宇治園 (Closed)

其實想食呢間好耐，但冇乜機會去，終於今日同朋友搵地方kill time果陣，就去咗呢度食Tea啦！我呢個抹茶控喺門口見到Menu果陣，一定係睇抹茶食品啦，本來想叫芭菲，但最後都叫咗另一樣嘢：抹茶脆脆杯我個人覺得個紅豆比雪糕更出色😬😬要等12-20分鐘，但味道不俗，只係年糕賣相有啲唔討好食抹茶食品，當然要飲抺茶啦！總合嚟講，我覺得「十」字果間好似抹茶味濃啲，但我相信有啲抹茶控不喜歡太濃味道，就可選擇這間！

好早去食，所以冇乜人。亦可能價錢偏貴，見好幾個人經過門口睇完 menu 就走，但其實定價同同區另一間差唔多。舖頭位於海港城，位置有少少隱蔽，上網睇咗段縮時影片兩次先出發 環境都幾日式，只係旁邊就係扶手電梯，有點大煞風景。又係一坐低有壺茶，茶錢盛惠 $10。腐皮生茶麵 - 叫呢款主要係因為其他款比較貴 。味道 OK，仲有抹茶味蛋卷一支。 抹茶脆脆杯 - 食完碗麵再飲幾杯茶都幾飽，但一場嚟到點可以唔試埋甜品。款式好多，所以會有選擇困難，結果揀咗呢款。雪糕抹茶味濃，個杯堅脆，夾埋一齊有啲似食雪糕 cone。以 $70 嚟講份量似乎少咗啲，我諗加多廿蚊食杯芭菲會更開心!!

知道海港城開咗宇治園時，一直都好想試，環境很好，店面雖然不大，但空間感十足，舒服寧靜。坐抵之後，店員放抵一壺玄米茶，好香茶味，好飲（結帳時先知每位茶錢$10），因為已經有茶了，所以order咗一個抹茶大福卷套餐 - - 抹茶卷蛋+飲品$98（只有套餐，不可單點）同抹茶脆脆杯$70。2者的味道都可以，可惜抹茶味唔夠濃，有點失望，幸好大福卷套餐內所點嘅煎茶夠香濃（還有冷抹茶、焙茶、咖啡等等可供選擇），挽回不少分數。最後想講，店員嘅服務真係好好，多次提醒茶品可加水添飲，非常有禮。

今日終於同fd黎食左呢一間新開嘅抺茶店而呢一間抹茶店除左出名於起佢嘅抹茶甜品外 焙茶嘅甜品亦都相當之吸引～😋今日我地就食左呢幾樣甜品：1-抹茶軟雪糕（一半先記得影😝）通常起出面食嘅抹茶雪糕會比較種奶味 抹茶味都會相對地淡少少 但今次食嘅抹茶雪糕都出乎左我嘅想象 食到明顯嘅抹茶味 唔會比奶味蓋過 非常正👍🏼 所以我推薦比鍾意食抹茶味嘅你 但如果你係鍾意食奶味嘅話 佢都有抹茶牛奶軟雪糕比你選擇嫁 2-抹茶脆脆杯個抹茶雪糕真係太好味了 我地就叫多左個抹茶脆脆杯 今次就夾埋個紅豆一齊食 好match😙 紅豆味唔會過甜 清清地襯埋雪糕食一流 3-焙茶double cheese cake除左要食抹茶味嘅甜品 焙茶味嘅野食當然唔可以錯過啦 我同fd就簡左呢個焙茶味double cheese cake😍😍 呢個蛋糕面係一d焙茶蛋糕碎(有少少似食木糠布丁咁） 之後就係一層芝士蛋糕同焙茶蛋糕 芝士味好濃郁 但感覺唔會太膩 因為有焙茶味中和番 帶出左烘焙嘅味道 值得一試👍🏼