Groovy

Open Now

Now Closed

原來Groovy頂手咗Coholic舖位，好彩新餐廳繼續提供馳名嘅封門柳意粉😆雖然cafe規模唔大，但係食物、飲品同甜品都食得出係用心製作🥰----------------------------慢煮安格斯封門柳&溫泉蛋配香蔥橄欖油扁意粉 $132封門柳份量超多，有成十二塊，滿足曬牛魔王😈 封門柳顏色鮮豔，肉質軟腍無渣，加上慢煮過程調味唔重，啖啖都係濃郁嘅牛味，非常值得一試！----------------------------牛油南瓜雞肉義大利飯 $90義大利飯粒粒分明，軟硬適中，南瓜蓉同奶油嘅比例恰到好處。雞肉有咬口，肉汁飽滿。----------------------------Basque cheesecake $52Cheesecake中間呈現半流心，芝士味香濃而且質感幼滑，好食🤤----------------------------Earl Grey Yuen Yeung $48好特別嘅一道飲品，茶香同咖啡味balance得幾好，值得一試。

這間新開的樓上咖啡店位於銅鑼灣，主打西式料理，店內牆身以純白色為主，窗邊更能欣賞到附近的樓景。 午市時段設有五款套餐，可以優惠價加配飲品或甜品，不設服務費。 餐湯 是日為粟米忌廉湯，香甜的粟米有著綿順的口感。 慢煮安格斯封門柳&溫泉蛋配香蔥橄欖油扁意粉 - $132 封門柳脂肪不多但肉味濃，慢煮保留最大程度的肉汁，薄切的口感更加細嫩；煙韌彈牙的意粉掛著清新的香蔥橄欖油，可轉更輕盈的沙律；滑溜的溫泉蛋流出濃濃蛋汁。 牛油南瓜雞肉意大利飯 - $90 粒粒分明飽滿的意大利飯煙韌彈牙，吸滿香甜的鮮南瓜汁，帶微微的牛油香；一粒粒慢煮雞胸肉嫩滑而不乾柴。 Hot Latte +$28 豐盈而綿密的泡沫好順滑，微微的果酸甜感突出，帶微微茶感；洋蔥拉花圖案很精緻。

餐廳：Groovy地點：銅鑼灣富明街（時代廣場附近舊樓）菜式：樓上Cafe餐牌：星期六都有午市套餐，主菜5選1，隨餐附送是日濃湯，無加一。加飲品或甜品原價減$10。都可以加小食或者沙律。飲品除左咖啡，都有非咖啡類飲品。慢煮安格斯封門柳&溫泉蛋配香蔥橄欖油扁意粉 $132慢煮安格斯封門柳&溫泉蛋配香蔥橄欖油扁意粉賣相一流，12片慢煮安格斯封門柳圍邊係面，食落又嫩又重牛味，超正，好高質！真係唔洗多餘醬汁。中間一隻溫泉蛋，可以撈香蔥橄欖油扁意粉，一齊食更滑，意粉味道清淡，帶微微辣，而口感合格。面頭碟邊都撒滿香草。意粉可以轉沙律。慢煮蕃茄手撕牛溫泉蛋扁意粉 $85 慢煮蕃茄手撕牛溫泉蛋扁意粉賣相不錯。扁意粉上面係滿滿手撕牛，加上蔥花，中間加一隻溫泉蛋伴有車厘茄一粒開四。先整穿隻溫泉蛋，撈埋意粉食更滑溜，意粉質感算al dente，手撕牛肉都好嫩，味道唔錯，係肉醬意粉醬汁味。是日濃湯係粟米湯，同主菜一齊上。粟米湯細細碗，甜甜地，夠濃厚，味道唔錯。Earl Grey Panna Cotta 加$22Earl Grey Panna Cotta好厚身，質感有彈性，甜度適中。面頭居然有一球加左朱古力醬既

今日就帶大家去到銅鑼灣，同大家介紹呢間樓上Cafe。Groovy位於銅鑼灣嘅中心地帶，窗外可以望到波斯富街，對面就已經係利舞臺廣場，過嚟食野夠哂方便！雖然店內唔算好大，但係環境都幾舒服😌，俾人一種好溫馨嘅感覺！今次我就試左呢一款擺盤好靚既「封門柳&溫泉蛋配香蔥橄欖油扁意粉🍝」。封門牛柳擺到一朵花咁，睇落好精緻。牛肉非常粉嫩，因為經過慢煮，所以食落依然好嫩口。本身以為落左橄欖油會好油膩，但食完唔油，反而配埋香蔥🌿食落幾清新👍🏻。溫泉蛋煮到剛剛好😊，輕輕一畀，蛋汁就慢慢流出嚟，配埋意粉一齊食更香🙂。今日套餐附送嘅係薯仔忌廉湯，飲落幾creamy🙂。甜品方面我就試咗店員都推介嘅Tiramisu，食落幾香滑，浸過咖啡酒既手指餅食落好香，層次豐富。整體嚟講，呢度坐得舒服😌。嘢食唔錯而且收費合理，大家嚟銅鑼灣不妨嚟試吓～