S3 186

Open Now

Now Closed

原來深水埗新開左呢間西餐廳 以Moonlight星空做主題🌃餐廳掛滿星星燈 環境幾好 食物都幾有水準 而且好大份 所以計返都幾抵食😃✨香烤法國黃油春雞 $198原隻燒雞非常大隻 雞肉好滑好夠juicy 入口有豐富油脂香 雞皮燒得好香 好出色！薯菜係雜菜 有紅蘿蔔 翠玉瓜 薯仔等等 份量好多✨意式海鮮意大利寬麵 $118 以白汁煮海鮮🍝有大蝦、魷魚 醬汁唔會太厚重 味道清清地 唔會太油膩 寬麵粗身有咬口 幾掛汁🍴+$48 轉套餐 配餐湯、沙律、飲品、甜品轉套餐更加抵食 有沙律🥗忌廉湯+脆多士🍞甜品仲有果凍

呢間餐廳係用夜晚同星星做主題，行到門口，已經見到好大個好靚既月亮display打卡位，入到餐廳見到每張枱上面都有個星球燈，而餐廳個櫥窗係用左梵高既starry  night 做display, 呢個裝修我覺得好靚~同朋友一人叫左個晚餐，好想推介個龍蝦湯，個蝦味好濃，但令我最有驚喜既係個龍蝦肉，除左龍蝦肉唔係間間餐廳都有之外，係個龍蝦肉好爽口，佢應該係有另外烹調過而唔係直接落湯煮。而且入面係有幾粒大大既龍蝦肉，一啲都唔孤寒~ 呢個係我地跟餐加左$18既湯，個人覺得抵到爛。之後就到個意式海鮮意大利寬麵，一上枱就已經聞到好香既煎蝦味，而且全部海鮮都好新鮮，個寬麵好有咬口~至於個香煎美國安格斯西冷牛扒真係好厚，我地叫左7成熟，但個扒都好juicy好易切開，佢跟左個mustard同燒汁，仲有好多配菜，個人比較鍾意燒汁~個晚餐有跟甜品，我地另外加左錢叫特飲，我叫左黑天使，即係黑牛, 我鍾意球朱古力雪糕一啲都唔hea, 個雪糕入面除左有朱古力碎，仲有朱古力既餅喺入面。而個奶凍都好好味，唔會太甜~