火五越式牛肉粉專門店 (華生樓) (Closed)

🌕Hello我係Moon🌕近排天氣忽冷忽熱，真係胃口大減，要食返啲酸酸辣辣嘅嘢開胃先得！😏越南嘢食就啱晒我，😙咁啱我同朋友之前都有食過依度嘅堂食，覺得唔錯！😝今次我哋決定外賣🥡，估唔到質素都冇差到！😎前菜嘅部份先嚟一個火五特色鳳爪，😆其實之前都已經好想試吓㗎喇！😌今次終於有機會食到，冇骨嘅鳳爪食落真係好方便！😙酸酸辣辣嘅味道，😝仲有啲冰涼嘅感覺，😜爽脆嘅口感整體口感都好豐富！🤓手作挪威煙三文魚米紙卷，😏食越南嘢又點可以錯過米紙卷？😛今次就揀咗卷煙三文魚，見到佢仲有其他選擇，☺️下次試吓先！😌依個煙三文魚，份量都足夠，🤓仲有好香嘅魚油味！😎主食方面我哋淨係要咗香茅美國黑毛豬扒撈檬，😇因為我哋夜晚仲要出去食飯，😝依家嘆下午茶開開胃！🤪撈檬酸酸辣辣，仲有甜味，整體嚟講都好開胃！😚香茅美國黑毛豬扒唔會太硬，而且香茅嘅味道都好入味！😍小食嘅部份就嗌咗特色雞翼，😝即叫即炸咬落去，仲係好香口！😚食咗咁多肉，😏食返個蠔油唐生菜清一清都幾好！🤭🌕最後MoonMoon都幾滿意呢間越南菜餐廳，因為佢哋嘅嘢食性價比高，而且選擇到幾多，下次外賣食埋其他先！🌕火五越式牛肉粉專門店 (華生樓) (太子)太子界限街14

天氣開始轉涼，想食返啲湯麵類食物。好耐冇食越式嘢，門口問到個牛肉湯好香就決定食佢。叫左兩個主食，兩個小食同一杯嘢飲火車頭牛肉檬粉 $68超大碗 感覺有個半面底， 女仔叫埋小食share絕對夠飽。 裏面有扎肉，生牛肉，牛腩，牛筋，牛丸。牛丸彈牙，咬落去爆汁。 生牛肉同扎肉正常。 牛腩同牛筋煮得軟淋。 好鍾意洋蔥香草嘅香味，食越式嘢絕對唔可以缺少🤩香茅雞翼 $22炸得唔錯， 唔會好乾，仲keep到裏面有汁。手作挪威煙三文魚米紙卷 $48第一次食煙三文魚fusion越南菜又幾特別，出奇地夾。 成度菜好fresh中和返食炸雞翼嘅油膩感。炭燒鰻魚飯 $48呢個價錢食到碗鰻魚飯好抵醬汁足夠撈飯，鰻魚都算大條。欣賞佢仲會加堅魚碎， 另賣相加分。荔枝梳打

話說喺Office用外賣App搵嘢食，周不時會見到「火五越式牛肉粉專門店」，而且折扣優惠仲好高，我已經心動多時💕。呢日終於食咗，不過係堂食，哈哈。餐廳環境正正常常，店舖中間有幾張枱係專執外賣🥡，因為訂單真係多到一個點！每張枱都放有調味架，辣椒、辣醬、魚露等通通有齊，食越南菜必備！火五火車頭牛肉粉($62)，🚂火車頭配料包括生牛肉、熟牛肉、牛丸以及扎肉。由於湯底夠熱，嚟到嘅生牛肉已經熟咗；熟牛肉本身就係牛腩，夾埋牛丸，全部都係牛🐮；當然仲有兩片扎肉。湯底唔油兼冇味精，不過可以濃味啲啲🍜。火車頭可揀河粉或者檬粉，我哋要咗後者。最吸引嘅地方係呢度嗌多粉免費，咁就唔使驚食唔飽。所以我哋一齊食一碗粉Share，再加多幾款小食🙈。手作挪威煙三文魚米紙卷(6件)($48)，米紙卷其實都好飽肚。米紙卷有四款口味，我哋揀咗煙三文魚，感覺好Fusion，組合出奇地幾夾😗。除咗三文魚外，米紙卷入面亦包住酸蘿蔔絲同菜，所以外皮煙韌，內裏爽脆。意大利黑醋汁蒜蓉牛油雞翼(5件)($38)，菜名嘅頭部份，即係黑醋汁，主要係淋上面。🍗而主角雞翼先係令我一試愛上嘅原因，因為炸衣夠薄又夠酥脆，而且帶有牛油香，第度食唔到依

今次食到落嚟太子啦！太子多嘢食個個都知，最近有間新開無耐嘅越式餐廳，上次行過見到好光猛好多人食咁，今日遲放工大概九點先放工去到，都仲有人食！就決定入去坐吓啦！睇一睇個Menu：哇！啲嘢咁抵食嘅！平均啲嘢都係30零$40，貴少少先60幾蚊。所以我哋兩個人都瘋狂叫咗六樣嘢食+2杯嘢飲。坐低就見到佢哋好獨特嘅醬汁架，每一樽都寫咗個醬汁嘅名，老闆話原來呢啲醬汁係佢哋自製嘅越式醬汁，叫我地一定要試！橙紅色呢個係越式辣醬，另外仲有越式海鮮醬！⭐️法式咖喱牛腩撈檬 $48我哋見平時好少有越式餐廳會有咖喱撈檬，所以我哋一於試一試！嚟到真係嚇一嚇，超大份量！老闆仲叫我地要落佢哋秘製汁。佢哋嘅醬汁入邊真係好足料，好多好多辣椒同埋香料喺入面。酸酸甜甜非常開胃，而且佢哋嘅咖喱係用法式煮法，入邊仲有啲好軟熟嘅牛筋牛腩肉。⭐️黃金脆魚皮 $32⭐️手工挪威三文魚米紙卷 $48賣相非常靚呀！材料分明，煙三文魚，粉絲，蔬菜，卷得好實淨，仲配埋醬汁好好食好開胃。⭐️香茅美國黑毛豬油香飯 $56⭐️牛油雞翼 $38雞翼一定要讚一讚！個皮炸到好香脆！配埋青檸汁中和返個油膩感。我想講嘅係$38有五隻雞翼好抵呀。⭐️炸軟殼蟹青木瓜絲沙律