Wanna Eat

Open Now

Now Closed

今次係第二次到訪餐廳，所以決定試下上次無食過嘅食物。太多樣食物都想試，我地花左啲時間先決定到，最後叫左4樣食物，中西式都有，黎個中西合璧.🌱想食。柚子雞定食個名真心無改錯，真係食完都仲好想食！柚子味調味啱啱好，甜甜地好開胃，雞肉十分嫩滑，配上熱辣辣白飯一碗，好正❤️.🌱黑松露薯條自家製粗薯條好好食，啖啖都係薯仔，好足料，另外個黑松露醬真係好香，我地食哂成兜醬.🌱意大利千層闊麵呢個份量比較細，如果當主食可能會唔夠飽，但係個味道係調教得幾好。.🌱香蕉朱古力雪糕窩夫呢個係成餐飯最值得大讚嘅一樣食物，首先價錢十分合理，性價比好高，味道都一流，個朱古力雪糕好好食！去開附近一定要試下😚

我們一行二人，因為有Apps，所以試了這間”Wanna Eat”。一入門口就發覺裝修都不錯，雖然店鋪不大，但勝在舒適。食物方面：野菌手工Pizza - 即叫即製，外脆內軟，不會太鹹，好味👍🏻；意大利千層闊麵 - 超級足料，不會太流，值得推介😋;想食、明太子意粉- 好味，足料，意粉煮得啱啱好😋，因叫了晚餐可加錢飲餐湯（是日餐湯-蕃茄牛尾湯）超濃味、超足料，值得加錢試（雖然份量不多）；最後，試了一個甜品-紅豆抹茶雪糕窩夫，這個有點失手，因食時食到一些燶的皮。服務方面，店員態度友善，整體而言，值得推介👍🏻👍🏻😊

喺新蒲崗舊區有間非常新淨的小店，門面光猛，用色溫馨，佢就係Wanna Eat。廚房是開放式設計，但在適當的位置加裝了玻璃，油煙唔會周圍飛！店內亦放了不少聖誕裝飾，增添節日氣氛。老闆和店員都十分年青，充滿活力。富士山特飲 $30用紙飲管，為環保出一分力，抵讚！Mix前的漸層很漂亮Mix後還是明顯的分了藍白色，味道微甜，而最上層帶紅色的是爆炸糖，拌後一直在發出啪啪聲響，好睇又好玩。沙律 $20加配的沙律，菜葉新鮮。黑松露蘑菇忌廉意粉 $82散發著黑松露的清香，黑松露醬和蘑菇的份量很多，意粉軟硬適中，忌廉汁又香又滑，好味！意大利千層闊麵 $98熱辣辣出晒煙，上面舖滿了誘人的芝士。疊了三層，層層都舖滿了蕃茄肉醬，很香口很惹味！雲尼拿雪糕窩夫 $52灑滿了綿花糖和啫喱，窩夫上碟後仍保持脆身，雪糕軟滑，好睇又好食！

收工嚟新蒲崗揾朋友食飯，諗住除咗mikiki 工廠區應該冇啖好食，點行行下見到舊藥房隔離有間好別緻嘅西餐廳。好奇心驅使下就決定去試下～入面唔算好大間，但唔會感覺好迫，配上個開放式廚房相反令人覺得好舒服好悠閒。睇咗餐牌發現原來佢唔止有西餐，連中餐都有得食，有紅油抄手同豆腐飯等，真係估佢唔到。只係今日想食西餐多啲就照嗌住西餐先。本身係明太子控嘅我見到明太子一定要試一試！呢個明太子意粉將啲明太子醬同意粉融合得好好，食落有明太子味之餘又唔會太濃令人接受唔到。啲帶子幾大隻，仲要有4粒！食落口感好好唔會太靱。除咗明太子之外都好鐘意食千層麵，呢個爆多肉醬嘅千層麵唔會太乾，加埋芝士真係口感十足，只係內層嘅麵就比較零碎啦～兩個女人又點可以唔食甜品～嗌咗呢個窩夫，有抹茶雪糕、紅豆、黑糖啫喱。雖然大家都係甜，但各自有唔同嘅味道，唔會互相掩蓋，各有特色，窩夫啱啱上碟仲有少少脆嘅質感，真係夠晒新鮮。呢間餐廳雖然冇啲好出眾嘅菜色令人專登會嚟，但係整體嚟講都好好，裝修食物同服務都好唔錯。如果下次再嚟新蒲崗一定會再諗起呢度～

Wanna eat夏威夷手工薄餅，$78。超熱，超脆，食起來索索聲，有意大利feel，加上菠蘿的酸味同芝士火腿的咸味，味道非常合配。個人覺得，如果菠蘿再多一點，就更加錦上添花，我實在太喜愛菠蘿啊~~~~~意大利千層闊麵，$98。剛烤焗出來的闊麵，味道淡口，芝士味香濃，還有極多牛肉粒在內。在英國時，久唔久也食此麵，味道相近，不錯之選。餐湯，跟餐$20。今日係南瓜湯，湯質非常之濃，南瓜甜味好特出，好似食緊一隻南瓜咁，愛好南瓜者必選此湯。冰牛奶咖啡，$35，跟餐半價。咖啡味極之濃烈，加上牛奶的配合，味道剛剛好！以西餐廳來說已經不錯了。有機檸檬薑茶，$42，跟餐半價。呢款熱茶，極之推介，有茶道feel，加上檸檬葉的香味及薑味濃郁，一淡茶一淡薄餅，好有中西合璧之感覺。總推介指數：8.5/10