Potluck Eatery

和好友相聚到此一食，餐廳環境簡約以木系為主，燈光柔和舒適，可以慢慢食，都美食選擇多，竟然有海鮮拼盤餐，就試試吧。二人套餐 $658套餐：洋蔥薯仔湯有著洋蔥甜美，薯仔湯口感順滑，味道清新。配埋牛油蒜蓉包好食。套餐： 煙三文魚意大利黑醋沙律沙律菜新鮮爽脆，煙三文魚捲卷成花狀，賣相討好，配黑醋酸甜開胃又健康。套餐： 手搖秘製醬汁海鮮拼盤海鮮拼盤大盆，波士頓龍蝦大隻開邊，肉質新鮮彈牙。仲有大蝦、紐西蘭青口、大蜆和魷魚等海鮮配料，份量都幾多的，加上有粟米和薯仔，配埋秘製醬汁蕃茄味濃郁，食起來非常開胃，二人份量非常飽肚。套餐： 紐約芝士蛋糕芝士味好濃郁，口感綿密細滑，份量剛好唔會好膩。餐飲要了檸檬茶和檸檬水。

唔係講笑！呢間餐廳菜式好多，集所有西方菜式於一身。而小妹最欣賞既係佢地幅壁畫，每一筆都係人手畫上去，充滿藝術氣息。打卡一流😀🍄香煎法國鵝肝多士 （$118）份量非常慷慨 鵝肝煎得啱啱好 仲好juicy🍄牛油果醬蟹肉他他伴脆包粒 （$158）牛油果蟹肉配上蕃茄粒 清新既前菜 好開胃🍄西班牙黑毛豬無花果薄餅（$188）薄餅非常之脆薄 配上ham同新鮮無花果 夠哂fresh🍄手搖秘製醬汁海鮮拼盤（$488）重頭戲當然係海鮮拼盤 有龍蝦 鮑魚 大蝦 青口 蜆 魷魚！不過秘製醬汁比較重蕃茄味 略嫌蓋過咗海鮮既鮮味

之前都有留意 Pom’s Kitchen & Deli，之後網上搵唔到以為結業，原來餐廳改咗名，照樣原班人馬！環境裝修走木系 x 輕工業風，好舒服嘅感覺，咁啱仲可以坐係好似包廂房咁嘅位置。餐牌十分多選擇，唔少得套餐，由於同朋友都唔係話好肚餓，所以無點麵飯，而揀左招牌海鮮拼盤share。手搖秘製醬汁海鮮拼盤 $488 波士頓龍蝦、大蝦、鮮鮑魚、炭燒八爪魚、紐西蘭青口及大蜆。餐廳未改名前已經係招牌菜，我又鍾意食海鮮，當然揀左呢個！有成六款海鮮，超級豐富，秘製醬汁以蕃茄作主調，好開胃，海鮮份量為二人份，所以鮑魚有成2大隻，其他海鮮都係成雙成對，而八爪魚及大蜆仲有好多件，食材新鮮，啱哂海鮮愛好者。日式抹茶紅豆班㦸蛋糕 $46 個樣好吸引，係千層蛋糕嘅款式，唔太甜，抹茶味可再更重。Coco Berry $55 椰子加草莓好好飲！平時我唔太飲呢類特飲，怕好甜，但呢到調嘅比例剛好。總括而言，環境氣氛好舒服，今次因為唔太餓只係試左海鮮，下次再嚟試下其他主食！

今次係open rice book咗位有8折優惠 (可以用係正價餐牌 lunch set同套餐除外) 我哋2個人係7月16號星期五 2點半開始食 都有8成滿座 有lunch set同2人4人套餐可以叫 但冇我哋想試嘅菜式 所以我哋用咗8折優惠叫咗想食嘅嘢香煎法式鵝肝多士 ($98)鵝肝好厚肉 下面嘅多士脆卜卜得來又唔會太硬 呢個可以話係必食白酒忌廉汁大蜆 ($128)份量適中 個白酒忌廉汁煮得好好味 酒味唔係太出但好creamy 蜆size唔係太大但都叫頗肥美 蜆肉夾埋D忌廉汁一齊食真係好滋味 本身見到Menu有pizza 仲係薄身嗰種 所以想試吓佢嘅西班牙黑毛豬無花果pizza 但後來餐廳職員話無花果缺貨 所以決定轉食海鮮拼盤手搖秘製醬汁海鮮拼盤 HandShake Seafood Platter (單點$488)包咗5款海鮮: 龍蝦,大蝦,鮮鮑魚,炭燒八爪魚,紐西蘭青口同大蜆 醬汁同海鮮都好match 但我朋友子就覺得好辣 海鮮嘅size都幾大 二人份量嚟講都幾飽肚 底下嘅粟米好鮮甜 薯仔都做得好爽口朱古力千層蛋糕 ($48)賣相好靚 係深啡色同白色相間 唔會太甜 好味日式抹茶紅豆

最近戀上Seafood Platter，某日朋友介紹話喺佐敦有間新開數月嘅打卡餐廳，嗰度唔止環境靚，仲有海鮮拼盤食，所以今日又同老公嚟咗呢間Potluck Eatery撐枱腳。 餐廳一入門口就已經見到靚靚嘅打卡位，而我最鍾意嘅就係又大又圓嘅月亮，非常浪漫。呢度有二人或者四人套餐，亦有set dinner可供選擇，我哋當然二話不說就揀咗海鮮拼盤二人套餐。點餐之後店員好快就送上餐湯同餐包。是日餐湯係洋蔥薯仔湯，味道清新而且充滿洋蔥嘅甜味。蒜蓉包仍帶餘溫，配合蒜蓉牛油加香草嘅味道，連餐包都咁好食。套餐仲包括咗煙三文魚意大利黑醋沙律，煙三文魚堆砌成玫瑰花嘅形狀，賣相吸引。然後就到手搖秘製醬汁海鮮拼盤出場，醬汁充滿蕃茄嘅香味，亦帶少少辣，醬汁已經均勻地包圍着每一件海鮮，然後再用一隻小鍋奉上。而且份量相當豐富，除咗有主角波士頓龍蝦之外，仲有大蝦4隻、鮮鮑魚2隻、紐西蘭青口2隻，同數唔完嘅炭燒八爪魚同大蜆。食材全部新鮮，而且肉厚肥美。最後仲有甜品，Blueberry Cheesecake份量適中，充滿濃郁芝士味道。餐飲揀咗熱美式咖啡同凍檸茶，個人覺得呢個美式咖啡又大杯又抵飲，愛好黑咖啡嘅朋友就一定要