安平燒肉

Open Now

Now Closed

幾年前剛開業就已經有幫襯，當時真係多人到怕，不設訂位要一早黎拎籌。事過境遷過咗幾年終於冇咁多人，襯假日中午就來食個午餐放題。好好彩因為我哋早到，唔使等位就有得入座，仲俾咗一個四人枱我哋，兩個人坐得非常鬆動，自然食得都開心食物都好味啲😂。佢嘅質素我覺得比起幾年前係有進步到。呢間嘢嘅賣點係有好多不同嘅台式小食，以前記得好多嘢上枱都係凍嘅，但佢而家有進步，啲嘢仲係熱辣辣，比印象中係進步咗好多。佢依然係有四個Level我哋揀咗Level3，有扇貝同埋虎蝦，牛亦都多咗好多款（例如有安格斯牛小排，美國SRF極黑牛，三角牛肩肉），淨係食呢幾樣都已經夠。虎蝦好大隻燒起上嚟好好肉勁好食。扇貝亦都係勁大隻加埋啲牛油真係香噴噴又啖啖肉，對於鍾意食海鮮嘅我來講，真係啱晒口味，前前後後我食咗十幾隻虎蝦同扇貝😂講返啲牛肉，我覺得最好食係三角牛肩肉同埋安格斯牛小排，又係encore左好多次。肉質鮮甜有牛味，而且都仲好柔嫩，厚薄亦都適中。

上次食過安平燒肉覺得唔錯見朋友話無試過就平日夜晩帶佢嚟試吓今次都係揀咗最貴嘅澳洲M5和牛吃到飽依度既放題係限時120分鐘揀得依個Set 就梗係食佢既澳洲M5和牛依然Keep到水準夠軟腍同油香而虎蝦同扇貝都係任食食落都幾新鮮，唔錯而餐廳仲送左一碟牛舌芯食落比一般牛舌厚實仲有提供唔少既台灣小食鹽酥雞同燒雞泡魚乾味道都唔錯而台灣腸同煙鴨胸都幾出色仲有新出既鹽蒜麻油和牛柳食落夠腍又惹味最有驚喜估唔到係雞腿肉燒到外脆內軟完全無雪味埋單前職員會比你揀埋甜品分別係哈根大師雪糕或者自家製芋圓仙草我同朋友都揀左芋圓連我朋友平時唔食台式甜品都覺得幾好食整體食物Keep 到水準，值得再試

又一間一直想試既任食燒肉，係牛大人既姊妹分店，都好有諗頭，一邊線做任食火鍋，一邊線做任食燒肉，滿足唔同人所需！ 澳洲M5和牛吃到飽    $358起有唔同價位嘅任食，我哋揀咗最高級呢一款M5和牛！ 自助區有蔬菜、自調櫻花蝦拌飯及飲品，飲品區。搵到牛大人嘅踪影，最受歡迎嘅自家製冷泡菜呢到都搵到，仲有蕎麥同玄米茶添！ 燒肉多達81款食物，重點係啲野食高質！先講主角澳洲M5和牛，紋路清晰，顏色鮮紅，最欣賞係佢每款牛都會放張紙係上面知道係咩肉。先試澳洲M5和牛，牛味極濃，油脂感都好重。而家安格斯牛小排，肥瘦均勻啲。而牛肋條食落去係油脂咁最重嗰一隻肉。強烈建議大家兩個都要試勻晒。雞肉事前醃得好入味，不過就要小心啲好易燒燶。而海鮮方面，蝦同扇貝都好夠份量，蝦肉好彈牙，扇貝encore左幾次！ 蔬菜蔬菜區放哂會喺雪櫃對面自取，呢樣比較好，始終想食幾多就自己拎，款式選擇都好大路，香港人最鍾意食嗰幾樣都齊哂。呢度用中火慢慢燒，就啱啱好啦。 甜品甜品四款揀一款，強烈大家揀芋圓，一嚟佢係限定，二來碗芋圓係高質！

捉緊禁晚市堂食嘅尾巴，趁禁晚上堂食令前食盡佢🥲 「安平燒肉」真係令人急不及待想試呀牛部位多到要用唔少時間試一輪🥩👀，質素仍然屬高水準，其他種類選擇都好多呀 ，我就講幾樣令我印象深刻啲既先：牛板腱：🥰油花少但分佈均勻，肉質軟嫩中帶有彈性，中間透明的嫩筋口感Q彈有層次極黑牛肩胛：✊比其他種類偏向少脂肪，肉質比較實，記住唔好太耐時間呀安格斯牛小排：肉質偏實啲，但油花比較多，有油香且不韌😉除咗點左唔同種類嘅牛之外，套餐包晒所有食物，海鮮都可以任食雞泡魚乾 🤤好好好味，放上爐烤1分鐘內，點少少沙律醬食，又脆又香口！ 燒帆立貝 👍大大隻嘅帆立貝，放上爐燒真係原汁原味，啲水分唔會流失，又唔驚overcooked 最後我一個人都已經食咗四隻啦去到最後食肉都飽飽喇，都要食埋哈根大師嘅雪糕呀好滿足😍等我下次等禁令過左再約fd食過先🎊