Bello Dining (Moved) New Location

今日同老公第一次去食，上次撞著兩天連假期。叫左2個午餐，一個小食，2杯凍飲坐低無耐先上凍飲，奶茶一般有陣怪味，檸茶正常忌廉南瓜湯不錯幾滑唔似開粉沙律菜新鮮，配胡麻醬好味薯條好明顯係薯仔切條炸，唔係急凍果d，炸得幾好，有一個少少不足之處係黑松露&蜜糖芥末醬，份量相比起茄醬少，有d慳住點咁…因為薯條份量都多，希望醬汁方面可以加多d龍脷柳質感幾好，唔腥肉質唔係散果隻，茄汁少甜，意粉份量好多，如果細食既建議叫少意粉老公話除左淡味左少少外，整體都不錯整體都幾好，員工有禮貌，環境乾淨，會再去。

其實我已經keep住食左一年多，亦都介紹咗很多朋友去食，終於的起心肝幫佢寫一篇食評，原因很簡單：平、靚、正！我和朋友都是食開一樣野就不會轉的人，先講講我們平常去吃的配搭，通常我們都會叫一份午餐加一份下午茶餐。午餐會選忌廉吞拿魚長通粉， $54連餐湯及凍熱飲，佢個汁好夠而且好入味，餐湯亦每日不同有粟米湯南瓜湯薯仔湯等等，飲過全部都好好飲😍另外一份下午茶餐必須提及，因為佢超級抵！ $36有兩隻玫瑰蜜糖雞翼加薯條，配上三款醬：茄汁、黑松露醬及蜜糖芥茉醬！下午茶餐雖然沒有餐湯，但係都送冷熱飲品！$36有這種質素，實在是太抵了吧！而且平得嚟，係超級好食！！隻雞翼有淡淡的玫塊花香味，薯條有3種醬汁滿足哂唔同人嘅需要^^重點！佢是沒有加一服務費的，兩個人去吃一個下午，加埋都不用$100，實在想不到有咩理由唔推介俾大家😭😭

最近行經係天水圍新開既天一商城，發現裏面有好多唔同種類既餐廳，而呢間Bello Dining可講係特別出眾。一黎商場附近少呢種cafe，可以俾三五知己坐低聚下舊，食下野，傾下計；二黎佢既食物款式算多，味道唔錯，價錢合理，叫幾份share好着數。芝士吞拿魚焗薯皮，芝士可以拉成絲，mix埋濃郁既吞拿魚同薯茸，大大啖咬落去，非常滋味。香脆流心芝士條，名副其實地，芝士係流心既，，第一啖直接咬，外面炸到脆卜卜，入面就好幼滑，第二啖蘸上千島醬，又係另一番享受。忌廉吞拿魚長通粉，叫呢份係有少少失策既，因為吞拿魚同之前焗薯皮既係一樣既，只係呢個有汁，冇咁「傑」，不過長通粉煮得幾好，我地都鍾意少少軟既。香辣烤雞薄餅，冇想像中咁辣，同埋雞肉粒少咗d，但係芝士同蕃茄醬就好足料。經典漢堡配薯條，牛肉漢堡整得唔係咁均勻，因為切開之後我分到既果份，特別多胡椒粒，雖然辣，但咬落肉汁多，加埋配菜係好食既。