，係買返黎既～☀️整體而言，除咗大蝦闊條麵同豬手外，其他野食都麻麻地，地點都難搵，如果有車會比較容易好多，服務更加唔使講😐

成日行過都見滿座，今日晏就12點鬆d去到見唔洗等位當然要即刻入👍🏻睇到menu見到食物種類唔算多，就只有數款沙律🥗、主食同豬手揀🤔點知食完真係覺得極高水準🤤$98北海道帆立貝明太子意粉🍝睇落細細份，但食落都飽肚😋明太子醬香得黎夠哂creamy🤤🤤醬汁完全足夠食哂成個意粉👍🏻食完唔會覺得膩🤤意粉內仲配有多片野菌🍄帆立貝唔乾身，非常之滑同juicy🤤$138德國黑麥啤慢煮鹹豬手🐷menu上寫製作需時40分鐘，佢又真係剛剛好40分鐘送到黎🤤豬手脆口熱辣辣🤤🤤🤤內質非常之嫩！！！唔會太咸👍🏻啤酒令外皮更加香脆🤤真係令人回味🤤🤤🤤最緊要係把配刀夠哂鋒利，一切肉就離骨👍🏻👍🏻👍🏻令人更加享受食豬手的過程👍🏻👍🏻$32泡沫咖啡☕️香濃咖啡豆香令人更加醒神！$35榛子鮮奶咖啡🌰榛子味唔會蓋過咖啡香👍🏻鍾意飲甜少少的咖啡揀佢就最好不過☺️享受完寫意的午餐又係時候繼續工作😩😩😩