HAND3AG (源成中心) (Closed)

近期流行各款韓式台式吐司，特色爆餡配料加埋不同風味醬汁，非常邪惡！而HAND3AG以日式鐵板燒的方法，主打各款創新配搭的三文治，潮流玩味，打卡滿十足！最近喺觀塘開源道都開咗新店，所以今日Lunch就嚟試下喇！慢條撕理食肉獸鐵板三文治用料豐富！有慢煮手撕豚肉、車打芝士、沙律菜、炸洋蔥圈、番茄等⋯⋯而醬汁用了焦糖洋蔥蛋黄醬同埋芥末籽蛋黃醬，食落唔會太油膩，而且啖啖肉，好正！另外加錢升級Combo可以有埋薯條和咖啡！

呢間餐廳主打韓式鐵板三文治，叫咗兩款三文治同一款mac 'n' cheese，同行友人讚不絕口😂仲未飛到韓國嘅大家都可以解下思鄉之愁！邪惡之選 — 歐陸監獄鐵板三文治，有芝士通心粉、番茄肉丸同炸薯餅，餡料好豐富，塊麵包外面煎得好香又脆，好好食！但carbs on carbs真係極級邪惡😂 另一款邪惡之選 — 芝士龍蝦通心粉，通心粉熱辣辣咁上，好多龍蝦肉係面，勁多芝士拉絲，好飽好肥但都好值啲quota😂另外叫咗慢條撕理食肉獸鐵板三文治，有慢煮手撕豬肉、車打芝士同甘藍菜沙律，算係比較清新嘅一款。本身expect慢煮手撕豬肉會有多啲醬，但overall肉質都算幾淋！Latte用全脂奶，但都算係偏濃嘅咖啡；粒粒蜜桃檸檬特飲有微微粉紅色，幾靚，叫咗少甜會清新好啲！