程班長台灣美食 (Closed)

剛好來荔枝角，終於有機會在程班長離開香港前一試，雖然真的很多人，但翻桌率很高，通常不用等太久便可以入座，大部分的員工也是講國語的，感覺像去了台灣般🥣 手工滷肉飯 $33味道濃郁，滷肉的肉粒比較大粒，醬汁很送飯，裡面還有 青瓜，有點解膩🌯 玉米起司蛋捲餅 $36當然不是我們在台灣吃的蛋餅，只是手抓餅上加上材料，玉米很爽脆，水牛芝士流心但味道不重，總的來說很普通🧋 冬瓜茶 +$10從來都很喜歡甜甜的冬瓜茶，這杯也讓我沒失望，很容易飲完一杯

疫情下大家都飽受無得出國既痛苦😞，偶爾會憶起一啲異國美食，試圖係香港哩片彈丸之地尋找熟識又陌生既味道。成日聽朋友介紹哩間台灣菜🇹🇼，今日經過附近做野，一於去試下睇下重唔重拾到啲台灣風味。一入到餐廳，操流利台式國語既侍應就招呼入座，又好似幾好風味，試埋食物先再講😛。手工滷肉飯 $33同台灣一樣用左偏肥既腩肉🐷，但就切得比較大粒。滷肉咸甜適中，脂肪既位置淋到就黎入口即溶。半隻滷蛋🥚唔算好入味，而且食開左流心蛋，忽然唔係好慣食咁熟既全熟蛋，熟到蛋白有啲實，不過粉粉既蛋黃撈埋飯🍚食都唔錯。仙草芋圓 $30一碗唔係好夠透心涼既甜品，雖然佢有少量冰底🍧，但溶得太快，而且其他材料都係室溫，食落成碗都係室溫黎🌡。材料方面，全部都不過不失，芋圓唔係特別出色，食唔太出佢地既味道😥。我覺得如果經過係可以試下既，都有台灣既味道，但就唔好期望太大🤭。

滷肉飯有兩種一種係比較瘦嘅肉燥飯另一種係比較肥嘅滷肉飯而我地都備向鍾意食肥肉～所以就選擇左偏肥的滷肉飯😋見佢每粒滷肉都有一半肥肉一半瘦肉望落仲要震騰騰咁樣，十分吸引🤣而且食落好入味，再加埋本身五花腩嘅油脂香，正.豬扒麵就相對無咁驚喜因為個湯底係採用清湯所以就咁食個麵的話就比較清啖但如果配埋個豬扒一齊食都幾夾😚而本身塊豬扒炸完之後會再用醬汁撈勻，所以都香口濃味配埋個麵食就岩岩好🥳.皮蛋豆腐係比較驚喜嘅一道菜😋凍凍的豆腐配埋面頭的烘熱過嘅木魚同皮蛋一齊食，口感好豐富～以二十零蚊嘅小食黎講真係非常超值.💬唯一美中不足嘅地方係豆腐同豬扒都無切開，所以同朋友分享個時比較麻煩😣

久仰呢間位於工廠區既台灣餐廳既大名，今次終於食到啦夜晚8點鐘先去到，全場爆滿，好彩唔駛等啱啱好有位一入到去就有一個有正宗台灣腔既嬸嬸熱情咁帶我地入座，跟住就叫野食啦！要係menu上面寫，之後出去收銀處比錢，佢就會比個牌你，等一陣美食就會送上滷肉飯唔係好大碗，滷肉偏肥，鍾意入口即溶既人就岩晒喇呢個豬腳好入味，但係成個便當都偏乾，一定要叫埋飲品一齊食蔥油餅煎得好香口，脆得黎唔會好油膩夏日熱辣辣，呢杯鳳梨冰真係要飲，酸酸甜甜咁又解渴又開胃仲有港女最愛既芋圓！附上單據

一直都好想再食程班長，但奈何之前黎過幾次都大排長龍，被逼放棄。剛過去嘅星期六，咁啱買左票去D2 Place間戲院睇戲，決定早小小去排隊，務求食到程班長為止！.我地大約1:45到埗攞票，我地前面有20個號碼左右，大部分都係二至四人嘅組別，因為我地3點要睇戲，所以都有啲擔心食唔切。最後，我地等左大約30分鐘就入到座，再加上係等位期間已經揀好食咩，我地2:25分左右就有得食啦.我地叫左一碗手工滷肉飯、一個台式傳統豬腳便當、一份豆乳雞同一杯冬瓜茶，兩個人食啱啱好，埋單135蚊，幾抵食.手工滷肉飯入口唔算太肥膩，啲肥豬肉同滷水汁撈飯食一流！豬腳便當係令我喜出望外嘅我本身唔係太鍾意食豬腳，因為一般都好肥膩，但男朋友好鍾意食，所以我地最後有叫。點知，程班長個豬腳一啲都唔油膩！食落去嘅感覺係一啖啖嘅骨膠原，好正，值得一食！唯一美中不足係兩個飯嘅飯底唔夠好食，食落有飯焦，有陣時咬到會痴牙，唔係咁舒服豆乳雞都好食，鍾意佢炸得黎香口，唔會太燶，保持到每塊都肉嫩多汁因爲太口渴嘅關係，我唔記得左影低杯冬瓜茶，但真心好好飲，甜得黎會解到渴，一定要試！總括，我覺得程班長性價比高，鍾意食台灣嘢嘅必試！

2018/05/12 AhBwui在經過了下午令人無法恭維的旺角紅橋之後，打算來吃大家大力推薦的程班長壓壓驚，果然沒另我們失望到了一樓便聽到了親切的台灣腔的招呼聲，雖然等候的人很多，但是約十分鐘便能入座看到了餐牌我真的超級激動，每一道料理我都想吃，因為每個料理看起來真的都太讓我想念台灣了。誠意推薦。滷肉飯和肉燥飯的分別在於使用的肉肥瘦。當然就是要吃肥的！滷肉切的比較大塊一些，不像平時AhBwui在台灣吃到的大小。但這都不是問題，這真的是我吃過在香港和西環請坐一樣道地、便宜、又好吃的滷肉飯。這個我就算在減肥我也願意為了他多跑步也沒關係這個山粉圓就還好。可能因為泡得有點久了，山粉圓變得有點脹這個蚵仔煎讓AhBwui和Beauty都讚不絕口。份量大以外，上頭的醬料真的和我平時在台灣吃到的相似。只可惜裡面的菜切得不夠小，但這又有什麼關係呢？左上 台灣泡菜：有點失策了。應該是和臭豆腐一起點，單吃有點奇怪右上 皮蛋豆腐：皮蛋的味道太重了，Thousand Year Egg 果然讓外國人避之唯恐不及下面 滷味三拼：有點滷得不夠味，小小失望米血糕：一個有些人喜歡，有些人不喜歡的食物。反正我很愛大腸包小

好耐之前聽過「程班長台灣美食」開喺荔枝角工廈，星期六終於的起心肝嚟試食! 中午12點幾去到，門口已經有好多人排隊，我地排咗大約半個鐘度先入到去食!入到去覺得啲座位比較迫，同人背貼背咁坐，坐就坐得唔係咁舒服架喇，不過主要係嚟試佢地嘅台灣正宗野食。先試下啲小食呢個甜不辣($20)係凍係，個人覺得一般。牛肉捲餅($32)，都算足料，入面仲有青瓜。蚵仔煎 ($35) ，佢啲蚵仔係比較大粒，雖然冇台灣果啲咁好食，但係喺香港嚟講呢個算係有台灣風味。主食叫咗個紅燒半筋半肉麵同手工滷肉飯。紅燒半筋半肉麵($52)，麵係闊嗰隻，個湯底都好夠味，牛肉夠淋，啲酸菜都唔錯。手工滷肉飯($32) 同另一隻肉燥飯，係較肥，個人覺得肥啲好食啲，咁多樣野我最滿意手工滷肉飯。總括嚟講啲野食係唔錯，不過如果環境冇咁迫會好好多，可能星期六特別多人，下次試下閒日會唔會好啲啦。

食評話好，又即管去品嚐下，適逢佛誕假期又有開市，就可以去試試。餐廳位於工廠大廈內，每逢假期出入，都要俾樓下啲看更問一問貴姓，但又唔係正式登記，所以實在有點不便。上到一樓，門口已有人等位，本來以為假期應該有好多人等，點知比預期為少，等左十分鐘左右就可以入座。紅燒半筋半肉麵，湯底少辣，確實係半筋半肉，但筋多肉少，肉算是軟，麵條較硬手工滷肉飯，確實滷肉較肥，但肥瘦適中，而且很惹味，加上酸青瓜，味道簡單一流花枝丸彈牙，而且香口，好味份量少，味道普通，不值一試