Amici (Closed)

呢度環境好幽靜，燈光柔和，雖然地方唔太大，但都佈置得幾有情調，好適合情侶黎。可以散叫，但我地最後都係揀左winter set，d菜式吸引得黎，加$220仲有支紅/白酒南瓜味非常濃郁，而且個湯好creamy！番茄牛油果蝦沙律 - 自從食過牛油果之後就返唔到轉頭，真係好愛牛油果入口即溶既感覺。蝦身又夠爽口彈牙，加埋一齊口感豐富。慢煮牛柳及蟹肉配蛋黃香草汁 - 因爲用低溫慢煮既方法煮塊牛柳，所以仲保持到肉質好嫩滑。蟹肉為成個菜式帶來清新既口味，味道鮮甜，仲有少少既海水味，非常新鮮。慢煮西班牙黑毛豬鞍配松露燒汁 -  黑毛豬同樣地都係以低溫慢煮既方法烹調，所以肉質仍然保持到好嫩滑，而且肉質甘香，仲有唔少肉汁。個松露燒汁非常出色，比點！伯爵茶曲奇妙趣芝士餅 - 有淡淡既伯爵茶味道，而且咬落去口感好滑。清香既茶味仲可以中和返芝士本身略嫌飽滯既感覺。總括而言，食物環境同服務質素都非常好。環境真係一流，非常寧靜，好適合情侶或者小型朋友聚會談心。

為了舒緩工作的壓力，今次要食好D。找間比較高質素的餐廳，享受一下。在友人介紹下，便訂這間餐廳晚餐。在中環地區，感覺都較高尚 ^_<搭 lift，門一開，就是餐廳，非常善用空間。這裡不算大，但每張枱之間都寬敞，感覺不太壓迫。在等候友人之際，欣賞這間餐廳的佈置，非常有心思。不論桌椅，周圍的佈置及裝飾，都讓我們感覺到很舒適，很有情調。與店員傾談，才得知七月才開業，但已不斷聽到他們接訂枱的電話！我們點了 "Dinner Set"，前菜是「香煎帶子配牛油果青瓜沙律」、主菜是「香煎白龍蝦仔龍蝦汁意粉」及「慢煮西班牙黑毛豬鞍配松露燒汁」。點菜完，店員隨即奉上暖暖的軟麵包和脆餅配黑醋橄欖油。軟麵包鬆軟，配上黑醋橄欖油，很滋味。脆餅有蒜香味，味道不錯。粟米湯很甜，味道濃郁！香煎帶子配牛油果青瓜沙律，煎香了的帶子，配新鮮的蔬菜、青瓜及牛油果，仲有特別的醬汁，非常特別的配搭，很清新 香煎白龍蝦仔龍蝦汁意粉，都有頗多的龍蝦肉，配上很重味的龍蝦汁，味道不錯！慢煮西班牙黑毛豬鞍配松露燒汁，肉質嫩滑，味道較淡，配上松露燒汁，才恰到好處。法式焦糖燉蛋，盛載這甜品的「碗子」都很有心思，可令甜品仍暖暖的。焦糖又香

今日同爸爸嚟咗中環行街，想食好啲所以就去咗Stanley 11睇吓。見到有間新開嘅西餐廳開咗係8樓，所以就無啦啦上咗去試吓。上到去真係嚇親，裝修非常靚，係而家好流行嘅雲石枱。未食已經比個裝修吸引， 環境超級有藝術氣息。一坐低就即刻為張枱影咗相，因為啲雲石紋真係好靚。首先佢會先送上蛋糕同餅乾條，聞落去好香，不過就略嫌乾身。我哋叫咗個set dinner套餐，前菜係自製香橙三文魚配忌廉芝士，味道好夾，好開胃！🍊第一次食到咁樣嘅配搭，香橙味帶甜，而且回甘，配合三文魚嘅鮮味，味道更出。另外忌廉芝士好滑身，唔錯唔錯！餐湯就選擇左忌廉南瓜湯，南瓜湯好滑，加上忌廉令佢口感更加creamy，另外飲嗰時都食到啲南瓜蓉喺裏面，的確真材實料。主菜亦可選擇意粉，慢煮黑毛豬，安格斯牛扒等等。🍖我哋叫咗慢煮西班牙黑毛豬鞍配松露燒汁，份量好大份，足夠兩個人食。松露味好重，配上黑毛豬令到肉味更加濃郁，慢煮令到個豬鞍仍然保持粉嫩顏色，更加有口感。另外都有啲炒雜菇係旁邊，可以清一清油膩感。另外都叫咗個辣海蜆意粉，好爽滑嘅意粉配上新鮮海蜆，好鮮味，加上有少少辣，令佢更加惹味。如果分量多啲就更好，因為真係會一啖接住一啖。餐飲