阿久根和牛拉麵屋

Open Now

Now Closed

🐥 慢煮薩摩雞·濃厚雞白湯拉麵 HK$90第一次食白湯嘅拉麵，佢白湯感覺有啲似忌廉湯，味道唔會好鹹。個雞肉煮得好滑。 .🐂 慢煮A4和牛· 濃蝦湯沾麵 HK$138睇相佢入邊肉好似好生咁，唔會流血水個隻，所以接受到，而且更加食到肉嘅味道。沾麵湯通常都好鹹，不過佢唔會好似平時啲沾麵湯咁得個鹹字，係濃蝦湯， 佢個蝦嘅味道都好重。 沾麵相對拉麵粗身少少，所以會飽肚啲咁。.🥟 沖繩苦瓜餃子 HK$48 / 4件個人平時其實好抗拒苦瓜，但朋友食所以試下，一開始食其實一啲都唔苦，不過佢嘅苦味係後到。🤪 食第二舊個陣就習慣咗啦。 .🍫 北海道香蕉朱古力脆餅 HK$28類似薯餅咁不過入面唔係薯仔，而係香蕉溶，中間有少啊朱古力醬，都幾特別。

旺角家樂坊附近有好多好嘢食，今次去食嘅餐廳係位於廣華街嘅阿久根和牛拉麵屋😋🍜 食物方面，阿久根和牛拉麵屋就有別於其他拉麵店，佢地捨棄傳統嘅豬骨湯底，主推濃厚雞白湯同濃蝦湯🐔🦐我地叫左慢煮薩摩雞·濃厚雞白湯拉麵同灸燒豚肉·濃蝦湯拉麵🍜兩個湯底都好好，尤其係濃厚雞白湯，雞味十分濃厚，一面飲湯、一面食軟硬適中嘅拉麵，一流！蝦湯味道濃得黎唔會咸，就算食哂成碗都唔會口渴同膩👍🏻另外值得一讚係啲餸，慢煮薩摩雞肉嫩多汁，灸燒豚肉香得黎唔會膩，啖啖肉，正！慢煮A4和牛都係呢間餐廳嘅賣點之⼀，我當然都有食啦！佢地採用嘅係宮崎牛，塊牛肉油香好重而且入口即溶🐮 如果鍾意食苦瓜嘅朋友，記住試埋佢地嘅沖繩苦瓜餃子，味道甘甘地，幾特別❤️

鼎爺兒子李泳豪所開既拉麵店，之前開和牛立燒店，依家再開拉麵店，主打和牛沾麵、雞白湯拉麵，價錢亦唔算貴。環境位於旺角美食區「煙廠街」門面比較少，好易錯過入口，不過門口有幅比大家掛心願既牆。店內座位亦唔多，約十餘個，係小店面積同設計，而落單方面係選用機器自行購買，中午時分未有沾麵供應，要晚上先有，咁就試佢地既拉麵。北海道香蕉朱古力脆餅 $28本身想試苦瓜餃子，但好早就售罄！試下香蕉朱古力脆餅，食落唔太甜，又帶香蕉味，都幾match。灸燒豚肉·濃蝦湯拉麵 $80另外加左慢煮A4和牛一片($45)，豚肉燒得好靚仔，仲有成三片，肉質十分鬆軟且帶少許肥膏，高質豚肉，而A4和牛屬薄切，但肉味都頗濃。至於濃蝦湯唔油膩，帶微微蝦味，較重口味岩我！慢煮薩摩雞·濃厚雞白湯拉麵 $90湯頭十分雪白，一呷好濃郁而且帶雞既鮮味！有啲似卡邦尼但冇咁稠，雞肉滑身帶黑椒香味，同樣濃郁，同蝦湯一樣咁好食。總括而言，店舖雖小，菜單選擇亦唔算多，但麻雀雖小，五臟俱全，湯底係比較岩我呢啲重口味既人，但又一啲都唔油膩，味道中上水平，肉類都處理得不錯，係旺角區多一間食拉麵既選擇。