Casa Di Luna (Closed)

銅鑼灣鬧市中心，在駱克道美食大廈駱克駅高層，有一間以月球做主題的西餐廳。餐廳地方不算太大，整齊闊落。天花吊滿美美的月球燈佈置，牆身有太空人掛畫，投影電視播著月球漫步的場景，貼題有心思。.晚市以供應套餐為主，一人餐每位 $328 已經包括頭盤、餐湯、主菜、甜品及飲品。.✿ 白酒忌廉汁煮青口前菜挑選了忌廉汁青口，一客三隻的青口肥美多肉，白酒忌廉汁香滑。另外還附上一片香脆的蒜香麵包，掛一點白汁享用非常惹味。.✿ 龍蝦湯龍蝦湯上檯時熱辣辣，口感柔滑，龍蝦味香濃。屬於有質素的餐湯。.✿ 炸軟殼蟹白松露意大利麵以炸軟殼蟹配搭意粉不算常見，這客軟殼蟹炸得剛好口感鬆脆。白汁意大粉比想像中濃稠，但濃而不膩，松露油香配上野菌的份量也滿慷慨。.✿ 慢煮豬鞍配蜜桃汁豬鞍經慢煮後肉質嫩滑，一切即開。豬鞍的份量很大，配上蜜桃汁再加上經調味的薯蓉和蔬菜，是很有份量的一客主食。.✿ ᴄᴀꜱᴀ ᴅɪ ʟᴜɴᴀ 提拉米蘇這裡的招牌甜品，以月球波波狀的器皿放著ᴛɪʀᴀᴍɪꜱᴜ。ᴛɪʀᴀᴍɪꜱᴜ 的出場率很高，賣相一流。口感是濕潤軟滑型，咖啡味濃。甜品的份量很大，滿滿的一球，足夠二人分享。.不專業食評nei.foodie

前排為食貓見到好多人都去咗呢間以月球為主題嘅餐廳，我已經♥️思思想去❣️不過一直都未有時間，但今日終於去到啦🥰為食貓覺得現場去比睇相更有驚喜環境餐廳位於駱克駅26樓，一般人都未必會識上去（包括為食貓😂）而佢嘅裝修好有情調，個環境暗暗哋咁，加埋d 霓虹燈同埋月球🌕燈，真係好有氣氛，好啱情侶嚟談心💖加上呢度好闊落，一d壓迫感都無，坐得好舒服😌食物餐廳只提供幾款set dinner（$328 x 20% off per person)，雖然選擇唔多，但餐廳由前菜到甜品都整得好有心思，好高質👅蟹肉牛油果他他（前菜）D牛油果🥑鋪滿晒係d咸咸地嘅蟹肉上去，作為一個前菜嚟講，真係好開胃，非常唔錯龍蝦湯🦞個龍蝦湯雖然唔係太creamy，但用料十足，重好有龍蝦味👍🏾個湯係用淆碎咗嘅龍蝦嚟整，裏面有一粒粒嘅龍蝦碎，口感好特別，而且重辣辣地，好得意😋虎蝦配龍蝦汁意大利面同樣地，呢個龍蝦汁又濃又酸酸地又蒜蒜地，加上d硬硬地嘅意粉，同埋好大隻又夠彈牙嘅虎蝦，認真唔錯😽慢煮豬鞍配蜜桃🍑汁本身個豬鞍上嚟嘅時候，為食貓覺得平平無奇，同埋好似會好韌😷但點知……食落係另一回事🤣估唔到佢可以整得咁林，本身為食貓唔係咁鍾意食咁大

聽朋友話係銅鑼灣有間以月亮為主題既高質意大利餐廳，身為天文、太空粉絲既我今日終於有機會去啦！餐廳裝修好用心，到處都係打卡位。到門口首先映入眼簾係投影係牆上嘅太空人影象，一個太空人係月球上個望住地球🌍行路，營造出身處浩瀚宇宙嘅氣氛。入坐後抬頭就見到超多月亮，有大有細、有光有暗，店員仲提我哋當太陽完全落山之後，配合偌大玻璃窗嘅倒影效果更靚更迷人！Dinner menu每位$328，包前菜、湯、主菜、甜品同餐飲。Appetizer可以三選一，蟹肉牛油果他他造型好靚，鮮甜蟹肉搭配香滑牛油果，上面嘅車厘茄增添左清新，如果有更多就好啦！另一款就揀咗白酒忌廉煮青口，青口幾大隻，個汁超creamy超濃超香，蘸蒜香法包好夾！主菜選擇幾多，我哋今日就揀咗兩款肉，慢煮豬鞍配蜜桃汁、封門牛柳配野菌燒汁，前者咬落好軟嫩，肥瘦均勻，而我最愛嘅封門牛柳果然無令我失望，外皮微焦香，入面嘅熟度超完美，軟腍又肉味濃郁！薯蓉幾香滑，入面仲有細細薯粒增加口感，而作為配菜既甘筍、露筍稍微燙過再煎香，唔會太硬。必點打卡甜品Casa di Luna提拉米蘇，以月球造型上枱，打開就會見到滿滿可可粉，chesse好滑身，中間係浸過咖啡

呢間餐廳既月亮主題好強烈一入到去右邊牆身已經有太空人登月球既短片播放天花板吊左好多大大少少既月亮掛飾店內仲掛左兩張大畫: 一張係梵高經典名作:「星夜」; 一張係一位太空人坐係一個石上觀視太空一面牆上, 有霓虹燈組成既一句:  "Shoot for the moon. Even if you miss, you'll land among the stars." by Les Brown 而店主更將月亮的主題融入餐具中有啞黑色既圓碟, 而且有少少凹凸不平, 營造似月球的表面我地點既一個甜品, 更加係用「月球」去盛載用既叉同匙羹, 都印有佢地既店名, 有質量既手感環境配合餐具, 店家真係花左唔少心思, 希望俾食客體驗一個「登月」既晚上Dinner set $328 each 包 appetizer + soup + main course + dessert + drink ➽appetizer :蟹肉牛油果他他 呢個前菜既份量都比得幾大方成個他他都好多真係食得出啖啖都係蟹肉配埋牛油果, 係好食既味道係清, 好食➽soup: 龍蝦湯湯一放落黎, 已經嗅到幾香入口幾濃郁但唔會太CREAMY,

呢間餐廳以月球為主題，主打高質意大利菜🇮🇹🌕月亮主題精緻意式二人晚餐 ($600)💗蟹肉牛油果他他上層為牛油果蓉，口感軟滑細膩🥑下層為蟹肉沙律，鮮甜開胃🦀💗香煎鴨肝配青蘋果黑醋汁法國鴨肝煎至外層微脆，內𥚃軟嫩甘香，油脂齒頰留香，入口即化🦆佐以青蘋果黑醋汁中和油膩感🍏最後配上香脆多士🥖💗封門牛柳配野菌燒汁封門牛柳煎至完美五成熟，內裡色澤呈粉嫩，肉質軟腍鬆化，牛味特別濃郁，蘸上野菌燒汁提升風味🥩底層薯蓉幼滑香綿，牛油味香濃，佐以幼嫩露荀🥔💗慢煮豬鞍配蜜桃汁帶骨豬鞍頗厚切，經慢煮後再煎至表面焦香，肉質嫩滑多汁，香草醃料非常入味，蘸上蜜桃汁增添一份香甜🐖配菜同樣有薯蓉同露荀🎍💗朱古力心太軟心太軟即叫即焗，外層蛋糕微脆鬆軟，一切開有大量朱古力漿流心，味道濃郁，甜而不膩🍫配以呍呢嗱雪糕，味道冷熱交融🍨💗Little Pink Lady (+$20)由西柚汁、蘋果汁同梳打水調配而成，西柚嘅酸甜味較突出🍊💗Casa Di Luna Breeze (+$20)由葡萄、荔枝同梳打水調配而成，飲落有d似巨峰提子汽水🍇

小弟就好少寫食評，對上一次寫食評應該係10年。之前好食唔好食我都唔會寫，只係心入面有個分數就算，至於點解會寫呢一間，原因好簡單因為呢一間我覺得係銅鑼灣入面可以贏到好多間餐廳。環境靚就唔再講，食物都非常之好食，價錢仲唔貴，如果咁都唔推介一下，真係對唔住自己。因為本人係銅鑼灣返工所以想大家支持一下呢間餐廳，大家都明白宜家要防疫令到好多餐廳都難以生存，所以希望大家可以去支持下呢間小店，可以繼續為香港人服務。介紹一下餐廳先，餐廳叫CASA DI LUNA 意思係月亮之家，負責人表示想大家黎到食飯好似可以有家的感覺，所以價錢方面都比較親民。本人覺得呢個一理。到介紹食物方面都係左幾多，因為初初見佢價錢咁平，又係咁高層以為份量應該係好小。點知原來真係咁抵食慢煮雞胸溫泉蛋凱撒沙律 4 粒星 $88其實都係基本凱撒沙律，唯一原足係蛋有小小夠熟唔夠流心。龍蝦湯 4.5粒星 $ 88龍蝦湯飲落都好順滑，味道夠晒濃，應該用重龍蝦料。蟹肉南瓜RISOTTO 5粒星 $118呢個見餐牌係推介所以叫左，蟹人都好多夾埋個南瓜汁，本人覺得南瓜底夾埋個蟹肉提升左成個RISOTTO 既層次。炸軟殼蟹白松露意大利麵 5粒星