Lab Eat Bistro (豉油街) (Closed)

/𝑳𝒂𝒃 𝑬𝒂𝒕 𝑩𝒊𝒔𝒕𝒓𝒐 🇭🇰/#sa旺角篇 ➖➖➖<鬧市裏工業風西式餐廳🍴多款🐮部位>➖➖➖店舖正正位於旺角嘅中心點 人流都幾多 附近都有唔少選擇～如果想揾中價位 環境好少少嘅地方呢度都幾適合 一大班人去食都得 樓高三層 座位都多 其實都坐得有少迫 環境偏昏暗 但勝在食物選擇都幾多 而且部分都係頗有特色嘅fusion 料理😙➖➖➖1️⃣乜蟹都有 $108 係蟹肉salad 黎 可以share 🫶🏻裏面有絲絲蟹肉同蟹籽 份量多 啖啖肉🥰用左紅蟹同麵包蟹蟹肉 咁多肉的確幾豐富！ ➖➖➖2️⃣火炙長臂蝦海膽醬櫻花蝦意大利飯 $248 個汁都幾creamy幾濃郁 每啖飯都食到🫶🏻長臂蝦呈透明 印象中係半生熟狀態 幾新鮮 如果再彈牙啲就好 櫻花蝦稍為俾個汁搶fo 唔太覺 ➖➖➖3️⃣慢煮24小時美國穀飼牛小排 (20oz) $388🌟 有多款牛部位 例如:牛腰、牛板翼等 今次牛小排用慢煮方式肉質軟腍😆肉色都夠嫩紅 熟度剛好 另外可以自選醬汁紅酒/香草牛油/阿根廷香草醬🫶🏻 要左最後嗰款！可以另加$48 要配菜 要左牛油炒鮮菌😙➖➖➖4️⃣Sparkling iced tea 有氣檸檬茶

又係食好西的時候，今日同朋友揀咗間喺旺角鬧市環境超正超大的西餐廳，賀一賀佢搵工成功，恭喜恭喜。在大街已經見到好大個招牌，門面喺地舖要上一層，面積超大，坐得寬躺舒服，而且裝修時尚，充滿氣氛浪漫。由Menu至裝修都好有風格。先上特飲我叫咗杯熱帶陽光，最主要有熱情果同菠蘿，酸酸甜甜好開胃。朋友嗌咗杯柚子盛放，都大鑊好評。賣相超靚打卡一流。鵝肝二重奏招牌鵝肝燉蛋加香煎鵝肝多士，一次過嘆兩樣，先食鵝肝燉蛋，整體感覺鹹鹹地甜甜地，本身燉蛋的甜味添了一份鵝肝口感，都幾特別。鵝肝香滑厚實，唔會油脂過多肥淋淋，配多士非常夾。火焰長臂蝦海膽醬櫻花蝦意大利飯賣相獨特，大大隻長臂蝦放在金黃色的意大利飯中間，非常搶眼，長臂蝦係刺身級數加火焰燒過，肉質鮮甜爽口。之所以意大利飯呈金黃色係因為加左海膽同櫻花蝦，食到櫻花碎碎，色香味俱全。慢煮24小時美國穀飼牛小排分量十足，迷你版牛小排經過廿四小時慢煮，肉質軟腍而且肉味鮮甜，我揀咗香蒜牛油做醬汁調味。特色配菜我揀咗法式洋蔥炒薯角，好野味。懷舊糖蔥餅拿破崙千層酥非常特別的配搭，中西合璧crossover 糖蔥餅放在拿破崙的中層，脆脆地甜甜地加添了一份獨特的口感。

餐廳環境充滿工業復古風格，樓高3層座位闊落有空間感，食物款式主打港式+西式fusion，菜式特別✨鵝肝二重奏二重奏包括左鵝肝多士同埋招牌鵝肝燉蛋法國鵝肝厚身， 煎得外脆內軟鎖住鵝油的香味鵝肝法式燉蛋最有驚喜，口感同平時creme brulee一樣，表面好脆，入面軟綿綿，好重蛋味，但係味道可以到保留鵝肝既濃香味，特別中意個鵝肝燉蛋配搭多士，多士脆口帶少少甜味， 更加襯托出燉蛋既香味✨香煎盲鰽魚柳盲鰽魚柳好嫩滑，魚皮煎得香脆可口，用摩洛哥香草醬突出魚味鮮甜特別一讚配菜小蕃茄好juicy，每粒好飽滿多汁，表面煎過好香甜✨慢煮24小時美國穀飼牛小排menu寫無迷你版但係份量一d都唔mini，足足20安士，牛小排好厚切，但係意想不到牛肉質非常嫩滑，經過慢煮好冧好入味，切開見到牛小排油脂分布均勻，食落肥瘦適中底下配襯既薯蓉好重牛油味，又綿又滑，加埋炒野菌非常豐富