Centre de Vin by Nexus (Closed)

觀塘區工廈不單餐廳選擇多，因為競爭激烈所以冇返咁上下質素都很難留低，而Centre de Vin除了食物有水準外，還是區內少有提供fine dining的餐廳，趁星仔最近找到份好工，我們就來慶祝順便試試餐廳的手勢。＊＊＊＊＊＊＊＊＊＊餐廳店面頗大，可容納近百食客而不覺擠擁。Menu只有單點，分為前菜、湯、主菜、飯麵和甜品。慢煮八爪魚沙律些厘醋汁($118)慢煮八爪魚切成薄片，鋪在薯仔上，面層再鋪上沙律菜。慢煮過的八爪魚比平時軟腍，薯仔軟腍中還帶點爽口，沙律菜很新鮮翠綠，但如果多一點醋汁更好。法式海龍皇湯($88)海龍皇湯濃稠適中，內有魚、青口和帶子，都幾足料，味道亦濃郁。餐前麵包麵包很軟熟，奉上時仍有暖意。香煎加拿大牛肩肉($238)牛肩肉我點了五成熟，中間呈玫紅色，但其實又沒有血水泡出。牛肩肉肉質軟腍得來帶點咬口，牛味較濃，表面有灸燒過的粗鞋口感，整體做得非常出色。旁邊佐以薯蓉、車厘茄和西蘭花，薯蓉幼滑牛油味不過重，感覺較為健康。總結，食物定價較為進取，拍得住尖沙咀銅鑼灣等地，不過食物和服務亦交足功課，適合用來慶祝特別日子，東九龍的朋友終於多了一個fine dining的好地方。

得知禮拜日母親節被編要返工既時候，唯有同母親大人提早慶祝。呢排其實都忙住搞出trip既細節，上網見到呢間係工廈既西餐都唔錯，就約咗屋企人黎。Book咗枱晚上七點黎到，由牛頭角地鐵站行過黎幾方便。入到餐廳就覺得個環境好高級，食個氣氛都正啊！天花既吊燈、室內既擺設有心思，會令你忘記了你其實身處工廠大廈。餐廳另一半既枱凳感覺又唔同咗，都幾啱情侶約會慶祝週年紀念等等。早咗黎，一開頭冇咩食客，但食食下就開始多人黎用膳，可能香港人真係比較遲收工。餐廳有一個位置係有個stage，可能有時會有live band演出，邊睇show邊用膳，感覺應該會更醉人。這天晚上沒有表演，但全晚都播住外國音樂，可以和家人邊用膳邊傾計。餐具跟足西式餐桌禮儀，有齊食前菜、主菜，飲餐湯既用具，用完之後，侍應會好有禮貌黎到收拾餐具，又不時黎加水，服務可以話係滿分啊！前菜我地叫咗慢煮八爪魚沙律些厘醋汁，估唔到咁好味，一試難忘！八爪魚片經過慢煮後，十分有嚼勁，配以些厘醋汁，味道酸酸地，非常開胃！薯仔粒煮得好爽口，加上清新既沙律菜，好味道！為呢餐筵席帶來一個美好既開始~法式海龍皇湯有別於其他餐廳既龍蝦湯，唔會好濃好咸。睇得出個湯冇偷