李好味 (Closed)

之前外國朋友來港問我中環有邊D餐廳好食，偶然發現到呢間港味十足嘅餐廳，結果自己都忍唔住嚟試！餐廳分上下層，下層飲嘢多，我哋用餐組所以去咗上層，呢度反而更似以前大排檔，連餐具都好懷舊呀～～～乒乓菠 $118呢度Ｄ菜單名都好搞笑，唔睇介紹都唔知係甚麼來的，見到係菠蘿乜乜乜即刻叫，原來係菠蘿包burger，裡面仲有成塊好新鮮好甜嘅菠蘿，同好飽滿嘅漢堡一齊食，就好似廣告咁一咬生果汁肉汁同時爆發，李好味炒飯 $208就咁睇都已經睇得出炒飯包含多種食材：蟹肉﹑蝦﹑帶子，飯粒係比較扁身相對有咬口，炒飯都炒得好乾身唔會漿住曬，加埋適當嘅調味，令海鮮鮮味充分凸顯！老魷鬼鬼 $148每件size製作成一口大細，方便一啖入口，外層炸得夠酥脆，放耐咗都唔會淋曬，裡面釀咗法國魚子醬同墨魚滑，所以口感同一般鬼馬油炸鬼有分別，味道更濃郁。正粉腸。腸粉正 $108腸粉炒過之後依然滑溜，醬汁好均勻咁掛在每一條腸粉上，唔會太油，加埋半熟荷包蛋一齊食口感更加豐富，隻蛋真係錦上添花。扮上菜 $108 用煲上嘅炒菜我都係第一次見，咁反而可以keep得住菜嘅溫度，菜有少少油容易入口亦好夠味，新鮮又爽口唔會變一陀，記得要叫蒜蓉呀。

呢間餐廳位於石板街附近，放工後我由金鐘步行到此，剛趕得及預訂了6點主餐牌半價的優惠。真心的說，此餐廳菜式味道很好，價錢卻貴得很，份量也偏少。餐廳有兩層，樓下是bar，雖只是6時，卻有不少外籍人士暢談暢飲中，Happy Friday的關係吧。餐廳設計很有特色，佈置裝飾用心。我們到2樓用餐區時只有一枱外籍顧客用餐中。由於半價菜式有限制，只可惠顧主餐牌又只能用膳個半小時，來之前從食評相片瀏覽了心儀菜式，然則餐牌有些轉變，有些也是即場選擇。搞鬼菜式名字中我們要了的佳麗分別有李小龍蝦，8仙過海點紅點綠及XO醬黑蒜炒西蘭花加帶子。李小龍蝦已起肉，說明是小龍蝦份量是小的，不過另有饅頭個胃也不至於空蕩蕩，加上泡沫煉乳不過甜，塗上饅頭一流。8仙過海點紅點綠是煲仔飯，飯面舖滿海鮮，有蜆蝦魚龍蝦肉魷魚等。材料新鮮味道好，只是飯的份量小。扮上菜我們選了XO醬黑蒜炒西蘭花加88蚊要帶子，菜比想像中多，炒得好有驚喜。是日晚餐若非半價，相信如需正價不會去。食物好味美然則價錢貴份量小，是合遊客惠顧的吧。