青流 (Closed)

30年前已經想試下長洲青流，點知特登入黎，見佢未開門，隔離左右同我講店主去左旅行，失望而回。今次再入長洲！為嘅就係要食青流！點知一點去到又見到佢落哂閘......唔係掛......「你同我係佢門口寫懶豬兩隻字！」嬲到我呀然後男友好冷靜咁打電話比店主問佢今日開唔開，「佢話十五至二十分鐘開鋪」好啦原諒你啦坐係一邊等佢開門，見到有唔少途人失望地同大閘留倩影，建議摸門釘嘅朋友唔好急住走，可以打個電話比店主先，未必一定冇得食！裝修好有特色，不過我腳短，個櫈我吊腳。檸檬蜜糖梳打，蜜糖味好香，有汽檸蜜！好鍾意！隻杯係冰鎮過，由頭飲到尾都係凍！雞湯係估佢唔到咁濃味，一秒變心心眼，男友唔信我，然後佢飲完都變左心心眼海南手撕雞飯不能當佢係海南雞，但當泰式手撕雞飯食好唔錯！雞唔鞋，豉油甜甜地，撈埋辣醬食好好餸飯，十秒清碟！香蕉pancake係我最喜愛泰國小食之一，旅行時晚晚都食一份。餅皮略帶煙韌，夾上香蕉，洒上朱古力醬同煉奶，沒有不愛嘅理由。每枱必叫芒果煎糯米飯，我都係為左佢而嚟！太好味！糯米飯表面煎得金黃香脆，見佢乾爭爭以為會冇咩味，點知！！！飯粒好重椰汁味，係睇唔出咁重嘅椰汁味！好香好濃郁！好似一咬開椰

由於食左個brunch tea雖然去完東堤又去張保仔洞，但見寶貝話肚餓加上已經夜晚7點，所以還返單車後就慢步嚟到青流食晚飯~由於寶貝仲未識「吐骨」，呢度d海南雞飯就啱哂佢啦呢度雖然地方細~但環境，食物，服務都幾好下次再去長洲一定要留肚再嚟食

又同另一半離島遊,  今次來到十幾年未踏足的長洲  來到長洲, 知道有一間泰國餐廳就來試下, 餐廳設計很有自己style, 有小店的特色, 餐牌就寫在黑板上  食物份量不算多, 正合我和另一半, 因為還可以試街邊小食  我們點選了手撕海南雞飯和金邊粉, 金邊粉個人覺得粉有點難handle, 好難先夾到, 味道都可以, 相比手撕海南雞飯我倆都強烈推介, 除了手撕雞很入味外, 要讚賞下個配汁, 香辣又開胃  另外我自己點選了青檬梳打, 青檬梳打用碗飲特別有風味, 而且碗很大很有店風格, 亦可以兩人share飲  下次去長洲還會來, 很想試一試泰式熱狗

芒果煎糯米飯 $32評分：🌟🌟🌟-你以為長洲只有芒果糯米糍出名？呢間位於長洲既泰國小店既芒果煎糯米飯可能都會成為「焦」點，係飯焦個焦！佢比起普遍係泰國菜館食既糯米飯多左份香脆既口感，但又不失原來應有既煙un，去開真係應該要試下唔同既野！-----手撕海南雞飯 $35評分：🌟🌟🌟🌟-呢個手撕海南雞都goodgood架！首先佢既雞肉夠嫩滑，秘製既醬汁夠哂特別，令人好有繼續食落去既意思😍油飯都有油味，而且粒粒分明唔會一舊舊好似雪櫃拎出黎咁，但個人覺得再香啲仲正👍明明都唔算細碟，但食完都好似仲係唔夠，想繼續食落去⋯😜提翻大家，小編⋯真係好鍾意食雞😭

每次黎長洲晚餐一定會食海鮮，因為平靚正。今次反傳統食泰式美食，入到餐廳已經被裝潢同價錢吸引，毫不留情點曬所有野食。手撕海南雞飯好美味 ($30) 飯粒分明、有咬口。再追加！另送冬瓜胡椒湯 芒果煎糯米飯真係值得一試，估唔到咁好味又創新。($32) 香蕉班㦸賣相都流晒口水，新鮮熱辣。($32) 呢間餐廳充滿亮點，年輕老闆又靚仔，下次會再幫襯