Video
Read full review
2010-08-02
93 views
上星期師傅約埋師妹一齊去探下小師妹個仔仔, 由於小師妹住於港島區, 而小師妹又未有咁早返到屋企, 於是師傅趁住中間有少少空檔, 決定黎個歡樂時光; 約埋師妹就朝著老蘭呢個方向出發, 準備搵個地方坐下! 點知越行就越熱, 汗水就好似大雨時一樣, 汗如雨下, 再咁落去師傅未去到酒吧時都應該香左!突然間見到呢間雪糕店, 師傅就同師妹講不如食雪糕, 而師妹當然冇反對啦, 就係咁樣黎左呢間雪糕店! 上到去食店侍應安排入座, 師傅望下個侍應又幾靚女喎, 非常青春, 而且仲鬼咁好笑容添, 攪到師傅未食雪糕已經覺得非常之甜喇, 真係暈得一陣陣! 言歸正傳, 仍記得上一次黎呢間連鎖雪糕店係同好友食家"乜都放入窿", 嗰次師傅揀左一款雪糕甜品係有十個雪糕球嘅, 結果食到師傅得番半條人命咁濟; 於是今次當然唔敢再試啦, 但始終師傅係鍾意食雪糕之人, 所以是次就柯打左心花怒放, 細問之下原來呢個心花怒放都有六個雪糕球, 於是師傅就揀左兩球比利時朱古力, 咖啡, 杧果熱情果, 紅莓雪皅同埋甚麼曲奇各一球! 至於師妹就揀左凍比利時莫卡咖啡!閒談一陣後, 心花怒放就登場, 而師妹嘅凍比利時莫卡咖啡亦隨後到場; 師傅
突然間見到呢間雪糕店, 師傅就同師妹講不如食雪糕, 而師妹當然冇反對啦, 就係咁樣黎左呢間雪糕店! 上到去食店侍應安排入座, 師傅望下個侍應又幾靚女喎, 非常青春, 而且仲鬼咁好笑容添, 攪到師傅未食雪糕已經覺得非常之甜喇, 真係暈得一陣陣!
言歸正傳, 仍記得上一次黎呢間連鎖雪糕店係同好友食家"乜都放入窿", 嗰次師傅揀左一款雪糕甜品係有十個雪糕球嘅, 結果食到師傅得番半條人命咁濟; 於是今次當然唔敢再試啦, 但始終師傅係鍾意食雪糕之人, 所以是次就柯打左心花怒放, 細問之下原來呢個心花怒放都有六個雪糕球, 於是師傅就揀左兩球比利時朱古力, 咖啡, 杧果熱情果, 紅莓雪皅同埋甚麼曲奇各一球! 至於師妹就揀左凍比利時莫卡咖啡!
閒談一陣後, 心花怒放就登場, 而師妹嘅凍比利時莫卡咖啡亦隨後到場; 師傅一見到心花怒放呢款甜品, 個心情都真係靚左, 皆因賣相十分之靚, 未食都覺得吸引, 拍完照後立即試, 雪糕嘅質素真係無謂多講, 皆因師傅最愛的比利時朱古力依舊香濃滑身, 口中爽住少少朱古力碎, 入口即溶, 勁正; 咖啡亦十分香滑, 而杧果熱情果嘅味道似乎不適合師傅, 所以有所保留; 而紅莓雪皅酸酸地同夠冰, 絕對係用黎解甜嘅最佳選擇; 至於甚麼曲奇就唔係師傅揀, 所以冇咩點試真; 伴碟嘅生果較酸, 但夾埋雪糕食就好正; 而雪糕筒鬆脆但唔甜, 所以十分好味; 至於凍比利時莫卡咖啡師傅亦試左少少, 咖啡真係十分香, 入口 冰凍清涼, 十分舒服!
總括黎講雪糕質素依舊十分出色, 環境十清靜舒服, 服務態度亦友善殷勤, 價錢當然唔算平啦, 埋單百五蚊, 咁嘅環境加服務, 師傅覺得幾抵食! 師傅都好多年冇試過歡樂時光係唔飲酒, 而食雪糕更加係首次; 喺香港如果食雪糕都唔黎呢間, 師傅真係唔知仲可以去邊間呢? 所以有機會一定會再黎, 笑臉比硬!
後記: 喺師傅食雪糕期間, 竟然見到有食客食霸王餐, 而呢個食客呢一著真係嚇到位靚女侍應都唔知點算好, 睇見靚女侍應受到咁嘅對待, 真係令師傅心都痛! 食雪糕啫冇錢咪唔食囉, 使唔使食霸王餐呢?
Post
