天魔 (Closed)

約咗朋友一齊去食晚飯，估唔到喺一田裡面有間隱世漢堡包店。完全出乎我哋預料之外，餐廳嘅食物係即叫即整架😋😋 我哋叫咗一個手撕豬肉漢堡，係用竹炭麵包造架；另外仲叫一個至尊漢堡，配上手工牛肉漢堡扒🍔🍔，兩個漢包塊麵包都係外脆內軟，配埋入面嘅秘製醬汁，食落味道好滋味！我哋仲叫咗一份XXL韓式三文治🥪，從來未食過咁足料、大大份嘅三文治，入面有泡菜、火腿、蛋、午餐肉、蕃茄、椰菜，六層餡料真係無得輸，超級超級好食🤤🤤真心好鍾意呢間小店，五十幾六十蚊就食到咁高質素嘅漢堡包同三文治，仲要唔洗加一、唔洗排長龍，真係物超所值🤑♥️ 我哋仲加配兩款小食，吉列炸蠔同日式沙律，質素都唔錯。飲品就叫咗朱古力，其實見佢有好多款咖啡都幾吸引，不過我本身夜晚唔飲得，下次朝早再去幫襯先得☕️☕️

位於vcity入面一田超市包圍的小餐廳，環境比較細同比較開放，一開始睇天魔呢個名完全估唔到係食西餐既，餐牌款式唔算話好多野但全部都各有特色，最估唔到係竟然有威靈頓牛柳，就連好多西餐廳都未必有既野，但今日第一次黎食唔敢試d咁貴既先，先試下d漢堡得唔得。手撕豬肉漢堡，豬肉佢標明係慢煮梅頭肉，果然肉質好腍，腍得黎又唔會好散，真心幾正，再配合埋佢個自製醬汁，少少甜，味道好夾，成個包好大個一口咬唔晒，不過同圖片有d唔同既係佢本身有d蕃薯乾變左做蕃茄，係有2塊仔放埋1邊我估係咪無貨所以先轉蕃茄，同埋個包略慊烘得唔夠香，整體上都係好食既，加15蚊有埋薯條同飲品，薯條係粗薯炸得岩岩好，好有薯味，好食。本身想試佢個mocha，但店員話今日無咖啡，所以飲返凍檸茶，呢杯檸茶就太弱了，淡到好似飲水咁，唔掂。食物質素我覺得幾好，價錢就比出面西餐廳會略平dd，始終環境因素啦，一定坐得無咁舒服。

天魔（屯門）✨✨✨✨✨✨✨原來屯門一田超市裡面有好嘢食，正正座落喺天仁茗茶旁邊，主打西式burger及意粉類快餐。天魔的食品種類繁多，除漢堡包🍔及意粉，亦有扒類及慢煮料理，而且價錢相宜😆最低$53就可以品嗜招牌高質漢堡包！✨✨✨✨✨✨✨評分：🍩🍩🍩🍩(out of 5🍩)1. 手撕豬肉漢堡 - 超厚又足料！竹碳麵包烘得脆脆的，包住一絲絲豬肉，醬汁不是死甜的，另加上孜然等香料，有丁點印度風味，而且配料有脆脆的蕃薯條乾，以及椰菜絲！好好味！😋2. 至尊漢堡 - 雖然佢賣相唔及手撕豬漢堡咁靚仔，但内涵一樣咁高質！麵包都係烘得脆脆的，裡面嘅手工漢堡係有肉嘅質感又juicy（不是麵粉溝免治肉嘅普通貨色），配上類似手工醬汁再加上芝士、蕃茄片及菜絲，好得！難怪OpenRice 食評咁多好評👍🏼👍🏼👍🏼👍🏼👍🏼👍🏼👉🏻整體感，打完以上文字，回味返當日嘅burger，好想再返去食😍😍😋😋一分錢一分貨，並唔能夠套用喺呢度，出面食高質burger 起碼要$8x ， 而家$5x 就食到，性價比最高です！🌟千層麵、brownies 都係好多人推介的，可以試試！溫馨提示：店內初一、十五有齋食